24/08 當日約咗朋友睇戲兼買九月去飲的衫 ,
睇戲前見有時間咁就去 tea 一 tea 先 ,
戲院對出有間 FULL/half 好耐無去喇 !
係網上見到佢近期有綠茶 Waffles 咁就一於去試啦 !
" 自家制綠茶窩夫 . 紅豆雪糕 " ( 相片借用於朋友 )
由於我遲到所以朋友幫我拍咗照片先 ( Sorry ! + Thx ! )
這店的綠茶窩夫都 ok 唔錯 , 再伴埋紅豆蓉及紅豆雪糕一齊食更是一流 ^^
" Toasted Tiger Prawns Focaccia "
嘩 ! 呢份三文治超好食香草包烘得好香脆 , ( 個人感覺有驚喜 ^^ )
個蝦煎得好金香又好好味 , 蛋沙律更加無問題啦 !
" Cappuccino "
這店的 Cappuccino 好香濃好好飲
時間啱啱好食完 tea 行過隔離戲院就可入場睇戲 ,
呢套 " 颶風中心 " 在外語片嚟講雖然唔算片長 ,
但戲裡的情節就十分緊張剌激個人感覺都幾好睇 .
好啦 ! 好啦 ! 掛住扮靚買9月去飲既戰衣搞到夜晚十點都未食晚飯 ,
咁夜都唔知仲有咩好食 , 最後就同朋友去咗附近既 " 翠華餐廳 "
" 金裝桔仔蜜 "
原本想試佢既 "香檳凍奶茶 " 可惜已經買晒 ! T-T
好彩個桔仔蜜都唔錯差甜度剛好又不會太甜 ok 啦 !
" 秘製鹿兒島風豬軟骨併鮮蝦菠菜餃米線 "
咦 ! 真係好好味喎 !
豬軟骨夠腍又夠入味 " 正 " , 鮮蝦菠菜餃比想像中大隻又好食 ^^
16/08 其實舊年已經有留意呢間西班牙餐廳 ,
但一直都未找人陪我一齊去試今次終於有機會喇 !
原本年頭已經知道 " Jamie's Italian " 於七月份會在銅鑼灣落戶 ,
所以一早同朋友講明今年幫我慶祝生日就去這裡 ,
可惜新開張實在太多人去潮拜所以訂位都要去到九月 ,
而 walk-in 又要等好耐時間於是決定做足兩手準備 ,
先在 " Catalunya Hong Kong " 訂位 ,
到了當天先到銅鑼灣睇下咩野環境如果唔對路就轉軚 ,
果然不出所料去到銅鑼灣已經截龍如果要等就要四小時之後 ,
咁無法喇 ! 唯有 say goodbye 轉軚去了........................
這裡的環境 , 氣氛及佈置個人覺得十分之好好鐘意 ^^
餐廳外是寧靜的環境而室內則比較昏暗同熱鬧真係有好大既分別
" AVOCADO AND LOBSTER ROLL "
A seafood delight, this tantalising roll is filled
with lobster, avocado, vegetables and mayonnaise.
由於事先無做功課所以臨時先係餐廳上網睇下其他食客有咩好介紹 ,
上網有圖睇係吸引啲既 ! 呢個牛油果龍蝦卷好好食呀 !
一片一片薄薄的牛油果內佈滿了龍蝦肉每一口都好滿足 ^^
" HAM, CHEESE AND TRUFFLE "BIKINI" "
You're not getting a swimsuit ! This ham, cheese and
truffle sandwich will transport you right to Catalunya.
呢個我就好鐘意脆脆既多士加半溶既芝士再加埋超多既黑松露醬 "正"
但朋友就覺得一般無咩特別比較普通咗啲 !
咁就要視乎大家既喜好我自己得覺得是必食推介 ^3^
" KING CRAB "
Steamed and served on a white Gazpacho jelly
and yuzu mayonnaise.
朋友話想試呢個咪即管試下况且我都是第一次飲西班牙凍湯
呢個凍湯都幾特別又好味尤其是兩大件蟹肉真係好正 yumyum ! ^^
" CATALUNYA SANGRIA "
Lemonade, Brandy, Cointreau, Sugar, Martini Rosso,
Freshly Squeezed Orange Juice, Red Wine
食西班牙菜又點可以唔飲 Sangria 呢 ? ^3^
個人而言夠酒味都幾好飲但略嫌無果肉
" Lomo Iberico "
呢個原先無 order 係意外驚喜因為朋友聽到是 Chef 請我哋食的 ,
對於有意外驚喜當然開心啦 ! ( Thank very much ! ^^ )
呢個肉質鹹鹹地用來送酒也不錯 yumyum !
