04/06 在這裡同朋友食早餐就食得多 ,
晚餐我都是第一次見朋友之前試過話 ok ,
所以咪諗住來試一試囉 !
朋友好似話係 " 甜菜頭雜菜湯 "
" Daily Salad "
沙律菜都好新鮮
朋友的 " 希臘豬肉末烤茄子意大利麵 "
好似都唔錯喎 !
" 馬薩拉酒香橙焗鴨胸意大利粉 "
這個意粉朋友食過話好食所以我就 order 來一試 ,
在我而言我都會覺得 ok 好食 ,
因為鴨胸整得剛剛好略帶橙香味 ,
而且所用的醬汁不多又夠味又好吃 ,
意粉都算有咬口雖然感覺有點乾可能不是用太多油炒的關係 ,
至於調味方面只是用香草來吊味所以味道比較偏淡 ,
但整體來說少鹽, 少油, 少醬汁健康得嚟又好味 ,
我自己個人就覺得 ok 喇 !
唔知又啱唔啱大家嘅口味呢 ? ^^
我無要餐湯所以餐茶揀了咖啡來作結 ( 這店的咖啡都 ok 架 ! )
28/05 朋友從美國回來所以便放了一天假與她聚聚 ,
中午我哋去咗 "極尚大喜屋日本料理" 食午餐 ,
今次都是第一次中午食放題都幾好吖 !
可以舒舒服服輕輕鬆鬆咁嘆足三小時 ^^
" 意式黑松露帶子沙律 "
之前食過呢個沙律好食 , 所以便推介俾朋友們一試
" 北海燒帆立貝 "
呢個好魔鬼但又好好食 yummy ! yummy !
" 燒日本蕃薯仔 , 燒有機菠蘿 "
有次朋友 order 了這串燒日本蕃薯仔當我試過後覺得好甜好好食 ,
所以今次前前後後我都食了兩串 " 正 " 呀 !
有機菠蘿鮮甜多汁 ( 啲汁多到射到朋友 sorry ar ^^ )
" 天婦羅蝦 , 日本蕃薯天婦羅 "
天婦羅一直都是我食日本嘢的最愛 ,
而且這裡也算做得不錯
" 池魚王 , 甜蝦 , 天使蝦 , 北寄貝 , 響螺片 , 象拔蚌 ,
希靈魚 , 三文魚 , 油甘魚 , 北海道帶子 , 赤貝 "
食放題點樣都要 order 番一大盤刺身先會似樣 ,
個人感覺中午的刺身無夜晚咁大件 ( 唔通真係一分錢一分貨 ^^ )
但好彩都一樣咁新鮮美味
" 軟殼蟹手卷 "
見朋友 order 我就湊熱鬧要一個 ,
可惜同預期一樣都係唔好食 , 因為手卷嘅紫菜超腍兼無咩軟殼蟹 >.<
" 紫心香芋丸 , 芝士年糕 "
紫心香芋丸又是我的另一最愛 ( 我通常當佢係甜品 ^^ )
芝士年糕都是我必食之選無論如何都要點番一件先
" 燒香草羊鞍 "
燒羊鞍都算整得不錯 , 但不能吃太多因為會好易飽肚 ^^
朋友們的 " 鹽燒多春魚 "
" 黃咖喱炒蟹 "
朋友想試的咖喱炒蟹 ( 朋友話都幾辣 )
" 芥辣八爪魚軍艦 , 海膽軍艦 "
又到甜品時間一人一杯 Haagen-Dazs
期間限定 " Strawberry Cheesecake "
通常我嚟呢度都會揀期間限定的味道 ;
食飽飽就開始逛街街喇 !
今次逛街已經諗好想買涼鞋同買衫 ,
最終兩樣都有買只是涼鞋的款式不算太啱心水 ,
但當我問老闆娘仲有無其他涼鞋款式返貨時 ,
佢同我講應該無因為已經係季尾 ,
咁唯有買住一對頂住擋先啦 !
