01/10/2017 知道近期在海運大廈新開了一些餐廳 ,
所以有飯聚就會約朋友一齊去試 ,
第一次就試了這間來自米蘭的人氣意大利餐廳 ,
一進入餐廳四周的環境很不錯而地方亦十分之寬敞 ｡
好開心我同朋友被安排坐在近窗的位置 ,
從窗向外望就是靚靚的維港景色 ,
而且餐廳亦設有戶外的坐位 ,
後來詢問了店員才知道戶外的位置衹供飲嘢而不是進餐之用 ｡
都未 order 就已經送來了餐前麵包 ,
餐前包都有 3 款但我只食了兩款都幾好吃 ｡
" PIZZA PORCINI E TARTUFO "
( Porcini Mushrooms, Mozzarella, Rocket Salad, Black Truffle )
據知他們烤 pizza 的焗爐是以 6 位數字從米蘭購入的 ,
咁無理由唔試 pizza 架 ! ^^
呢個 pizza 一上枱已經有好香的菌味而且食味也不錯 ｡
" Spicy Melon , Waterberry "
可能是新開張所以餐廳還未攞到酒牌 ,
故當晚只能食無酒精的飲品 ,
我揀了 " Spicy Melon " 真的很好飲 ^^
" King Crab Meat Salad with Avocado & Sicilian Prawns "
由於只得兩個人食完一個 pizza 都應該食不到什麼 ,
但又唔想咁單調所以就揀多一個沙律菜 ,
這個沙律菜材料既豐富又新鮮 ｡
這就是兩個人的晚餐 ^^
--------------------------------------------------------------------------
06/12/2017 今次是約了一個很耐沒有見的朋友 ,
我感覺這位朋友對餐廳的質素是有一定的要求 ,
以前約她飯聚的地點通常都在金鐘 ( 因為近她的公司 )
但今次我真係好想帶她來這間餐廳一試 ,
雖然這間餐廳現在比較難訂位好彩最終都 book 到 ^^
餐廳門外已經掛了一些聖誕的裝飾
餐廳內簡單的佈置就已經好有聖誕的氣氛 ,
我最鍾意他們的聖誕樹 ( 可惜唔記得拍照 )
當晚餐廳內不停咁播放旋律優美的聖誕歌真的很好聽 ,
例牌先來一客餐前包 ( 原來未必次次都一樣 ^^ )
" PIZZA EDI "
( Pepperonil, Tomato, Mozzarella, Onion, Fresh Chili Pepper )
今次的餐牌多了很多的選擇 ,
我叫朋友揀 pizza 佢話一係煙三文魚、一係就辣肉腸 ,
如果兩者之間我係會揀辣肉腸 ,
個 pizza 辣辣哋好惹味朋友還讚他們的辣肉腸好吃 ^^
" FRITTO DI CALAMARI E ZUCCHINE "
" Homemade Pappardelle with Smoked Pancetta in Pink Sauce "
既然係 Homemade 咁一定要試又幾好味喎 !
原本諗住食完晚餐後再 order 飲品出戶外繼續飲嘢傾計 ,
但後來搞搞吓朋友話不如下次先再飲嘢 ,
咁唯有等下次啦 !
24/09/2017 早前有朋友約我去 " 燒肉牛藏 " 食放題 ,
我第一個反應係 : 吓 ! 我唔多食牛架喎 !
跟住朋友話除咗牛都有其他嘢食嘅 !
例如有刺身 海鮮還有其他放題的食品 ,
而且當時餐廳仲做緊優惠咁就一於同朋友們去試下啦 !
當日我哋好早就到咗食物未到前就出去攞啲飲品先 ^^
可能真係太早所以無乜食客咁趁無乜人又周圍影下相先
這個範圍全是酒類飲品真的有很多不同酒類的選擇 ,
但我當晚只飲了柚子酒很不錯
唔好酒的朋友亦有其他非酒精類的選擇
飲品櫃隔離還有一個甜品櫃 ,
當晚我掛住食雪糕所以就沒有試這些甜點了
雪糕櫃裡都有好多款雪條同雪糕 ^^
我的柚子酒呀 ! ( 後邊的那瓶是朋友的梅酒 )
有朋友話等食物的時候唔好浪費時間食杯雪糕先 ,
咁又啱喎 ! 等我都食番杯先得 ^^
先來一碟牛的拼盤 : 澳洲和牛肉眼 , 澳洲和牛西冷 ,
和牛胸腹 , 美國榖飼牛及薄切上等牛舌岩鹽燒等
先送來一個拼盤牛給客人試食 ,
有某些牛款是可以 re-order 的如果你試啱自己的口味 ,
就可以再 encore 一次 ( 今次我都試咗少少 ^^ )
跟住再來一盤新鮮的刺身拼盤還有海膽呢 !
食完呢盤都已經好滿足不用再 order 刺身了
再來一碟 " 米澤豚西冷和米澤豚腩片 "
最後還有一個豐富的海鮮拼盤
" 帆立貝 , 北海道白貝 , 蝦 "
" King Prwan Tempura "
這店的天婦羅炸蝦粉醬很薄真的十分之美味
" 温室蕃茄沙律 "
新鮮的温室蕃茄又真係幾大片喎 !
