明閣

25/02 來到悠長年假的最後一日就約了朋友去 " 明閣 " 嘆茶 ,

雖然朋友已經訂咗位但去到都要等一陣先有位



在等位期間見到咁大個柑忍唔住影番張相留念下先 ^^



" 筍尖鮮蝦餃 "

又可以品嚐到我鐘意嘅蝦餃 yummy ! yummy !

這裡的蝦餃好吃程度不用說了 ^3^



" 松露蛋白蟹肉餃 "

未食過哩款餃緊係要試一試啦 !

清得嚟又帶點松露嘅香味 "正" 呀 !



" 蟹籽鮮蝦燒賣 "







" 鵝肝荔浦芋角 "

唔知點解我會覺得佢似一朵玫瑰花所以幫佢影張特寫先 ^^

當初我以為只是普通的芋角食第一嗒時覺得外層好鬆化 ,

而個荔芋餡都好好吃整體來說又不覺得油膩 ok 呀 !

之後睇番本 menu 先知原來是有鵝肝的 ,

可能鵝肝嘅份量唔多所以真係唔多覺 , 但佢就變得矜貴咗不過好食嘅 !







" 芝士焗釀蟹蓋 "

見過年對自己好一點我建議每人一隻焗釀蟹蓋 ,

嗒嗒蟹肉又真係幾享受嘅不過佢裡邊都有好多洋蔥架 ! 

可惜我唔多 like 洋蔥呢 ! ^^



" 窩燒香蔥羊肉包 "

哩個點心是後加的見到有羊肉包緊係要試下啦 !

個樣好似生煎包但幾好食喎 !



" 甜夢仙境 "
(豆腐芝麻凍布甸 , 燕晶凝 , 杞子桂花糕 , 芝士凍撻 )

嘩 ! 好靚真係好似仙境咁 ^^

咁多款甜品中我覺得 " 豆腐芝麻凍布甸 " 是最好吃的

Izumi Curry X Beard Papa

24/02 這店新開張時已經想來試但唔知找邊個陪好 ,

所以就一直都未有去試終於有日有位小妹妹路經話想試 ;

好就趁住今次出來睇戲順便在這裡晚餐吧 !



星期六天人流都不算多一去到已經有位了 ^^



這裡的 Apple Juice 都幾好飲喎 !



麻醬沙律菜夠新鮮好食



小妹妹要咗 " 人氣 No. 2 - 奄列牛肉咖喱飯 "

我又破戒試咗一件牛肉又 ok 喎 !

小妹妹好厲害一個人可以食晒一碟飯但就食剩了牛肉 ,

我諗佢鐘意食咖喱撈飯多啲 ^^



我就要咗 " 人氣 No. 1 - 特別 IZUMI OMUKATS 咖喱飯 "

炸豬無想像中咁好食 , 但個咖喱飯同啲蛋就好好食 ,

不過一個人要食晒一碟飯都真係十分之飽 ,

如果再有機會來最好還是兩個人食一碟飯會比較好些 ^3^



" 酥皮泡芙  ( 蛋奶沙司 ) "

雖然話飽但飯後每人都要咗一隻泡芙  ( 還有一個甜品胃 ^^ )

食泡芙我始終都係鐘意食 " Beard Papa " 嘅出品多啲 ,

但唔知點解這間甜品店好似買少見少我都好耐無食喇 !

終於去了人氣店 ' Via Tokyo ' 同場加影 ' 丹麥餅店 '

26/02 原本年初三晚同朋友飯聚時講開哩間甜品已經好想試 ,

但當晚我哋兩個找了好耐都找不到所以就放棄了 ;

初五同朋友飲完茶後無所事事先陪朋友去買耳環 ,

之後同朋友提起哩間甜品原來就喺佢學韓文的附近 ,

Yeah ! 今次終於可以去超人氣店食抹茶雪糕了 ^3^



朋友話平時見到有好多人排隊的 ,

當天都要排隊呀 ! 但好彩我哋只是排了四, 五個 ^^



等位時見到張 Poster 咁靚拍下照先 ,

咁啱影完張 Poster 就見到有人外買咗個 "3色雪糕窩夫" ,

Wow....................真係好吸引呀 !  ( 我就決定要哩個 ^3^ )



哩間甜品店都攞唔少奬喎 !  ( 唔怪得成為人氣店啦 ! )



我哋嘅甜品嚟喇 !



