07/08 一班舊同學約飯聚竟然有人提意去 " 談風:vs:再說 " ,
我第一個讚成因為之前在網站見過有人介紹 ,
而朋友就是剛啱睇完電視介紹話幾好於是想去試 ;
其實我無諗過會同哩班朋友去試 ,
但亦唔知自己幾時先有機會去試 ,
既然有人提出我就不防投一投讚成票 ^^
餐前包 ( 我無食所以唔知好唔好食 )
朋友們似乎對食店的環境有點不慣 ,
但對於我而言都 ok 嘅 !
" 羅馬生菜 ---------- 青提子 + 芝麻 "
由於晚餐的餐牌我個人覺得好似有啲覆雜難明 , ( 需要時間理解 )
反而午餐的餐牌就比較簡單易明但 lunch set 的菜式只可當散叫 ,
最終朋友們建議將 lunch 的菜式全部都 order 再另加沙律 ;
新鮮的沙律菜加咗脆片係面都算有少少特色嘅 !
" 鴨脾 ---------- 撒丁米 + 紅蘋果 + 紫萵苣 "
個人感覺當晚的食物擺碟似乎有點麻麻地 ,
之前在網上見到有時都擺得幾靚仔當晚有點失望 >.<
而鴨脾亦整得好腍我個人就覺得這道菜式麻麻地喇 !
" 牛仔腸 ---------- 小扁豆 + 煙肉 + 西芹頭 "
有無食牛仔腸已經唔記得咗 lu ^^
" 蝦 ---------- 芫茜 + 魷魚 "
蝦 ok 魷魚有咬口但全無魷魚味 ,
那兩舊黑黑的會是墨汁包嗎 ? ( 真的不知道 ^^ )
" 煙肉薯團 ---------- 煙肉 + 洋蔥 + 蒜頭 + 64度蛋 "
哩道菜式係有少少特色而味道都算 ok
" 銀魚柳醬 ---------- 紅椒 + 意粉 + 黑欖 "
好耐之前在某意大利餐廳認識了銀魚柳 ,
原來意大利的銀魚柳即等同於中菜裡的鹹魚一樣咁鹹鹹香香 ,
但我偏偏只愛銀魚柳而不喜歡鹹魚 ,
原來意粉加了銀魚柳醬就已經可以變成美味的食物 ,
只要略加鮮艷的蔬菜配料就更加色香味俱全 ,
這個意粉朋友個個都讚好食我當然勁 like 啦 ! ^^
" 雞 ---------- 青豆 + 辣根 "
這道菜我都覺得 ok 好食
" 米仔粉 ---------- 意大利青瓜 + 火箭菜 "
這道菜上枱時我見到有細細粒飯嘅物體還以為是意大利飯 ,
及後再睇 menu 才知是米仔粉佢嘅外貌真係好似意大利飯 ;
其中有一位朋友食咗話麻麻地唔多好食 ,
但當我試食時又覺得 ok 可能只是味道比較偏淡朋友食唔慣 ,
而在場的其他三位朋友亦覺得這個米仔粉 ok 好食 ,
如果你是素食者可能會更加愛這個米仔粉 ^^
總括而言這裡的菜式是有特色價錢亦唔算貴 ,
只是地點有點略嫌不方便
07/07 舊同事約食飯就出來聚一聚 ,
都有一段時間無同她們食飯喇 !
今次有人建議去 City Chinses Restaurant 晚飯 ,
因為她剛啱在那裡食過晚飯覺得不錯而且價錢又平 ,
所以便推介俾我哋一試既然有人揀咗就不用傷腦筋了 ^^
" 明火足料老火湯 "
當晚的老火湯好似是粉葛湯都幾好飲吖 !
好耐無飲過哩款湯喇 !
" 黃金海皇嫩豆腐 "
這個海皇豆腐我覺得 ok 好食用來撈飯一流 ,
但朋友們似乎麻麻地可能不太鐘意咁多茨汁
" 乳香海味雜菜煲 "
大家都想食菜所以就叫了這個煲真係好多菜呀 !
" 燒汁鮮菌牛柳 "
這道菜的味道是十分之惹味 ,
我怎知 ? 因為我食了一些鮮菌真係好好味架 !
但可惜原來 4 個人中只有一個比較好牛 ,
最後亦食剩了許多所以唯有請好牛的朋友拿回家以免浪費
" 金蒜脆皮豬手 "
脆皮豬手是另一位朋友的推介 ,
朋友話一定要叫這個妳既然講到咁唯有叫來一試 ,
咦 ! 果然無介紹錯真係皮脆肉滑加埋金蒜就更加之香口 ,
雖然有少少肥但一樣食到停唔到口鐘意豬手的朋友就別要錯過了 ^3^
" 喳咋糖水 "
我哋叫了一個四人餐所以就有糖水奉送 ,
估唔到係我的至愛喳咋而且仲好足料好好味 ,
為當晚的飯局劃上完美的句號 ;
當晚的四人餐真的很抵 $268.00 三餸一湯 + 4碗白飯 + 4碗糖水 ,
啲餸菜嘅碟頭都好大碟我哋仲加多咗個豬手真係食唔晒 !