逛完街到晚飯時間朋友話好想試 "霸王山莊" 嘅燻蛋 ,
這店好耐之前去過一次 ,
但感覺不太好吃所之後一直都無再去過 ,
今次就比多次機會你啦 !
呢個前菜都幾好食
" 花彫醉雞 "
一般啦 ! 唔夠酒香我都係比較鐘意 "鼎泰豐 " 多啲 ^^
" 霸王小籠包 "
小籠包都係一般唔算特別好食
" 巧製芝麻蝦 "
全晚我覺得哩個最好食 yummy ! yummy ! ^^
" 雞絲粉皮 "
我從來都未食過雞絲粉皮嘅麻醬會落得咁少 No Good >.<
最慘係朋友最想食嘅燻蛋竟然在晚飯時段七點幾就話賣晒 !
老實講這店的價錢不算平但食物質數同服務質數只屬一般 ,
我已經比多一次機會你但一樣依然係咁失望 ,
我諗我盡量都唔會再來喇 !
雖然有美中不足但同朋友就過了開心的一天 ( 時間真係過得好快呀 !
27/05 每年的五月尾都會同公司的阿叔食生日飯 ,
今年亦如是今次多得朋友的推介亦好多謝朋友幫忙訂位 ,
這間火鍋串燒専間店其實食物種類都有好多 ,
打邊爐又得 , 食串燒又得 , 食小菜又得 " 得咗 " ,
今次的飯聚亦是最多人的一次可惜還差兩位朋友就齊人喇 !
" 奇味雞煲 "
聽聞奇味雞個醬汁是廚師自己秘製的出邊食唔到 ,
雖然係好好食好惹味但個人食落覺得有啲鹹如果加碗白飯就一流喇 !
但當日還 order 了好多小食所以我都無食飯 ( 要留肚試其他食品 ^3^ )
" 燒魷魚筒釀燸米 "
燒魷魚筒一向是我的最愛所以一定要試呢個 ,
估唔到都幾好只是覺得燸米有啲瀉身但整身都 ok 嘅 !
" 燒雞中翼 "
呢個燒雞翼都唔錯架 !
其實差不多大部份的燒物都有分 : 辣 / 小辣 / 唔辣 ,
但當日有好多朋友都唔食得辣所以就全部都要咗唔辣 ,
希望下次有機會試到辣味嘅串燒啦 !
" 澳門豬骨鍋 - 胡椒豬骨湯底 "
其實都有好幾款鍋類可供選擇但我哋今次就揀咗呢款 ,
而且湯底亦有不同的選擇真係花多眼亂 ^^
個豬骨鍋都好足料除了有大大舊豬骨外還有雞腳 , 粟米同其他蔬菜 ,
Hoho.................好多骨膠原呀 !
雖然係胡椒豬骨湯底但都唔算好辣仲好正添 !
火鍋亦有配料可提供俾大家自行混醬
" 燒龍蝦丸 "
原來啲丸會切開一半來燒的
" 燒炙燒芝心丸 "
" 燒司華力腸 "
Wow..............我最愛的司華力腸緊係好食啦 !
" 秘製炭燒豬扒包 "
朋友推介的炭燒豬扒包果然無介紹錯真的好好吃 ,
是必食推介 yummy ! yummy ! ^3^
" 原條蒜蓉燒茄子 "
上網見到呢個燒茄子已經勁 like , 所以我指定一定要 order 茄子 ,
茄子燒完仲好 juicy 又美味 " 正 " 呀 !
" 燒原條牛油粟米 "
朋友鐘意食燒粟米差少少 order 了三條 ,
但比我截停咗如果唔係就食唔晒喇 !
不過又真係好好味嘅 !
" 麻吉燒 "
大家都唔知係咩所以便叫來一試 ,
但我依家又忘記咗佢係咩 ! >.<
" 燒黃花魚 "
燒黃花魚好吃魚肉夠滑
" 原個椰青大菜糕 "
估唔到椰青都可以咁樣整甜品都幾特別吖 !
