17/08 朋友的朋友在 Mikiki 新開了餐廳 ,
在網上見到食物的圖片感覺質數都好似不錯 ,
好今次的雙星生日晚飯一於建議朋友們來一試 ^^
餐廳的位置雖然有點隱蔽 ,
但內裡的環境好優雅好闊落 ,
對於我來說都算是一個不錯的飯聚地點
朋友一坐下就發現了生蠔的優惠 ,
$10.00 一隻係咪好吸引呢 ?
未到餐廳朋友已經嚷著話好肚餓 ,
所以一坐下便已經要求店員先上少少麵包給朋友醫肚 ,
最低的那一個包朋友話最好味 ,
於是立即叫朋友比少少我試 ,
咦 ! 又真係幾好味喎 !
好齊人就正正式式咁上一次餐前麵包 ,
最好味的依然是那款包 ( 就是面頭的那一個 )
" 澳洲 Tasmania "
Haha ............. 四個人晚餐有三個人都食蠔 ,
今期做緊兩款澳洲生蠔的優惠咁緊係要叫晒兩款啦 ! Yeah !
生蠔即開即食真係好鮮味 ,
但這款生蠔的味道個人感覺比較淡味一啲 ,
不過都好好吃因為又新鮮又大隻
不消一會便 KO 了 4 隻 ^^
" 澳洲 Coffin bay "
好食完 4 隻又再來一 round ,
Wow ! Coffin bay 更加肥美鮮甜 " 正 " 呀 !
食完兩碟大家都經已好滿足 ( 不過已經諗緊再約別的朋友來 ^^ )
" 波菜蜜桃果仁沙律 "
當晚因為要食生蠔所以就要散叫了兩個主菜 ,
而另外兩個就要了 Dinner Set ,
這個沙律就是 Dinner Set 的頭盤
Dinner Set 除了有沙律還有這個餐湯
這個雜菜湯都好足料好好飲
" 紅酒燴牛肉配波菜意大利飯 "
這個意大利飯就是其中的一款 Dinner Set ,
個紅酒燴牛肉我無試只試咗一嗒意大利飯都幾好食喎 !
" 秋葵露芛耳朵粉配香草醬忌廉汁 "
另一個 Dinner Set 就是這個貓耳朵粉 ,
個耳朵粉都有啲硬度幾有咬口好吃 ^^
" 虎蝦天使麵配龍蝦忌廉汁 "
呢個意粉喺網上見到時都已經好想食 ,
這個天使麵朋友食了一嗒已經話好食 ,
天使麵加埋個龍蝦忌廉汁所以有好香嘅蝦味 ,
又真係幾好食嘅 yum ! yum ! ^^
" 脆焗豬手配燒薯 "
如果鐘意食脆皮豬手的朋友就別要錯過這道菜式 ,
豬皮真的焗得好香脆可口而肉質都 ok 唔會好乾 ,
其實配菜都好豐富好好味特別欣賞佢個燒薯
呢兩個就是 Dinner Set 的廚師甜品 ,
本身個甜品應該是 Yogurt 雪糕 + 朱古力爆谷然後再淋一個汁 ,
但因有朋友唔食 Yogurt 同 Vanilla 味嘅雪糕 ,
所以其中一個甜品就轉了朱古力味 ,
由於大家都已經好飽亦沒有再叫其他甜品來試 ,
希望下次有機會試啦 ! ( 這裡的甜都好似好靚架 ! )
其中一個 dinner set 要了一杯凍朱古力飲品 ,
我試咗少少個朱古力都唔錯幾好飲仲好夠朱味添 ! ^^
13/08 事原生日那天買了兩幅太陽眼鏡 ,
因而得到了兩張戲票的換領券 ,
所以就約埋朋友一齊去睇戲 ,
睇戲前先去醫肚估唔到朋友竟然話食返 "定食 Doraya" ^^
" 海膽山盛板 ( 海苔付 ) "
其實佢哋有 40g 同 80g 給食客選擇的 ,
但上次定食另加 30g 感覺個份量都不算太多 ,
所以今次我哋就豪豪哋要了 80g ^^
朋友的 " 三色自選丼定食 - 帆立貝 , 活赤貝同藍鰭吞拿魚中腩 "
今次朋友終於如願以償可以食到藍鰭吞拿魚中腩喇 ! ^^
今次我要了 " 油甘魚&藍鰭吞拿魚兩式丼飯定食 "
大大片的魚生刺身鋪滿了飯面感覺好 "正" 呀 !
原來咁樣食海膽是最好味的連朋友都話無咁漏 ,
你一件我一件好快就無晒啲海苔喇 ! ^^
加片海膽幫個茶碗蒸點綴一下先 ^^
食飽飯又未夠鐘睇戲所以朋友話要去食雪糕 ,
但我已經食到好飽喇 !
點知去到見到呢款刨冰又好似好吸引喎 !
" 宇治金焙茶刨冰 "
終於抵受不住誘惑就試咗杯刨冰 ,
佢個刨冰每一口都好軟綿綿又真係幾好食喎 !
