18/09 悶悶地想找人食晚飯剛好好朋友又想找人食晚飯 ,
所以一拍即合今次係喺銅鑼灣搵食 ,
朋友想食咖喱湯意粉而我就想試 Waffle ,
最終分別去了兩間食店來滿足各自的需求 ^^
是日餐湯
為了預留甜品胃所以只要了一個晚餐 + 一個超好味既咖喱湯意粉
今次唔係薯仔沙律有點失望添 ! >.<
" 海鮮湯意粉 ( 茄汁 / 白汁 / 咖喱 ) "
其實我對湯意粉的興趣並不大 ,
自上次試過這款咖喱湯意粉後就對佢情有獨鐘 ,
佢既咖喱湯真係超好味令到個意粉都變得更加好味 ^^
至於海鮮方面都一樣好足料架 !
" 芝士鮮蝦雞肉焗通粉 " 在幾款晚餐中勉強揀了這個 ,
不過整得好求其只屬一般 , 好彩有咖喱湯多可以撈埋一齊食 ^3^
食完晚餐都有少少飽所以去逛陣街先再去食 Waffle
終於有得試喇 ! ^^
牆上用小植物來裝飾都幾得意
" Mocha Latte Macchiato "
嘩 ! 見到咁大塊 Waffle 係咪好開心呢 ?
本應我都想係這裡食埋晚餐的 ,
但朋友好似好想食咖喱湯意粉咁就一人揀一樣啦 !
" Berry Berry Compote Waffle "
對於雜莓有少少失望 ( 因為佢地唔係用新鮮雜莓 > < )
Waffle 是即叫即整的都 ok 既只是略嫌唔夠蛋香 ,
而這店的另一好處是加 $18.00 可轉 Movenpick 雪糕 ,
我當然會轉啦 ! 轉咗我最鐘意既 " Maple Walnut " yeah !
原味 Waffle + 100% Maple Syrup + Hazelnut Ice cream ( Movenpick )
除咗指定的組合外原來仲可自由組合的 ,
兩款雪糕我都係覺得 Maple Walnut 好食啲 ^^
14/09 未試過星期日可以咁悠閒同朋友食午餐 ,
當然要多謝朋友既邀請我先可以嘆到咁美味的一餐 ^3^
今次已經是第三次參預團購美食 ,
當日我哋是最早到的顧客 ,
所以起初全餐廳的人都好似在招呼我們 ,
到了約十二點半後就開始有其他食客到來 ,
好明顯他們都同我哋一樣是食團購餐的
" Sangria " 個人感覺不錯夠凍又好飲
" Smoked Salmon Salad in Jar "
煙燻三文魚食到陣陣的煙燻味魚粒又好滑 ,
沙律菜又夠新鮮第一次食這款沙律感覺都幾得意
" Grilled Asparagus w/ Iberico Ham , Bread Tomato "
蘆筍烤得剛好配埋 Ham 一齊食很不錯 ,
至於番茄包夠脆好食但就唔係好覺有番茄味 ,
店員話橄欖油是加係麵包度一齊食的 ( 我無加呀 ! )
有朋友加咗佢話好食喎 !
" Spanish Potato "Bravas" "
" Crispy Squid w/ Black Aioli "
炸魷魚配黑蒜泥蛋黃醬特別得嚟又幾好味喎 !
" Duck Ham "
鴨肉火腿都是第一次食 , 個味整到好似食叉燒咁香香甜甜好食 ^^
" Mediterranean Paella Traditional Catalan Style w/
Cuttlefish & Clams "
嘩 ! 好大鑊飯呀 !
在這個地中海特色海鮮飯裡加了墨魚增添了鮮味同咬口 " 正 "
店員仲教我哋用一隻蜆加啲蛋黃醬再加一嗒海鮮飯一齊食 ,
又真係別有一番風味原來海鮮飯都可以咁食 ^^
" Presa - Iberian Pork Shoulder Loin (Half Portion) "
個豬肩肉都算整得嫩滑仲可加埋薯蓉同個醬汁一齊食
" Frozen Biscuit w/ Roasted Almonds , Liquid Bombons ,
Hazelnut Ice Cream "
甜品三款都好吃中間的那款更有朱古力流心 yummy ! yummy ! ^^
以團購價約二百幾蚊一位就可以品嚐到咁豐富既一餐都算超直
04/09 同屋企人慶祝生日今次又係去食日式放題 ,
早前試過兩間都不太好食所以今次要再揀別的 ,
" 極尚大喜屋日本料理 " 是我一直好想試的咁今次就去試一試啦 !
" 甜蝦 , 天使蝦 , 響螺片 , 象拔蚌 , 北寄貝 , 池魚王 , 油甘魚 ,
三文魚 , 赤貝及北海道帶子 "
玩咗兩 , 三轉已經開始知道點 order 先有咁大盤刺身 ,
當然要食得晒先好叫 , 唔好浪費食物呀 ! ^.<
每一款刺身都好新鮮如果可以厚少少就更好 ,
最開心就係貝類既刺都算幾多選擇 yumyum !