" 温泉蛋田園沙律 "
我最愛的温泉蛋 yum ! yum !
第一次自己親手燒 " Kinki "
啲韓國蠔又幾大隻喎 !
北海道長腳蟹
差不多去到尾聲再食多杯 Movenpick 先 ,
今次食第二款口味 ^^
" Mushroom Tempura, Stweet Potato Tempura, King Prawn Tempura "
好吃的唔好比佢停再來一 round 天婦羅 yum ! yum ! ^^
" 豆腐雜菜鍋 "
食完一輪燒烤飲番碗清清哋嘅湯都幾舒服
最後緊係要食多杯我至愛嘅雪糕作結啦 !
我哋四個人前前後後共吃了十柸雪糕 ,
會唔會有啲誇張呢 ? ^^
總括而言這個放題的食物質數都很不錯 ,
若然鍾意食牛的朋友就更加要來試吓啦 !
26/10/2017 朋友的生日飯由年頭食到年尾
佢先有時間應酬我 ,
亦因為這樣才可以有緣品嘗到法國總店有米芝蓮一星及
法國廚神美礜的 David Ibarboure 嘅廚藝 ,
其實舊年已經錯過了一次 ^^
今次的 "David Ibarboure Tasting Menu" 揀來了五道精美的菜式 ,
昨晚沒有影 Menu 所以這張是從他們的 fb copy 的
餐前麵包好吃
" Amuse Bouche "
除了餐前麵包還有餐前小吃 ,
三文魚子吞拿魚同蟹肉多士都一樣好好味 ,
有佳餚當然要有美酒啦 !
我哋點了一杯 " Obsession Symphony, California " ,
這杯白酒略帶荔枝味清清甜甜好易入口
" French Oyster "
第一道菜式有新鮮而肥美的法國 Gillardeau ,
還是第一次吃已被處理好的生蠔不用自己起肉勁 like ^^
" Egg 63°C, Gillores "
第二道菜有 63°C 温泉蛋配搭埋其他食材真的十分之美味
yum ! yum ! ^^
" Tasmania Salmon, Langoustine "
塔斯曼尼亞三文魚 + 小號龍蝦再加其他的配菜
就成了一道美味的菜式 ,
三文魚烹調得好嫩滑每食一口都是享受 ,
至於這款小號龍蝦應該是法國南邊 Guilvenic 的產物 ,
因為 Chef David 是來自法國西南部的 ,
第一次食小龍蝦都幾鮮甜爽口
無錯本應 Menu 的第四道菜式是法國牛的 ,
但因貨源問題所以餐廳改用了澳洲的 M6 和牛 ,
其實朋友好想試法國牛今次試唔到感覺有點可惜 ,
原來唔食牛的朋友都有另類選擇 ,
餐廳另外提供了 Lobster 同 Iberico pork chop ,
因為無法牛所以朋友亦放棄了食牛 ,
我哋就揀了這兩款菜式來試 ,
Wow.............估唔到有黑松露食 ,
第一次食一片片嘅黑松露真係好香好好吃 ,
鮮甜爽口彈牙的龍蝦伴埋個超濃嘅龍蝦汁真係好正 ^^
Iberico pork chop
黑毛豬的邊位整得好甘香可口 ,
第一次食黑松露薯蓉好吃 ,
薄薄的薯蓉又唔會有好漏的感覺
" Apple Tartin "
平時我比較少喜歡吃蘋果做的甜品 ,
但今次個甜品我真係好鍾意食完亦好滿足 ^^
" Petit Fours "
最後以咖啡為這頓美味的法國餐劃上完美的句號
另外最開心緊係可以同 Chef David & Ping 一齊影合照啦 ! ^^
這個 Tasting Menu 做到 29 號咋 !
如果想一賭法國名廚的風采就快啲去訂位啦 !
10/09/2017 又是我的另一場生日飯局 ,
知朋友都鍾意食泰菜所以揀了這間來試一試 ^^
室內的環境同裝修都很不錯
其實椰青我並不是太喜好的 ,
但當日唔知飲乜好所以就跟朋友叫了這個
" Deep Fried Prawn Wads with Egg Noodle "
喺網上見到已經好想食呢個 "蛹蝦",
所以第一時間就叫來一試 ,
個炸蝦係好食但外層的炸蛋麵食落口會感到有啲苦味 ,
如果再來應該不會再叫這個了
" 泰式柚子蝦沙律 "
酸酸辣辣柚子又多汁好吃開胃
" 串燒 (雞, 牛, 豬) "
這裡的串燒都唔錯喎 !
" 燒原隻魷魚 "
燒魷魚就差少少喇 !
因質感比較腍身所以覺得無乜咬口
" 越式燒春雞釀香芧黃飯 "
這隻燒春雞對於我哋兩個來說好似大了一點 ,
不過隻雞好香好好味尤其是那個香芧黃飯真的十分之美味 ,
最後我哋都食唔晒所以就拿回家留作我第二日的午餐 ,
呢間餐嘅食物水準都算中規中矩可以再來 ^^
