早幾日有朋友 L 問我同另朋友 M : 有無恒生信用卡 ?
我沒有而朋友 M 好快答 : 有 , 咩事 ?
原來現在三聯書局做緊恒生卡折扣優惠某些書有七折 ,
朋友 L 剛好有書想托我們代買就係咁星期一放工後就去逛書局了
朋友 M 發現了這本韓式家常菜 , 一看之下發覺有些菜式是我鐘意的 ,
而某些菜式亦不是太難整 ( 希望我真係會整啦 ! ^^ )
所以大家都各自搬了一本回家 ( 估唔到咁都買到嘢 ^3^ )
書局隔離新開了 " Twelve Cupcakes "
之前我好怕 cupcake 面既 buttercream 會好甜 ,
所以一直都無食過係街買的 cupcake ,
但今次見佢有 expresso 味咪諗住試下囉 !
當店員將蛋糕櫃拉開時已經嗅到好香的蛋糕味 ,
正當我諗緊買一件 cupcake 佢會用咩同我袋呢 ?
原來佢哋都會用一個可以固定位置既吸塑擺放 " 抵讚 " ;
而佢哋既賣點係堅持蛋糕是每日新鮮焗製的 ,
蛋糕又香又鬆軟 expresso 既 buttercream 無想像中咁甜 ,
雖然是細細件的 cupcake 但整個食完個人感覺都有少少甜 ,
而我又偏偏愛上佢既 expresso 味現在好矛盾添 ! ^3^
星期六放工後諗住同朋友去書局買書順便睇下有咩嘢買 ,
朋友問我會食 lucnh 嗎 ? 我當然求之不得啦 !
我本應想去試公司附近 D2 Place 既 " 鵜舞 " 是食日本菜的 ,
聽聞這間食店雖然貴但都幾好食諗住先試 lunch ( 諗住無咁貴 ^^ )
及後朋友話喺這食店隔離好似開了一間新食店 ,
咦 ! 心多的我又想試新嘢於是就立刻轉軑去新餐廳 lunch
原來是一間食西班牙菜的餐廳 , 餐廳裝修得好靚而且樓底又夠高 ,
一走進餐廳個人感覺好舒服好似入咗一間稱心既小店 ^^
這裡中午有 lunch set 但夜晚就沒有 Dinner set 其實都明白既 ! ^^
但如果你要我一至五過來食 lucnh 就唔好嗱 !
平日只得一小時 lunch 時間個人感覺浪費自己的金錢同時又浪費廚師的心機 ;
言歸正傳這店的麵包都唔錯多士般脆口的外皮 + 軟孰既包心都 ok 架 !
頭盤 : " 安達盧西亞式脆炸幼嫩小魷魚 "
可能我比較鐘意脆口嘢所以呢個小魷魚都幾啱我口味 ,
個沙律菜都唔錯架夠新鮮
另一頭盤 : 有我鐘意既 " 傳統西班牙馬鈴薯洋蔥奄列 "
這道菜我第一次是在 EL CID 食的夠厚身又好味一試便愛上 ,
暫時未有一間店可食回這個味道 , 而 EL CID 我都好耐無去唔知變成點呢 ? ^^
這店一樣唔夠厚身馬鈴薯亦唔夠多但都算 ok 既 ! ( 至少可以用來止止咳 )
蕃茄多士都 ok 至少無整淋塊包 ( 但我都是比較鐘意以前既 EL ......... 多啲 )
主菜 : " RUSTICO " 招牌西班牙海鮮飯
味道雖然有點偏濃但我就好鐘意覺得好好味 ,
食第一嗒飯時已經俾佢濃濃既蝦汁吸引住 ,
我真係覺得呢個飯 " 超正 " ( 最少佢令我回味至今 yummy ! yummy ! )
主菜 : " 招牌秘製地中海燒雞伴傳統香草馬鈴薯 "
個人感覺無想像中咁嚡都算 ok , 個汁好似有少少柚皮味都幾得意 ,
但朋友就覺得隻雞有少少嚡口但加埋個汁一齊食就會好啲
餐茶大家都要了咖啡 ( 點解我覺得咁似朝早杯 Starbucks 咖啡既 )
餐後店員問我哋要唔要甜品但實在太飽所以今次無試 ;
我哋都問咗店員好多問題佢哋亦好有善咁一一回答 ,
原來這店同隔離 " 鵜舞 " 是同一個老闆的又會咁啱既 ^^
而這店亦是剛開業兩個星期但對外做生意則只有一星期 ,
這餐廳是我暫時係 D2 Place 食過最好味的直得一試
這班朋友給我的感覺就是大家都好珍惜大家的友誼 ,
雖然平時大家各有各忙但只要有人生日的月份都會約出來聚一聚 ,
昨晚我哋就同五月之星慶祝生日喇 !