" 鹽燒海蝦 "
呢個我無試過唔知味道如何 ? ^^
屋企人叫既壽司但我無食 , 不過睇個樣應該 ok 啩 ! ^^
" 鹽燒牛舌 "
牛既食品可免則免我都係無食 , 但屋企人就讚話好食 ,
唔得下次要試番一串先得
" 北海燒帆立貝 "
食呢個我就諗朋友曾經整過既魔鬼焗蠔 ,
第一轉唔知屋企人食唔食所以只要了四隻 ,
當屋企人試完之後就好食到每人都要一隻 ( 真係好正架 ! )
" 意式黑松露帶子沙律 "
個沙律都算新鮮加埋我鐘意既黑松露同鮮甜既帶子刺身好味 ^^
" 第一款唔知係咪芒果蝦壽司 , 滋味皇帝蟹棒壽司 ,
龍蝦膏甜蝦壽司 , 黑松露油甘魚壽司 "
都是屋企人叫的壽司我無食因為驚會好快塞飽自己 ^3^
" 燒雞軟骨 "
" 鹽燒青花魚 "
呢個好食應該係即燒的夠熱外皮又脆魚肉還很 juicy ,
搞到三個小朋友兩個大人都搶住人食 ^3^
" 鹽燒多春魚 "
呢幾條多春魚是生日主角的至愛 ( 就係我細佬嗱 ! )
全屋人得佢一個食咋 ! 不過睇個樣都好肥美燒得都好靚仔
" 天婦羅蝦 , 有機冬菇天婦羅 , 日本蕃薯天婦羅 , 温室南瓜天婦羅 "
其他天婦羅比天婦羅蝦遮住晒添 !
全部都係新鮮熱辣炸出來的 " 正 " 呀 !
" 鹽燒雞翼 "
" 芝士年糕 , 芝麻雞翼 "
芝士年糕一試便愛上脆脆既外層煙韌既年糕加埋軟軟既芝士心 ,
我就算冒著好快飽既危險點都要食多一件 " 超正 "
" 炸魷魚軟骨 "
呢個好似食炸魷魚咁都好食呀 !
" 蒜片炒牛柳粒 "
再來 " 希靈魚 , 響螺片 , 象拔蚌 , 北海道帶子 "
" 燒香草羊鞍 "
當晚食到既感覺一般啦 ! ( 唔算好差亦唔算好好 )
" 燒有機菠蘿 "
呢個屋企人叫的我無食 , 但屋企人就甜好食好多汁 ,
下次再來一定要試 ^^
" 瑤柱粥 "
都是屋企人叫的本應無咩興趣試但屋企人話好似有忌廉味 ,
咁我就試咗一嗒個人感覺有少少似飲日式既粟米湯
" 枝豆 "
我細佬勁愛枝豆整晚都食唔停 ^^
今次飽到無試甜品好彩最後每人都有一杯 Haagen-Dazs ,
我貪新鮮緊係試佢期間限定既 " 香蕉味 " 啦 !
個味都唔錯又幾好食喎 ! ( 原來佢比其他味是大杯少少的 )
02/08 朋友原來近排晚晚都要獨自出街晚飯 ,
可能一人晚飯食到悶所以佢就開始搵飯腳 ,
朋友建議去 " 沙嗲王 " 基本上我都無咩問題既 !
" 厚切蒜香脆包 "
真係好香脆喎 ! 加埋個咖喱汁仲 " 正 "
" 光芒四射 - 鮮芒椰汁 x 水晶芝麻 " 不錯好飲
" 白咖喱勁脆厚切吉列豬扒飯 "
講真豬扒唔算厚切但個吉列就好脆整體都 ok 好味 ,
白咖喱汁一樣好味用來撈飯一流 yummy ! yummy ! ^^
Lunch 時朋友 L 專程來找我同朋友 M 食午餐目的就是為了送月餅俾我哋 ,
好開心可以收朋友親手做的 " 2014年中秋月餅限量版 " ,
真係好靚好精美好在街的途人可能還會估是那間高級餅店的出品
" 黃金千層酥 , 土鳳梨酥 , 清香脆月 , 紫芋千層酥 "
朋友 L 還好有心思附上了心意咭 ,
收到一份咁既禮物又點會唔感動吖 !
-------------------------------------------------------------------------------------------------------------------------
03/08 繼續陪朋友晚飯今次我揀咗好耐無去既 " 上上拉麵小籠包 " ,
這店在太子始創中心重開後我都未去過
我最掛住既 " 醉豬手 "
一上枱已經嗅到濃濃既酒香 " 正 " 呀 ! ( 當晚有佢我已經好滿足 ^^ )
" 干煸四季豆 "
朋友 order 的雖然個味比較濃有少少鹹 ,
但都好好味用來送飯一流就係為咗呢碟豆我哋要咗兩個白飯 ^^
" 蘿蔔絲酥餅 "
估唔到是咁大隻的真的嚇了一跳 ,
熱辣辣金黃嘅酥皮加埋清甜既蘿蔔絲內餡簡直好食到講不出說話來
