28/06 有某個星期日朋友突然叫我去屯門食娘惹菜 ,
但我剛好有別的事情要做所以沒有去 ,
之後再約朋友又到她唔得閒 ,
兜兜轉轉下終於約到喇 !
當日我哋差唔多店舖開門就去到 ( 約 11:30am )
點解咁早因為我同朋友都想食得清靜啲 ( 即係唔好咁多人 ^^ )
果然計埋我哋都係得三枱人咋 !
order 完食物就周圍影下相先
咦 ! 突然比我發現在另一張枱上擺放了兩盤娘惹糕點 ,
原來朋友都是第一次見到的 so lucky ^^
款款糕點都好似好好味好想試最終我哋只揀了兩款來試
" 九層糕 , 糯米雞 "
娘惹的糯米雞外型有點似我哋酒樓的珍珠雞 ,
但內餡原來是雞絲而且還有陣陣的香茅味都幾好食 ,
而顏色鮮艷的九層糕又軟熟又好味 yummy ! yummy ! ^^
" 印尼初十五飯團 "
我都估到朋友會點哩個 ,
但比起我第一次在別的地方吃到的好食好多
" 娘惹炆豬肉 "
哩個炆豬肉又是朋友極力推介必點 item ,
因為朋友話佢用啲香料來炆所以覺得好好食 ,
可惜當日可能比香濃嘅醬油味蓋過了香料的味道 ,
但我都一樣覺得超好食哩個餸就好似我哋嘅炆腩仔做得好入味 ,
反而食到底嘅冬菇就食到有少少花椒八角味 ^^
" 香茅可樂 "
在網上我見有人推介話香茅可樂好飲所以叫來一試 ,
但凍飲就唔係好飲到香茅味 ( 唔通要熱飲 ? )
" 娘惹印尼燒雞 " ( 半隻 )
哩隻印尼燒雞是即整的所以好好食 ,
其實朋友都講得啱嘅娘惹菜只要是即叫即整就會好食架喇 !
我之前試過在同一間印尼餐廳分別食了兩次 ,
第一次全部餸都是即叫即整所以覺得樣樣都好好食 ,
但第二次再光顧時啲餸是預先整定的感覺已經無第一次咁好食 >.<
所以我亦很明白朋友講的道理 ,
咁唯有趁店舖的水準還未下降時多吃幾餐 ^3^
當用餐到一半時朋友就問我是不是想買糕點回家 ,
因為朋友驚貨源不多會俾其他食客買晒所以叫我揀咗先 ,
聽店員姐姐講差不多大部份的糕點都是要即日食的 ,
只有用葉包的才可放雪櫃留待第二天吃 ,
最後我只買了四件糕點回家同媽媽一齊分享 ,
我哋忍唔住又揀多兩件堂食 ^^
紫色的那件好似叫紫米糕 ,
但同我哋平時食開的紫米糕是不一樣的 ,
因為只得一件所以就揀堂食同朋友一齊分享 ,
哩款紫米糕個色好靚但好似無咩味 >.<
另一件好似係椰汁香蕉糕 ( 我已經唔係好記得好清楚 lu ^^ )
中間的餡料原來是生香蕉 ,
這款生香蕉聽店員講是由印尼訂過來的 ,
食落嘅感覺係有啲特別但不是我杯茶
" 煎年糕 , 九層糕 , 榴櫣朱古力糕 , 糯米雞 "
榴櫣朱古力糕係好煙靭但無咩味 ,
反而我鐘意佢哋嘅煎年糕因年糕的質地好似糯米糕加了椰絲 ,
口感十分之煙煙靭靭又好軟熟勁 like 這款糕點 ,
希望還有機會去娘惹廚房我仲想試其他菜式 ^^
24/06 今次同朋友慶祝生日又重臨舊地正正式式咁試佢嘅晚餐 ,
其實大約於一星期前同朋友晚飯後已經來過這裡飲嘢 ,
這裡真的好靚好有 Wedding feel ,
所以對上一次來飲嘢 order 完飲品就立即四周圍拍照 ,
當時生日的主角都是同我一齊的 ,
因此她話就算再來這裡晚餐也沒有所謂 ( 反正未試過 ^^ )
既然主角都話唔介意咁就一於去試一試佢嘅晚餐啦 !