朋友的 " 紅豆牛奶抹茶雪糕新地 "



" 3色雪糕窩夫 "
( 原味雪糕 + 抹茶雪糕 + 皇室奶茶雪糕 + 白玉紅豆 )

既然一場來到我個人又比較心多所以就一次過試晒我想食嘅嘢 ,

這裡的抹茶雪糕嘅抹茶味真的十分之濃味 ,

如果鐘意食濃味抹茶甜品的人可別錯過了 ,

原味雪糕一樣好香滑 , 而另一款皇室奶茶雪糕嘅味道也是不錯的 ,

仲有煙煙嘅白玉加埋紅豆一齊食更是絕配 ,

最尾還有香脆的窩夫當日可以食到哩個甜品真係大滿足 yummy ! yummy ! ^^



隔幾個舖位見到一間 " 丹麥餅店 "

之前在網上見到有人話佢嘅熱狗同炸雞脾都是好食的 ,

既然遇到緊係要試一試啦 !



由於剛食完咁大份甜品所以我同朋友都只試了熱狗 ,

食了第一嗒覺得有點似中環 "永樂園 " 嘅熱狗 ,

以前在中環返工時有時都會買隻熱狗當早餐 ,

" 永樂園 " 嘅熱狗一樣是好好食好出名同好多人排隊的 ,

但兩間相比我個人覺得 " 永樂園 " 的沙律醬多啲好食啲 ,

其實今次食番同一個味道真係好懷念呀 !  ( 只是沙律醬少了點 ^^ )

美味的龍蝦湯響米海鮮泡飯@紫粵軒

23/02 之前聽朋友講 "紫粵軒" 的海鮮泡飯好好食 ,

所以一直都心思思想去試今次終於有機會了 ,

事原有人建議年初五入將軍澳找另一位朋友一齊飲茶 ,

咁我緊係會第一時間揀 "紫粵軒" 啦 !











酒店式的中菜環境都算唔錯  ( 連茶壺都有暖座保温 )



" 雪山和牛包  ( 一團和氣 ) "

可能是過年的關係每款點心都配上了一些賀語詞都幾得意吖 !



" 黑松露水晶餃  ( 蒸蒸日上 ) "

哩款餃原先是想 order 的 , 但到了最後還是沒有 order 到 ,

唔知點解會上錯哩個水晶餃俾我哋 ,

咁即係整定我哋要試啦 !  ( 咁我哋唯有要埋佢 ^^ )

錯有錯著個水晶餃原來都幾好食喎 !



" 蒜蓉鮮蝦春卷  ( 迎春接褔 ) "

Hoho...............我鐘意的春卷雖然無咩特別但都好好味











" 龍蝦湯響米海鮮泡飯 "

我期待已久的海鮮泡飯呀 ! 

濃濃的龍蝦湯底加上脆口的響米更加美味可口 "正" ^3^

朋友真係無推介錯值得一試



" 炸魷魚鬚 "  ( 相片借用於朋友 )

條條魷魚鬚都好大條又肥美已經將膽固醇拋諸腦後 ,

我諗都無咩邊個可以抵受到佢嘅誘惑 ^^



" 山竹牛肉球  ( 頭頭是道 ) "



" 大利燒賣  ( 發財燒賣 ) "



" 碧綠鮮蝦餃  ( 褔祿雙全 ) "

其實個蝦餃一望已經知出事 , 因為餃皮唔得晶瑩剔透 ,

我都是第一次見咁厚嘅蝦餃皮 no good ! >.<  ( 但個饀都 ok 嘅 ! )



" 香麻豆沙球  ( 財源滾滾 ) "

飯後甜品哩個豆沙煎堆仔熱辣辣好好食 yummy ! yummy !

有機會要同媽咪來飲茶先得 ^^

現代歐陸菜@The Socialhouse

 

21/02 同朋友自生日飯已經有好一段時間無約喇 !

原先諗住聖誕期間約睇戲同食飯的可惜我又病咗 ,

所以一推就推到新年先有時間飯聚 ,

今次朋友建議去位於大坑的 " The Socialhouse "

原來是一間現代的歐陸菜是以現代意大利及法國美食主打 ,

好似幾特別好一於去試下新嘢先 ^^



落完 order 立即送上熱辣辣嘅香草包 ,

啲香草包都幾好食架 ! 如果不是驚太飽一定會 refill ^3^



朋友要 " Long Island "  ( 我又要 ^^ )



" 香煎帶子 "

頭盤嘅煎帶子果然好美味呀 !



