21/05 當晚諗住去 apm 睇戲前先搵地方醫肚 ,
但是在觀塘區都唔知有乜好食 ,
好彩朋友突然 send 來這間餐廳的資料問我試不試 ?
原來是 3 月尾先進駐觀塘的韓式咖啡餐廳 ,
睇圖片好似好吸引好就一於去試下啦 !
由於要趕睇戲的關係所以我哋大約六點鐘就去開餐 ,
幸好時間尚早不用等位而且又剛好有四人卡位 ^^
可能是晚飯時段所以是有設時限的 ,
但我已經唔記得是限個半鐘定二個鐘 ,
反正我哋都要趕住去睇戲一定食唔耐啦 ! ^^
" 草莓蕃石榴熱果梳打 "
一坐下就有小妹妹話要飲這款飲品 ,
第一時間我就話有酒精架喎 ! ( 因為我在別的餐廳飲過類似的 )
再細看 Meun 原來這店賣的只是梳打咁就無所謂啦 !
朋友要了這個唔知好唔好飲呢 ?
" 青蘋果奇異果梳打 "
杯飲品都幾大杯而且我哋又坐得唔耐 ,
所以我就建議兩位小妹妹我哋三個人飲一杯 ,
這杯梳打都幾好飲喎 !
" 韓醬燴牛肋刀切麵 "
朋友唔食炸雞而芝士類的食物又唔知啱唔啱口味 ,
所以她就試了這個刀切麵 ( 唔記得問佢好唔好味添 ! )
" 拉絲芝士BB豬肋骨伴泡菜炒飯 "
這個芝士泡菜炒飯真的很吸引 ,
由於我唔多食牛所以就揀了BB豬肋骨 ,
剛好有 3 件豬肋骨我同小妹妹們一人一件 ,
豬肋骨個醬汁都唔錯幾好食 yum ! yum !
嗱 ! 嗱 ! 嗱 ! 你哋睇下啲芝士係咪好想食呢 ? ^^
" 韓式甜辣年糕炸雞 "
計埋今次是我第二次食韓式炸雞 ,
今次比第一次還要好吃好多倍韓式的甜辣醬原來是咁美味的 ,
食落個炸醬都好似是有調過味的 ,
而且啲雞肉仲好嫩滑總之一個字 " 正 "
其實個年糕都好食架 ! 只是略嫌少了一點 ^^
" 紅豆綠茶二重奏吐司 "
朋友問叫唔叫甜品我見還有時間緊係叫啦 !
乜原來韓國的吐司甜品中間是會有一層年糕的 ,
吐司甜品食得多中間夾有年糕都是第一次嚐到 ,
估唔到這個甜品的整體真的十分之夾 ,
超脆的方包皮加埋又軟熟又煙韌的年糕真的十分之美味 ,
大家都很喜歡這個甜品吃完一小件又再來一小件 yum ! yum !
這個 " 紅豆綠茶二重奏吐司 " 會是我的必食推介 ^^
23/01 同朋友食生日飯今次揀來了 " 秋田鐵板燒刺身專門店 "
由於食西餐食到悶悶哋所以就轉轉新口味 ,
之前食過這店的鐵板燒感覺算是不錯咁就一於帶朋友去試下啦 !
當晚我哋要了一個 " "橫濱" 二人前套餐 "
" 黑魚子蒸蛋 "
" 季節沙律 "
三款小前菜同上次都是一樣的
" 銀鱈魚柳 "
原本個餐係無銀鱈魚架 !
但因為當晚無澳洲黑邊大鮑魚所以就每人加多一份銀鱈魚 ,
咁即係變相食多一度菜式啦 !
嫩滑的銀鱈魚柳真係好好味超鐘意 ^^
當我哋食緊銀鱈魚時廚師已經開始煮鮑魚喇 !
" 原隻鮮活鮑魚 "
原本個餐係 " 原隻鮮活澳洲黑邊大鮑魚 " 但當日因為無貨 ,
所以我同朋友都無口褔喇 ! ^^
雖然無大鮑魚食但呢隻鮮鮑都好好味 yum ! yum !
" 珍寶大虎蝦 , 北海道活帶子 "
當我哋品嚐緊鮑魚嘅時候廚師又開始整大蝦同帶子喇 !
" Watermelon Margarita "
當晚我揀了這杯 cocktail 都幾好飲吖 !
朋友就揀了這杯 " Berry Angel "
珍寶大虎蝦既爽口又彈牙真是超級美味 yum ! yum ! ^^
蝦都未食完隻帶子又差唔多食得喇 !