可能大家都是由追韓星而認識所以都特別鐘意韓國菜 ,
星期五晚要係尖沙咀區搵食都真係有點困難 ( 通常韓燒都有時限 )
但難得約埋一班人出黎緊係有好多嘢講啦 !
所以今次再度揀來這間韓國料理不是因為特別好食 ,
唯一的好處是沒有時限咁我哋就可以開開心心癲一晚 ^3^
" 百歲酒 " 朋友話好飲所以要了一枝
是一款甜甜地的米酒都幾易入口感覺唔錯
韓國菜的指定前菜賣相好似好吸引 , 但忙於拍照所以無試到
套餐 : " 豬肉 + 雞肉 " 我哋八個人但計埋我有兩人都是唔食牛的 ,
所以朋友同店員講將肉眼扒換咗呢碟 ( 嗰豬肉又醃得幾好食喎 ! )
套餐 : " 牛肋骨 "
開始燒時才發覺影漏咗牛脷同五花腩肉添 !
好彩喺呢爐都搵到 , 但就要考考眼力嗱 ! ^3^
散叫的 " 年糕湯餃 "
這是朋友推介的因她在韓國食過覺得好食 ,
既然有人推介就試一試啦 ! 清清地餃子又夠滑都 ok 喎 !
套餐 : " 豆腐辣湯 "
呢個湯正呀又好味又足料 ( 特別鐘意大大塊又白又滑既豆腐 ^^ )
套餐 : " 有我鐘意既 " 海鮮煎蔥餅 "
暫時食過咁多間呢間既海鮮餅是最合我口味的 ,
至少夠味 , 夠料 , 夠脆口 ( 食過別家的厚粉 , 無咩料 , 又無味 >.< )
但朋友感覺比起第一次食既時候薄咗又細咗
套餐 : " 石頭鍋飯 ( 可選一款 : 牛, 豬, 雞 ) " 今次朋友們揀了豬
另一主角出場喇 ! " 部隊鍋 - 薯仔豬骨湯鍋 "
今次朋友們揀了唔辣既部隊鍋感覺有啲似 ShabuShabu ,
我都係鐘意食番傳統的部隊鍋多啲有辣味 , 有腸仔, 有午餐肉 ^^
無時限真開心我哋由七點食到差唔多十一點再轉場食甜品傾計 ,
其實一班好友食飯如果食物質數同環境都不是太差都已經好滿足
跟這位朋友自元旦食過晚飯後便沒有再見過面 ,
剛巧這個月是她的生日所以就順便約出來聚一聚 ,
朋友比較喜歡食有 Dinner Set 既西餐廳 ,
" Munch " 是一間令我有信心的餐廳所以便推薦給朋友一試 ;
記得第一次初試時感覺不太好於是一直都沒有再來過 ,
直至舊年再同朋友再來這裡晚餐時感覺變得好了 ,
而且朋友們都幾滿意這店的食物質數所以對這店亦有了點信心 ^^
我同朋友都要了 " Long Island Iced Tea "
朋友見咁耐無見就建議先飲嘢傾計隨後再晚餐 ( 又好喎 ! )
這店的 Long Island 啱晒我同朋友的口味 ( 酒味夠濃 ^^ )
歡樂時光真係過得特別快一傾就是個半小時
麵包一早已送來但我哋到飲湯時先食所以變得有點韌 ,
所以下次都是趁熱食會好啲
大家都要了蕃茄餐湯
第一次飲到咁香濃既蕃茄湯真係好好飲
" 香脆法國鴨腿伴鵝肝意大利飯 " 喺網上見人勁讚所以叫來一試
鴨腿皮真係做得好脆口鴨肉夠腍身又唔會好乾好味 ( 我暫未食過咁脆口的 )
鵝肝意大利飯又香又好味 " 正 "
" 澳洲羊架伴牛肝菌薯仔批 " 之前食過覺得都 ok 所以推介給朋友
厚厚的羊架肉質處理得又嫩又滑保持着一慣的水準 ,
雖則唔算特別好味但能夠保持水準都直得一讚 ,
而牛肝菌薯仔批亦是做得不錯的
餐飲我要了熱咖啡都 ok 既
朋友則要了熱朱古力
" Chocolate Truffle Cake " 朋友預祝你生日快樂 !