睇完啲相係咪好靚好有 wedding feel 呢 ?
就連餐牌都一樣咁精美
" Fullhouse Platter "
( prawn cocktail, aubergine with tomato layer, chicken wing drumette &
smoked salman parcel )
當晚一行六人朋友們選擇了一個四人餐 ,
個頭盤都算幾好食
" 新英倫周打蜆湯 "
主角特別要求話想 order 這個蜆湯當然無問題啦 !
哩個湯好飲之餘還有三大隻鮮味的蜆 ,
我同另一朋友都各要了一隻 ( 主角真的唔好意思呀 ! ^^ )
" 雞肉粟米忌廉湯 "
基本上每一款湯我哋都試飲咗少少
" 野菌忌廉湯 "
試飲完三款湯最鐘意的還是周打蜆湯 ^3^
" 炭燒美國安格斯肉眼扒伴粟米及時蔬 "
個安格斯肉眼扒都好似好靚仔 ( 我都唔記得自己有無試添 ! )
同呢班朋友食飯首要條件就是要有薯條 ^^
( 相片借用於朋友 )
" 威靈頓式酥皮焗羊架配粟米及時蔬伴迷迭香汁 "
除了四人餐我們還另外 order 了這個焗羊架 ,
基本上飲完湯主菜都差唔多同一時間上搞到我好忙呀 !
最終我都未來得及影羊架就已經開始被朋友解體了
唯有待解體後再補一張啦 !
其實食羊我可以去到五成熟但某些朋友會嫌生 ,
嗱 ! 嗱 ! 嗱 ! 我嘅底線最多去到六成熟咋 !
威靈頓牛柳就聽得多威靈頓羊架都是第一次食都幾好食吖 !
" 香煎海鱸魚拼帶子配藏紅花忌廉汁 "
雖然個鱸魚唔算十分之皮脆肉滑但都 ok 嘅 !
" 煙肉野菌芝士忌廉汁意大利粉 "
個意粉嘅忌廉汁好杰身而且仲好漏添 !
" 馬來特色香脆雞柳梛醬飯 "
這個香脆雞柳飯就麻麻地喇 !
" Dessert Platter "
( toffee pudding, panna & millefeuile )
在香港都是第一次遇到這樣的主題餐廳 ,
環境真的很靚又舒服在這裡用餐人都開心啲 ,
雖然食物水準不是十分之好但都算 ok ,
如果有機會會再來的 ^^
19/06 當晚的聚會是同三位朋友食生日飯的 ,
今次亦是由一位朋友揀了幾間食店的資料給我們選擇 ,
這食店好似沒有時限所以我哋最終揀了這裡 ,
餐廳環境雖然比較 open 無咁焗但都算幾舒服
朋友的 " 味噌西冷片丼配温泉蛋 "
我唔食牛所以揀了另一款 " 味噌白豚肉丼配温泉蛋 "
啲豚肉都整得幾好食喎 !
朋友的 " 煙燻三文魚煎蛋窩芙 , 乳酪蛋黃醬 , 沙律菜 "
另一朋友的 " 檸香三文魚定食 "
" 牛肝菌釀雞翼 , 青咖哩薯仔釀雞翼 , 焗釀鮮墨魚雞翼 "
我試咗牛肝菌同青咖哩薯仔嘅釀雞翼都好好味 " 正 "
" Very Fruity Waffle "
整個甜品最好食就是紅桑子雪芭 ,
至於窩芙則不是我想要的質感 ;
直得一提這裡有一個男店員下單時只用腦記住客人的 order ,
起初我哋都有點質疑他竟然可以一次過記晒九個人的 order ,
但他所送來的餐又真的一點也沒有錯好 " 犀利 " 呀 !