北海道活帶子又大粒又鮮味真係人見人愛 ^^
" 香煎頂級鵝肝 "
嘩 ! 件鵝肝咁厚問你死未 ? ^^
" 大蜆麵豉湯 "
加埋珍寶大虎蝦頭煲嘅大蜆麵豉湯又真係鮮味好多喎 !
" 炒野菜 "
點解今次會有兩個公仔嘅 ?
因為同一張鐵板枱同時坐了兩枱客人囉 !
我就幫朋友慶祝生日 , 而另一邊就是一家四口慶祝結婚周年紀念 ,
由於那一家四口旳兩位小妹妹分別鐘意 Hello Kitty 同 Melody ,
所以朋友就將自己揀公仔的權利讓埋給她們咁就皆大歡喜啦 ! ^^
砌 Melody 時廚師要先用手機搜圖然後邊睇邊砌 ,
真係好有誠意而且出來的公仔都幾靚吖 !
" Melody & Hello Kitty "
來張大特寫先廚師先為我哋用蛋漿寫了 " 生日快樂 "
Haha..............估不到還加送心型圖案添 !
" 招牌秋田炒飯 "
" 紅豆雪糕 "
" 豆沙餅 "
今次個豆沙餅造型就唔及上次那個女廚師整得咁圓咁靚仔 ,
但好彩都一樣咁好味 yum ! yum ! ^^
訂位時已同餐廳溝通好是為朋友慶祝生日的 ,
所以臨尾餐廳就送上了這小小的朱古力生日蛋糕 ^^
這兩次的鐵板燒都遇上不同的廚師可以品嚐他們不同的手勢 ,
唔知下一次又會遇上那一位廚師呢 ?
13/02 一間想試咗好耐嘅日式放題店 ,
終於有機會一償心願喇 ! Yeah ! ^^
其實都係大喜屋的系列 ,
但這店的地方比較大而且仲坐得好舒服添 !
" 黑松露油甘魚 , 生松葉蟹腳伴蟹膏 , 北海道鮮帶子鵝肝 , 拖羅 "
這店的壽司都幾細件都好無咁易飽肚 ^^
" 三文魚 , 油甘魚 , 北海道帶子 , 象拔蚌 , 螺片 ,
希靈魚 , 赤貝 "
由於朋友唔多好刺身所以就無壯觀的刺身併盤了 ,
個人覺得這店的刺身比 "極尚大喜屋日本料理" 細件了許多 ,
我比較鐘意吃大件而厚身的刺身多啲 ^^ ( 但新鮮度都 ok 嘅 ! )
" 北海道燒帆立貝 "
" 殿之鮑魚 "
呢 set 鮑魚我同朋友都比較鐘意吃 ,
所以每人前後各吃了二份 ^^
" 芝麻雞翼 , 芝士年糕 , 榴櫣炸彈 , 紫心香芋丸 "
這店的炸丸一直是我的心頭愛 ,
而朋友就比較鐘意食雞翼 ( 不過現在好似少食咗 )
見這店有榴櫣炸彈緊係第一時間 order 啦 !
好吃真的很好吃如果鐘意榴櫣的朋友就別要錯過了
" 黑松露蒸蛋 "
" 牛油果軟殼蟹卷 , 魚子醬彩虹卷 , 鰻魚忌廉芝士卷 "
明明要了三件牛油果軟殼蟹卷 ,
點解來到會唔同款嘅 ?
" 鹽燒雞中翼 "
朋友果然鐘意食雞翼喎 !
" 燒温室甜菠蘿 "
燒菠蘿是每次必食之物
" 牛油燒翠玉瓜 "
" 一口甜蕃薯 , 天婦羅蝦 "
呢兩樣食物又是我的至愛 yum ! yum ! ^^
" 蟹粥 "
" 蒜麵鼓炒虎蝦配啤酒啫喱 "
" 清酒煮藍、白 "
" 燒香草羊鞍 "
" 炒雜菜 "
" 蒜香炒野生雜菌 "
" 鐵板日本帶子 "
燒帶子都 ok 嘅只是細粒咗少少
朋友攞的甜品併盤都好豐富喎 !
就算食到幾飽都要食埋 Milk Top 嘅雪糕 ,
每人兩杯都唔算過份吖 ! ^^
綠茶味
海鹽味
整體來說我會比較鐘意 " 極尚大喜屋 " 多啲 ,
不過我都好耐無去喇 ! 唔知有無變質呢 ? ^^