" SUCKLING PIG TAPA "
Don't feel like having a whole suckling pig ?
Have the same pleasure in two bites instead.
隔離飯香果然無錯當鄰座的半隻西班牙豬上菜時香氣四溢 ,
一陣一陣豬的香味飄過來真係好吸引呀 !
我都是第一次見用碟來把乳豬切件真是大開眼界 ^^
我哋碟西班牙豬上菜喇 ! 依然好香豬味肉夠厚身有層次感好味 ;
後來同朋友傾開佢話兩件好食過半隻 ( 唔通係厚度問題希望有機會一試 ^^ )
" TORTILLA DE TRAMPO "
Also called the "Sin Tortilla" , this is a perfect
example of lust in gastronomy.
其實本身好鐘意食雞蛋所以用蛋整既菜式都一樣咁鐘意食 ,
呢個類似西班牙奄列一試便立即愛上 ,
第一次食到蛋面有醬料而紅色一點點是辣的夾埋一齊吃會變得好好味 ^^
" LAMB SHOULDER 2 PAX
Lamb from Castilla Y Leon.
朋友見無主菜所以話不如 order 一個 ( 原來我哋唔食主菜都夠飽 ^^ )
所以同朋友見到有兩嚿骨墊底時好開心因為可以食少啲肉 ( 我哋係咪好怪呢 ? )
個羊雖然無咩羊味但肉質就好腍滑
" Pineapple "
Order 主菜時店員問我哋揀咩野 side dish 咁我就揀咗呢個 ,
上菜時才知是燒菠蘿好耐無食喇 !
個燒菠蘿應該落咗玉桂 , 花椒同酒一齊燒我就 ok 覺得幾好食 ,
而且個菠蘿又多汁又香甜 " 正 " ,
但反觀朋友就唔係咁啱口味所以覺得麻麻地 ;
朋友好多謝你給予我一頓咁豐富又好味的晚餐 ^^
16/08 其實好早之前已經想同朋友試這間日本餐廳 ,
只不過當時隔離新開咗間意大利餐廳咁就第一時試新嘢先 ,
因當晚要同朋友友晚飯所以午餐就決定去這裡試一試
可能是午飯時間一入店內已經坐滿了食客 ( 好彩一早訂咗位啫 ! ^^ )
從網上得知店內的裝修是以日本漁船作靈感唔怪得別有一番風味 ,
但人太多所以都不便拍照 ^^
呢個應該係 " 剌身定食 "
本應朋友係想要 " 剌身及鹽燒秋刀魚定食 " 可惜店員搞錯咗 !
我哋應該係食咗隔離枱個定食 ( 唔好意思呀 ! )
咁啱燒秋刀魚定食都是有雜錦剌身的所以無為意 ,
仲以為條魚等燒好後再上其實我哋都有責任應該問一問先 ,
但未放工已經好肚餓所以見到咁肥美既剌身有少少忍唔住
個剌身真係又肥美又新鮮好食 ( 如果可以再凍少少就更加好 ^^ )
日本的茶碗蛋一向都是我的至愛 , 而這店的茶碗蛋更是超滑 " 正 "
" 天婦羅定食 "
( 蝦 , 季節魚 , 魷魚 , 素菜 )
還有這店的醃菜都是好好味的
天婦羅亦是我的至愛雖然當日個粉漿唔夠脆口但食材都是新鮮的
朋友原先叫果個鹽燒秋刀魚定食出咗喇 !
我見朋友咁想食燒魚而廚師又一番心機咁燒咗出嚟 !
同埋基於唔想浪費既心態所以同朋友商量後決定要咗佢 ,
條魚都燒得幾好食魚肉都仲好 juicy yummy ! yummy ! ^^
希望有機會再試其他款式
14/08 因為要入荃灣辦點事所以第一時間搵荃灣之友食晚飯 ,
但朋友話荃灣無咩好食於是我就諗起呢間印尼餐廳 ,
之前同另一位朋友食過感覺都唔錯一直都好想食多一次 ,
原來這裡亦是朋友 L 之前常來用膳的地方咁今次就由她點菜啦 !
" 香茅酸辣雞 "
原來佢是朋友之前的至愛都 ok 既 !