朋友的 " 宇治金抹茶軟雪糕 "
我哋啲雪糕同刨冰一出完 ,
店員就話今日啲雪糕已經賣晒喇 !
好彩我哋行快一步啫 !
如果唔係就輪到我哋無雪糕食 ,
食完雪糕就行去睇戲喇 ! ^^
12/08 好難得可以約到朋友出來食晚飯 ,
原先我哋不是來這間餐廳的 ,
後來因為少了一個飯腳所以就轉了地方
我一直都好想試 " Burgeroom " 但好唔就腳 ,
所以到了現在還未去試 ,
最近他們在美麗華開了新分店 ,
好一於同朋友去試下先得 ^^
( 借用朋友的照片 )
餐廳還有吧枱的位置
吧枱隔離就是落 order 的地方 ,
入坐後要自己出去買食物然後會有店員送餐給你的
每張枱面都有呢張貼紙位 ,
只要你買完食物店員就會俾一個震震牌你 ,
然後你返回坐位將這個牌放在貼紙上 ,
之後就會有店員為你送上食物 ,
直至你的要的食物出齊時店員就會收回此牌
突然好想學外國人咁飲啤酒食 Burger ^^
朋友的 " Iced Pineapple Tea "
" 黑松露芝士薯條 "
這個芝士薯條熱食時還可以 ,
但凍咗就一啲都唔好食
" 薯絲蝦 "
個薯絲蝦係人見到都想食 ,
但原來內餡是類似日式魚蛋好失望呀 !
" 鱈魚手指配他他醬 "
反而鱈魚手指是三款炸物中最好吃的一款 ^^
" 雙鵝肝軟殼蟹漢堡 "
嘩 ! 真係好大隻 Burger 呀 !
分開咗半隻依然好大份我都要續啲續啲咁食 ,
鵝肝 ok 但軟殼蟹個粉漿太厚喇 ! ( 有少少失望 )
10/08 在 "中村藤吉" 吃過中午飯後便去了看戲
在無乜選擇下我哋揀了看這部電影
睇完戲出來朋友話要飲咖啡 ,
我就話不如試下 TheOne 裡面的小 cafe 店 ,
點知行吓行吓就路經 " 宏 " 的門口 ,
朋友就比佢哋嘅卷蛋吸引住 ( 原來他們還有外軟雪糕 )
跟住佢就話不如試呢間好嗎 ?
既然朋友想試就陪佢試吓啦 !
其實這店在佐敦開業時我已經試過了一次 ^^
" 咖啡迷你卷蛋 , 朱古力迷你卷蛋 , 芝麻迷你卷蛋 ,
草莓迷你卷蛋 和 抹茶迷你卷蛋 "
由於大家都想試唔同嘅口味所以就要了迷你卷蛋喇 !
熱咖啡到喇 !
本應我哋諗住叫 Cake Set 但佢哋個餐只可配茶 ,
如果好似我哋咁要飲咖啡就要另外 order ,
所以我哋最後唯有散叫啦 !
見到蛋糕隔離個啡色制嗎 ?
我哋當天都有按嗰制來呼喚店員 ,
唔知係咪人手少就算按咗都無人理 ,
最後都係要攔途截劫咁去搵店員落單 ,
這店給我的感覺真係好慢活 ,
餐廳門口又沒有店員接待入唔入得去又唔知 ,
但好彩店員的服務態度都尚算可以
咖啡上枱時好靚仔 , 但咖啡只是暖唔多夠熱
這店的卷蛋都算好食但就貴了一點
-----------------------------------------------------
飲完下午茶逛了一陣街又到了晚飯的時間 ,
朋友搵了 " 定食 Doraya Japanses Restaurant Doraya " 問我好不好 ?
好 , 我之前都食過都覺得這店很不錯
" 北海道值送 - 昆布森牡蠣 "
我呢位朋友好鐘意食生蠔 ,
佢一見到有生蠔就問我食唔食 ,
我都 ok 嘅所以就 order 了兩隻 ,
嘩 ! 隻蠔都幾大隻喎 !
加埋個汁一齊食都幾好味 ,
但似乎這款生蠔並不是朋友的那杯茶 ^^
" 藍鰭吞拿魚大腩 & 魚腩蓉丼定食 "
本應朋友想要中腩但可惜買晒所以佢唯有要大腩啦 !
" 刺身丼定食 "
" 帆立貝 , 三文魚 , 油甘魚 , 生海膽 "
本應是三色丼但我另加了 30g 生海膽 yum ! yum ! ^^
本應是味噌湯但加了 $10.00 就轉了蜆肉味噌湯 ,
嘩 ! 個湯又夠鮮味甜蜆肉又多真係好 " 正 " 呀 !
" 茶碗蒸 "
日式的茶碗蒸一直都是我的至愛
" 漬物 "
這款漬物我都好鐘意食
" 小钵 "
最後同朋友交換了刺身個刺身飯又更加變得豐富了 ,
真係望到都好開心況且仲要有得食添 ! ^^
當日同朋友真係大放肆想食乜就食乜 ,
真係超滿足同開心就是這樣就過了瘋狂的一天