" Parma Ham "

本應想試 36個月嘅西班牙黑毛豬火腿可惜無 ,

所以最後唯有要哩個 Parma ham 不過都算幾好食



" 信州白味噌焗鱈魚 "

主菜本應想試 " 慢煮紐西蘭羊仔架 " 可惜佢又話無 ,

其實當晚真係有少少失望想食咩無咩 >.<  ( 可能過年啩 ! )

後來唯有改咗要哩個鱈魚都 ok 好味 ,

只是無諗過在一間西餐廳竟然食到一道日式風味嘅菜式 ;

及後回家再細看網上的資料才知大廚原來都有鍛鍊日式的廚藝 ,

唔怪得和風味咁重啦 !



" 虎蝦天使麵 "

其實 order 天使麵我都有啲擔心因為唔係間間整得好食的 ,

好彩佢都整得不錯都幾好味 yummy ! yummy !

 

 

Home made " BIKINI " Sandwich 簡易食譜

15/02  早前在 Catalunya 食過 " BIKINI " 真係一試難忘 ,

原來同自己之前整過的烘芝士火腿三治是一模一樣的只是材料不同 ,

好今次就來個變奏版嚐試將佢變成 Catalunya 嘅名物



材料 : 方包兩片 , 風乾火腿 , Mozzarella Cheese , 黑松露醬 , 牛油

製作方法 :

先在方包的底部塗上牛油 , 再在方包面放上 1 片 Mozzarella Cheese ,

然後再放上風乾火腿 , 而另一片方包則先塗上牛油同黑松露醬 ,

繼而將兩片方包夾在一起 , 再在面層塗上牛油然後落鑊用慢火煎香兩面就得喇 !

 

我鐘意食得香口一點所以就煎濃少少 , 出來的效果果然香脆可口 ,

雖然好吃但食完一份已經有點漏



同場加影半生熟蛋加少少黑松露醬即刻變得矜貴咗 yummy ! yummy !



既然係 sunday brunch 加番半枝汽酒嘆下先 ^3^

以後在家都可以享受到如此的美食 yeah !

峰壽司 / HeSheEat Cafe

08/02 下午 tea 完無咩好做於是只好同朋友周圍逛 ,

逛下逛下就逛到皇室堡剛好是晚飯時間 ,

同朋友就好隨意咁揀咗 " 峰壽司 " 作晚餐之選 ;

還記得好多年前曾經同朋友在旺角店食過一次 ,

但那次的感覺比較麻麻所以之後都沒有再去了 ,

直到今次到了銅鑼灣店令我對此店另眼相看











在門口等位時望到廚窗的擺設已經覺得好靚好吸引



" 豆腐沙律 "

哩個沙律除咗有新鮮嘅雜菜還有四大件嫩滑嘅豆腐加埋麻醬一齊伴吃超好味 ,

如果鐘意食豆腐的朋友就別要錯過這款沙律了 ^3^



朋友的 " 吞拿魚壽司盛 " 好似幾靚仔喎 !



" 峰玉子壽司 "

又厚又暖的玉子真係超愛  ( 可能我鐘意食蛋啩 ! ^^ )



" 燒墨魚 "

朋友 order 的估唔到又幾野味可口 yummy ! yummy !



" 貝盛 " x2 , " 魚腩盛 "

我要咗一份 " 貝盛 " 同一份 " 魚腩盛 "



" 挪威三文魚腩 "

三文魚腩望到都覺得好肥美 yummy ! yummy ! ^^



" 油甘魚腩 "

點解件油甘魚腩咁雪白嘅 ?  ( 不過都 ok 好味 )



" 吞拿魚中腩 "

見朋友食吞拿魚食得咁開心我都試番件先 ,

件魚腩夠新鮮又夠凍 " 正 "



" 帶子 "

粒帶子真係肥大肉厚每一口都在享受中



" 赤貝 "

赤貝夠大件又爽口



" 海螺 "

海螺又鮮甜又爽口



" Banana Waffle "
 ( #caramelized banana #toffee sauce #chocolate ice cream )

食完晚餐就一行四人走去 " HeSheEat Cafe " 食大家都鐘意嘅 Waffle ,

哩間甜品店我想試咗好耐喇 !



" Green Tea Waffle "
( #red bean #green tea ice cream )

這兩款甜品其實都 ok 嘅 ! 但我都是比較鐘意食牧羊少年多啲 ^3^