08/08 之前一直都好想搵人去試這海鮮食店 ,
所以今年的第二餐生日飯我就揀了 " The Captain's House " ,
由於是星期六大多數食店都會分兩段時間這裡亦不例外 ,
朋友 book 了早一個段時間八點半就要交枱 ,
店舖的下午營業時間由六點鐘就開始 ,
因此店員都有提示朋友可早點去攞位 ,
我哋六點幾就去到餐廳可能時間尚早 ,
就算計埋我哋都係得兩三枱食客 ,
趁無乜人周圍影吓相先 ^^
可愛的龍蝦仔機司造型 logo 真係好......好......好可愛呀 !
水吧位前放置了一些生蠔
而餐廳亦設置了酒櫃
吊燈同吊飾都別具特色 ,
而我自己就特別鐘意那熱氣球的吊飾好靚呀 !
就連餐牌都整得靚靚仔仔
當日突然好想飲啤酒所以揀了近期我至愛的法國啤 1664
這款法國啤我推介過俾朋友她們都幾鐘意因為容易入口較適合女士
朋友的飲品唔知乜乜東東 ^^
起初都驚兩個人食唔晒好彩佢哋有分 3 個數量的海鮮 ,
分別有 3 , 5 , 8 而我哋就揀了 5 款海鮮那個 ,
至於醬汁方面亦有四款口味可供選擇 ,
我哋今次揀咗 ' 檸檬牛油汁 ' ;
海鮮同醬汁都已經放在袋內 ,
上枱時店員都會問一問食客會唔會拍照 ,
待食客拍照完畢就會將海鮮同醬汁撈埋一齊 ,
然後再打開海鮮袋供食客慢慢享用
" 熱船長海鮮拼盤 - 蝦 , 扇貝 , 蜆 , 翡翠螺 , 長腳蟹腳 "
這個拼盤除了有鮮味的海鮮原來還有粟米 , 薯仔同腸等配料 ,
嘩 ! 好似真係好豐富喎 !
比較麻煩就是要拆蟹腳 ,
但經過辛苦卻換來鮮美的蟹肉都是值得的 yummy ! yummy ! ^^
" Truffle Fries "
熱辣辣的薯條炸得好香脆配埋黑松露醬更加美味可口 " 超正 "
" Louisiana Crab Cake "
蟹餅在於我嚟講亦是必試的 item
" Bread Pudding "
麵包布甸裏原來有我唔食嘅提子乾 ,
但這裡的麵包布甸整得都幾好味所以我連提子乾都食埋 ,
多謝朋友悉心的安排讓我過了一個開心的晚上 ^3^
