27/08 當晚約咗朋友們出尖沙咀辦點事 ,
然後朋友 M 早走只剩番我同朋友 L 晚飯 ,
原先我諗住去試 " 萬豚屋 " 但去到要排隊等位 ,
在等候期間朋友就走咗去對面的 " The Swiss Chalet " 巡視一下 ,
然後朋友 L 回來對我說不如轉軚 ,
但我擔心只得兩個人食唔到個芝士火鍋 ,
朋友 L : 份量唔會太大的應該可以食到
我 : 好 , 如果不用等位就轉軚啦 !
最後就是因為不用等位所以就去咗試我都好想試嘅瑞士餐廳
一進入餐廳已經見到 Bar 枱的位置
由於我哋無預先訂位而當晚的食客也不少 ,
於是我哋被安排坐在近門的附近 ,
剛好這個位置放了兩張 2 人枱有自成一閣的感覺 ;
這間餐廳的裝修極具歐陸色彩 ,
都是第一次有一間餐廳令我好似進入了另外一個世界 ,
我覺得自己好似去了一間瑞士的小餐館一樣感覺有啲 warm ^^
是香港少見的特色小店
一大片的鮮牛油上除了印有餐廳的名字 ,
還有阿爾卑斯山花及國徽都幾特別喎 !
店員會拿住一籃麵包俾食客選擇 , 我當晚就是選了這兩款 ,
我比較鐘意食近鏡的那款包
" 煎鵝肝配砵酒汁跟黑米 "
" Fresh Black Mussels "
平時食開的都是 Bule Mussels 而 Black Mussels 都是第一次見 ,
況且當晚店員仲推介比食客話是當日返貨的 ,
咁當然要 order 來試下啦 ! ^^
一上枱已經香味撲鼻大家一拍完照就急不及待開餐喇 !
忌廉白酒汁煮得好好味而 Black Mussels 又鮮甜又嫩滑爽口 ,
個人感覺同食法國的 Blue Mussels 無乜分別一樣咁好吃 ,
只是加了忌廉白酒汁以後就會少了一份天然的海水味 ,
所以在家煮法國 Blue Mussels 時我只會用白酒煮 ,
這是朋友敎我的方法亦是我喜愛的煮法 ,
因為這樣就可以嚐到濃濃的海水味 ^^
我 order 了這杯 " Half apple juice half apple cider "
都幾好飲不過似飲緊蘋果汁多啲 ^^
我哋當晚就係試 " 農夫芝士火鍋配雞粒跟法飽 "
我諗來這裡晚餐都要叫番個芝士火鍋先至算是食過瑞士菜啩 !
香濃的芝士火鍋原來是可以揀加酒或唔加酒 ,
我同朋友當然揀加酒啦 !
法包已經切好了一粒粒
蔬菜配料都好豐富喎 ! ( 有咁多隻馬鈴薯實好飽肚 ^^ )
其實還可以揀牛柳粒的 ,
但朋友知我唔多食牛所以就揀了雞肉
我唔客氣喇 !
第一次食瑞士的芝士火鍋原來都幾鹹 ,
但我還是希望可以再約一班朋友來這裡再食多一次芝士火鍋 ^^
臨走時見到門口位置掛了個大牛鈴緊係要立即影番張相啦 !
一見到個牛鈴就會聯想到阿爾卑斯山區的放牧 ,
這個象徵了瑞士的牛鈴時至今日就變成了一些小吊飾或掛飾
25/08 因為生日正日天氣實在太熱所以同屋企人去唔成海洋公園 ,
咁諗住當日再去點知一樣天氣太熱最後又變成了飲飲食食同睇戲 ;
第一站就同屋企人去試尖沙咀的 " 咖啡弄 " ,
其實我之前已經同朋友試過銅鑼灣店 ,
但見屋企人未試過就順便去試埋尖沙咀分店 ,
當日去到我們不用等候已經有位喇 ! ^^
" 熱鮮果茶 "
上次朋友叫了這個茶我試飲咗少少都覺得幾好飲 ,
當日咁啱又唔飲得凍飲所以就來一個 " 熱鮮果茶 " 好了 ^^
" 總匯三明治 "
呢個三文治十分之吸引我去試 ,
但上次只得我同朋友兩個試得其他食物就食唔到呢個三文治 ,
今次有四個人終於可以試喇 ! ( 個人感覺真係好好吃 ^^ )
" 冰美式摩卡咖啡 "
" 蜂蜜生薑茶 "
媽咪揀了這個 " 蜂蜜生薑茶 " 但我都無乜興趣試飲 ,
反而被佢那三塊芝麻脆餅所吸引 ( 又真係幾好味架 ! )
" OREO 冰沙 "
" 每日數量限定餐點 - 咖哩牛腩飯 (辣) "
估唔到個咖哩都幾 ok 喎 !
不個牛腩我就無試佢嘅份量比較少 ( 屋企人仲要 3 個人分添 ! ^^ )
" 每日數量限定餐點 - 墨爾本龍蝦堡 "
嘩 ! 這個龍蝦堡一見到 Meun 就已經好想食 ,
雖然睇價錢好似有點貴但最終都 order 了 ,
個人覺得都算物有所值香脆的麵包夾着鮮甜的龍蝦沙律 ,
每一口都是嗒嗒的龍蝦肉真是十分之滿足 ^^
" 香蕉巧克力冰淇淋鬆餅 "
最後緊係要同屋企人試埋最出名嘅鬆餅啦 !