好彩臨尾有人願意將剩菜拿回家 , 朋友謝謝妳呀 ! ^^
08/07 好耐之前已經試過 " BRICKLANE " 嘅晚餐感覺不錯 ,
今次同朋友慶祝生日我給了幾間店給她們揀 ,
其中一位朋友話係網上見到有人讚哩間好所以想試 ,
由於有小朋友要坐BB椅因此店員便叫我打去新店訂位 ,
Haha.......................有機會試新店喇 ! ^^
牆上的單車是餐廳的標記
新店環境比舊店寬敞一點感覺舒服啲較適合一大班人聚會
" MUSHROOMS ANGEL HAIR "
( With black turffle cream sauce )
在外要吃到煮得好的天使麵並不容易 ,
雖然我都好鐘意食這款麵亦試過自己煮 ,
但之前還未試過食到好味的 ,
今次終於 .......... 終於 .......... 終於食到喇 !
真係好正所以大家有一定要試這個意粉 ^3^
" FISH AND CHIPS "
( Sole fillet in a crispy beer batter with fat chips and tartare sauce )
薯條都 ok 嘅 ! 但炸魚我個人覺得一般外層唔夠脆
" PIZZA MARGHERITA "
( Crispy thin crust topped with tomatoes,
mozzarella, basil leaves and rockets )
Pizza 香脆可口 yum ! yum !
" Kronenbourg 1664 Blanc 1/2 pt "
近期在外愛上喝法國啤酒連朋友都話 ok ^^
" SLOW-COOKED SPRING CHICKEN "
** PLEASE ALLOW 30 MINS PREPARATION TIME **
( With seasonal vegetables )
近年興慢煮估唔到連這裡都有慢煮的菜式咁緊係要試下啦 !
落 order 時待應都會問一問這度菜要耐少少時間 ok 嗎 ? ( 我當然 ok 啦 ! )
我還說笑的對他講 : 只要你唔趕我哋走就無問題喇 ! ^^
慢煮果然係唔啲春雞的肉真係好嫩滑令我食不停口 ( 必試菜式 )
" SIZZLING S'MORE "
來到最後的甜點這款甜品似乎是餐廳近期大熱的熱 ,
焗溶咗嘅棉花糖 + 朱古力漿真係好邪惡呀 !
但加埋個餅乾一齊食又真係好好食喎 !
食食下都有少少甜人唔夠多千萬唔好落 order 呀 ! ^3^
01/07 原先只是約了朋友食 dinner buffet ,
但遇啱 Le Creuset 的 5 週年半價優惠 ,
所以當日的節目就變成由早到晚
Shopping 前先去 ifc 醬肚最終我哋揀了 " Greyhound Cafe "
之前在又一城食過一次都覺得 ok 嘅 !
但原來 ifc 店的環境更開舒服都幾正喎 !
" 泰式迷你排骨生菜包 "
啲排骨炸得唔錯加埋其他配料一齊食又有不同旳感覺 ,
所以朋友們都勁讚哩個好好食
" 泰式炸魷魚圈 "
估唔到碟魷魚圈咁細碟有少少失望
朋友 L 的 " 龍眼特飲 "
朋友話哩個特飲好足料唔錯
" 招牌脆炸單骨雞翼 "
哩個招牌菜差不多枱枱都有 order 所以朋友都話要試 ^^
" 泰式銀魚柳意大利麵 "
" 脆炸粟米蟹肉餅配甜酸醬 "
這個脆炸粟米蟹餅真係好好食今次都有 order 比朋友試 ,
好彩朋友們都一樣咁鐘意啫 ! yeah !
" Banana and Nutella Cheesecake "
咦 ! 點解有小朋友係度虎視眈眈嘅 ? ^^
哩個 Cheesecake 都幾好食吖 !
" Coffee Mania "
( Cocoa Dust, Whipped Cream, Marshmellow, Picco, Short Cake,
Almond, Caramel Sheet, Meringue, Coffee Ice Cream )
這個朋友話好似喺泰國食過都幾好 ,
就咁睇 Menu 的配料都已經好吸引緊係要 order 番一杯來試啦 !
哩個甜品對於我嚟講是超級好味 yum ! yum ! ^3^
食飽飽打個的就去排隊
一年一次的半價優惠已經連續去了兩三年 ,
但今年的鋪排有別於以往感覺亦不太好 ,
所有的貨品都沒有 display 出來要自己續盒開續盒搵 ,
場內太多人又迫又焗熱真係想速逃 ,
前幾年都唔覺但今年就真係覺得佢係度清貨尾 >.<
出年要考慮一下仲去唔去
買完嘢就去 The Market 開餐喇 !
啲龍蝦都無咩味嘅 >.<
原先朋友 L 都想買番杯酒來嘆 ,
但後來好似無咩啱心水就放棄咗
趁還未有人食甜品時拍下照先
" 榴櫣芝士蛋糕 "
" 炸榴櫣 "
記得上一次哩個炸榴櫣 + 榴櫣雪糕是絕配十分之好食 ,
等我仲極力推介比媽媽怎料今次的炸榴櫣已經變了質 ,
外層不但唔脆而且好似有少少油溢味 ,
就算新攞出來的也是一樣聽到媽媽的評論我當然無攞啦 !
" 茉莉花茶朱古力蛋糕 "
" 榴櫣芝士撻 "
咦 ! 今次無咗榴櫣奶凍有少少失望添 !
" 檸檬柚子撻 "
" 日式芝士蛋糕 "
" 鐵觀音大菜糕 "
哩個甜品又幾特別喎 !
感覺今次的 buffet 水準比上一次差了 >.<
雖然中午環境有點惡劣但一樣有戰利品 ^^