大菜糕內都有好多椰肉唔算好甜清清地都幾好食
整體食物嘅味道都是 ok 的只是略嫌某些食物比較濃味鹹了一點 ,
唔知有冇得少鹹呢 ? ^^
我哋今次只試咗鍋類同串燒希望有機會試埋小菜啦 !
16/05 某日同朋友傾開電話佢問我去唔去 "The Seafood Kitchen" 試食海鮮 ,
原來佢已經約咗一班人去而且仲講到好似好食咁 ,
於是我問朋友要幾錢一位 ?
佢話預五百蚊一位跟住我諗都唔諗就應承咗喇 !
後來上網睇資料先知原來係韓國勁 hit 的九層海鮮塔 ,
那間海鮮店是位於堅尼地城的又可以順便坐下新的港鐵線 ^^
餐廳的裝修都幾有特色令人好似進入咗海洋世界一樣 ,
我都好鐘意呢三幅海洋生物嘅圖片
高高的天花還滿佈了魚網
牆邊還掛上了船錨
呢隻帆船我都好鐘意 ^^
( 借用了朋友的圖片 )
( 借用了朋友的圖片 )
呢個紙巾盒都好靚好特別
( 借用了朋友的圖片 )
朋友的座位旁還有許多的小擺設好精緻美觀
( 借用了朋友的圖片 ) ( 借用了朋友的圖片 )
枱號都別緻過人 枱上還有圍裙供食客用餐時用
打邊爐緊係要飲啤酒啦 !
" 藍鰭吞拿魚 , 油甘魚 , 劍魚腩 , 帶子 , 三文魚 "
在等其他朋友到來期間我哋 order 了刺身醫醫肚先 ,
Wow............刺身都算新鮮, 肥美, 好食 ,
估唔到竟然有油甘魚腩添 ! "正 " ! " 正 " ! " 正 " !
主角出場喇 " 韓式九層海鮮塔 "
可能今次唔夠多人所以唔可以原汁原味做到九層 ,
雖然只得七層但都一樣咁壯觀 ;
店方會先將海鮮分開蒸至 9 成熟然後再叠起上枱 ,
而底層則是火鍋湯底 ,
再加上上層海鮮蒸出的精華滴埋落個湯底會更加濃郁 ,
海鮮同湯底都是自選的
" 蟶子 (加大) "
蟶子都算鮮甜味美
" 大花甲 , 藍青口 "
大花甲 ok 呀 ! 但藍青口就麻麻地
" 中虎蝦 , 翡翠螺 "
" 皇帝蟹 "
全晚食海鮮最正最開心就係食呢隻蟹 ,
啲蟹腳粗壯到呢................而且仲嗒嗒都係肉又鮮甜真係大滿足 ^^
" 鮑魚 "
鮑魚都好大隻喎 yummy ! yummy !
我哋要咗 " 龍蝦湯底 "
" 和牛 "
我無食但望到個樣都幾靚仔
我哋還有 order 手打烏冬來打邊爐
唔知係咪煮耐咗有烏冬有少少腍身 , 不過連埋個湯底一齊食都 ok 嘅 !
本應店裡還有 " BBQ泰國虎蝦 " 朋友都想叫來一試 ,
但店員哥哥話好多人燒到一半就放棄咗 ,
所以我哋都沒有 order 到呢個 BBQ ;
當日我哋被安排到餐廳的尾位那裡原來是沒有冷氣到十分之熱 ,
加上仲要打邊爐就熱上加熱好彩我有自備風扇仔 , ( 希望餐廳會注意啦 ! )
我諗如果在冬天食這個 "韓式九層海鮮塔" 會較好 ,
其實一班人逐層逐層將海鮮打開來食是會有一種熱鬧的氣氛 ,
而且冬天就最好打邊爐夠晒暖笠笠 ^^