小朋友始終都係鐘情於朱古力味
食飽飽就去睇戲喇 !
晚飯媽咪話要食 " 鼎泰豐 " 咁就去試下美麗華新店啦 !
這裡的地方感覺比新港中心還要大 ,
當晚可能食客不多所以坐得比較舒服
" 蘿蔔絲拌海蜇皮 "
酸酸的蘿蔔絲加埋爽口的海蜇皮就變成了清新開胃的前菜 ,
不論大人或小朋友都一樣咁鐘意 ^^
" 香菇珍珠鮑 "
這是另一款新出的前菜又矜貴又好吃 yum ! yum !
" 香蔥拌麵 "
我最鐘意就係食呢度嘅香蔥拌麵真的很好吃
" 蟹粉小籠包 "
這店的蟹粉小籠包標明是選用上海特產大閘蟹 ,
我唔識分只知道好味 ^^
" 紅燒牛肉湯麵 "
呢個牛肉麵應該都是這餐廳的另一名物 ,
雖然我無食過但都嗅到好香濃的味道 ,
所以我都會極力推介俾朋友試的 ,
好彩朋友們的反應也不錯 ^^
" 蝦肉煎餃 "
這裡的煎餃有別於一般的煎餃脆脆的底部上就是蝦肉餃 ,
這個煎餃好啱我口味如果可以的話會是我必點的食物
" 蒜蓉通菜 "
" 蝦肉紅油抄手 "
一天的假期話咁快就過了 ^^
19/08 "漢拏山烤肉" 是朋友從 ig 上發現的 ,
既然朋友想試咁咪約飯腳囉 !
原來該店是在 8/8 開張的 (咁即是新店啦！）
去到先發現呢間店是主打濟州島天然黑毛豬 ,
終於有一間不是主打食牛咁對於我嚟來說真係值得一試 ^^
門口已經放咗一大隻黑毛豬喺度喇 ! ( 呢個位置是影相專區 )
餐廳內竟然有一間獨立的房子
餐廳內的環境都算十分之寛敞
餐廳內還有黑毛豬的擺設
" 雞蛋圈 , 芝士圈 "
終於有得試我最想試的兩款食物 Yeah !
韓國菜的前菜雖然種類不多但都 ok 啦 !
估唔到有咁大碗 " 芝汁醬蕃茄沙律菜 "
韓式茄子也不錯
呢款醃蘿蔔我就最鐘意酸酸哋又夠薄身 yum ! yum !
韓式大豆芽朋友們似乎好鐘意 , 所以再 encore 多一碟 ^^
" 韓式泡菜 "
" 豬大腸 "
這裡的豬大腸真的很肥美 "正" 呀 !
朋友 L order 的 " Makgeolli 生米酒 "
其實我好少會飲米酒既然朋友叫咗就試吓啦 !
好彩呢隻我都可以飲到啫 ! ^^
" 豬肉餐 - 秋刀魚飯卷 "
我第一次食秋刀魚飯卷都覺得 ok 幾好食 ,
但朋友們似乎更加鐘意呢個飯卷 ^^
" 豬肉餐 - 豬雜湯 "
第一次飲豬雜湯都幾好飲吖 !
" 水冷麵 "
我估朋友 L 都應該幾鐘意食水冷麵 ,
因為她指定要 order 的不過都 ok 嘅 !
" 豬肉餐 - 烤肉拼盤 "
" 厚切黑毛五花腩 , 護心肉 "
" 豬排骨 , 豬皮 + 芝麻 "
" 特選拼盤 - 午餐肉 , 腸仔 , 蝦 , 年糕 "
芝士卷溶喇 ! 溶喇 !
而雞蛋卷亦開始熟喇 !
原來兩者加埋真係好好吃
原本店員姐姐話幫我哋燒嗰舊厚切黑毛五花腩 ,
但最後人影都唔見朋友唯有自己動手啦 !
旁邊的燒年糕原來咁樣燒是唔好吃的 >.<
到燒豬皮時人人都驚佢會彈幸好得到店員哥哥的教路 ,
原來將菜按在豬皮上一齊燒佢就唔會彈架喇 !
另外個人感覺燒豬皮加芝麻是好吃過加黃豆粉的 ;
這店的食物都算中規中距啦 !
只是人多時要叫好耐先有人理會你 ( 真係有待改善 )
其實原先係俾佢個 " 漢拏山炒飯 " 所吸引而想去試的 ,
但最後竟然無試到希望再有機會試啦 !
食飽飽就想食甜品 ^^
見有朋友未試過 " Via Tokyo " 就帶佢哋去試下啦 !
該店現在推出 " 焙茶星期三 " ,
當晚剛好是星期三所以有得試新口味喇 ! Yeah !
當晚真係只得焙茶同北海道牛奶雪糕 ,
而宇治抹茶雪糕則暫停供應
朋友們的 " 白玉紅豆焙茶雪糕 "
我只要了一個口味 " 脆米白玉焙茶雪糕 "
焙茶比起抹茶確實少了一份苦澀味 ,
但茶味依然好香濃好好吃 ,
如果不喜歡抹茶味的朋友就不妨試試焙茶雪糕或者你會愛上他 ^^