" 十五夜團 " 這個菜式之前一直都好想試
返屋企上網找到關於這個菜式的資料原來是用印尼人喜歡的飯團為主食 ,
再配上微辣的印尼香料汁 , 蔬菜 , 頭類 , 豆卜 , 雞件 , 牛展................等等
而印尼飯團是用蕉葉包的 , 然後拆開放在碟底作主食之用
嘩 ! 都好豐富喎 ! 可惜這裡的十五夜不是我杯茶 >.<
好耐無飲 " 涼粉冰 " 喇 !
好彩朋友醒目叫咗少甜所以甜度剛剛好
" 燒青魚 "
朋友之前讚口不絕可惜今次不是即叫即燒所以有所失色 >.<
當日的晚餐係有點失望因為所有食物都是預先煮定的 ,
所以無咗第一次即叫即煮的好味感覺 T-T
希望下次有機會再食會好啲啦 !
10/08 首先好多謝朋友陪我渡過了生日的正日 ,
晚餐我從網上找到這間新開不久的私房菜 ,
見食評都唔錯所以同朋友講不如就去試呢間啦 !
當日我哋都無咩野做所以六點半過後就到達了餐廳 ,
餐廳內外絕對是兩個天地餐廳門外豪不起眼 ,
但一進入餐廳就仿如去了高級餐廳的模樣 ,
餐廳內燈光十分紛暗好有情調呀 !
當晚所觀好似只有我哋一枱客人 ( 咁我哋咪變相包場囉 ? )
既然無其他食客到來咁我就唔客氣週圍影下相先 ^^
個廚房真係好似電視上睇到的一樣 ( 我個人就好鐘意個廚房喇 ! ^^ )
一般私房菜的地方都唔會好大 , 但睇得出餐廳內的擺設是花過一番心思
呢個位置就係我同朋友當晚用餐的地方 ,
Haha................係咪好有情調呢 ?
個位都 set 得幾靚架 !
一入到餐廳廚師立即為我哋整熱啲麵包 ,
麵包用這個袋入住唔知係咪有保暖既作用呢 ?
麵包整得外脆內軟食到尾仍然是暖的 , 但牛油呢就硬了點
" 意式扒菜拼盤 "
呢個拼盤做得好精緻呀 ! 每一款都好好味 yummy ! yummy ! ^^
" 虎蝦沙律配蜜糖蛋白醬 "
呢個沙律都 ok 好味尤其虎蝦既生熟程充亦處理得剛剛好 " 超正 "
" 生蠔配薑汁泡沬 "
朋友唔食生蠔好彩我剛剛愛上食生蠔 , 原來泡沬下有兩隻生蠔 ,
蠔都算 ok 夠新鮮夠爽口 , 但學完開蠔後還是較喜歡原味不加任何配料 ^^
" 米通鵝肝配柚子砵酒雪糕 "
原來鵝肝都可以咁樣食我都係第一次 , 感覺都幾特別又唔會咁膩
" 松露野菌湯 " 個湯好香濃好好味
" 洋蔥忌廉湯 "
朋友都知我唔好洋蔥湯 , 所以佢就讓咗個松露湯比我飲 ( Thx ! ^3^ )
大家都各試飲咗對方的湯一嗒 , 雖然洋蔥湯都唔差幾好味 ,
但我都係鐘意松露野菌湯多啲 ^^
" 柚子沙冰 " 又係清口腔預備食主菜既時間
" 烚三文魚卷配紅花汁 "
在這裡又可以食得番香脆既魚皮 , 三文魚都整得唔錯好味
" 鱸魚配香草忌廉汁 "
呢個鱸魚廚師整得超好食魚肉十分脆滑 ( 暫時食過最好味的鱸魚 ^^ )
" 雜果千層酥 "
個千層酥估唔到又整得幾脆都唔錯好味
" 芒果慕絲配朱古力泥 "
呢個甜品買相好靚味道都 ok 既 !
但芒果慕絲係用果泥做的所以扣少少分啦 !
整體來說水準都是好平均的好 , 而鱸魚那一道菜式更令我留下深刻的印象 ,
這店的主理人是兩位看似是八十後的年青男孩 ,
在 openrice 的食評中得知廚師更是在五星級酒店出身的 ,
而且還跟過米芝蓮餐廳既大廚學藝 ,
唯一欠缺的就是與顧客的交流 , 希望日後會有所改善啦 !
如無意外朋友十月份生日應該都會再到訪一次 ,
到 時唔知有咩新菜式呢 ? ( 好期待呀................ )