其實揀完呢款 Cake 都有啲擔心唔知朋友鐘唔鐘意食 ,
好彩這個 Chocolate Truffle 正正是朋友最鐘意食的那款 " Good "
濃濃的朱古力蛋糕但又唔會話好甜 , 如果不是食得太飽都幾正架 !
原來餐廳的寫字服務是有限額的額滿就不會幫你寫 ,
好彩我一向都鐘意一早訂位啫 ! ^3^
這盒精美的朱古力是餐廳送給朋友的生日禮物
朋友亦即場請了我食朱古力又幾好味喎 !
星期六最開心的事就係放工後同朋友一齊去飲飲食食 ,
早前係網上發現了一間新 Cafe 環境同食物都好似幾好
我幾鐘意把吊扇加上樓底又夠高 , 一向都比較喜歡樓底高的食肆 ,
店內擺放着許多套精美的咖啡杯 , 我同朋友都有啲興趣所以便詢問店員 ,
細問之下原來只供訂購並沒有現貨售賣 , 雖然靚但每一套都幾貴 ,
牆邊還有一些皮革製品好似都是供售賣的如有興趣可向店員查詢
我的 " Caffe Latte "
有靚靚既拉花又有咁靚既咖啡杯用真係償心樂事 ,
這店的咖啡都算做得不錯
朋友的 " Cappuccino "
Daily Special " 海膽黑松露 Pizza "
原先我哋想試 " 辣肉腸水欖 Pizza " 但見到呢個咁吸引更係試呢個啦 !
鮮甜既海膽 + 黑松露原來好夾好好味 Pizza 又夠脆 yummy! yummy!
" Executive Breakfast "
(Smoked Salmon, Scrambled Egg with Tartrfata, Mixed Salad,
Croissant, Italian Pork Sausage, Mushrooms, Grilled Tomato, Bacon)
呢個早餐整體都算 ok , 牛角包雖唔稱得上十分好食但都算合格
" 有機伯爵茶 + Tiramisu "
朋友試埋個茶拍照時已經茶香撲鼻 , 但唔記得問朋友好唔好飲 ,
至於件 Tiramisu 我同朋友都感覺就唔多合格 ,
其實除咗甜品其他都算 ok 既 , 如果有時間可再來下次我會試 Tea
身邊既朋友都以為我識識地整甜品煮嘢就會好叻 !
事實係大錯特錯雖然我對煮嘢食都好有興趣 ,
但就未正式煮過什麼今年開始嚐試走入廚房 ,
之前煮過大熱的 " 檸檬雞翼 " 因為食譜夠簡單又好似好好味 ,
就連平日不入廚房的我都好易掌握得到於是好有滿足感 ;
一年一度既母親節又到突然好想為她整一餐晚餐
頭盤 : " 翡翠螺伴飛魚子蟹肉牛油果沙律 "
知媽咪鐘意食牛油果於是喺網上找來這個食譜 ( 略有加減 ^^ )
相反我對牛油果就無咩好感 , 但原來咁樣整沙律又幾好食喎 !
眼闊肚窄添 ! 其實食完呢個頭盤大家都已經飽飽地 > <
因圖片所示是一人份量
主菜 " 西班牙黑毛豬扒配蘋果芥末子汁 "
早前陪朋友去凍肉舖入貨時朋友買了這個作 gathering 之用 ,
睇落好似幾好一於用佢做主菜啦 !
朋友口中所講的蘋果芥末子汁又比我係網上搵到食譜 " 正 "
今次好彩無貪心只煮了一塊黑毛豬同媽咪 share ,
不愧為西班牙黑毛豬真係好有肉香味連媽咪都覺得 ,
黑毛豬先煎後焗食完晚餐清潔時嗰焗爐還有好香的黑毛豬味 ^^
可惜今次整得熟咗少少無咁嫩滑 , 希望下次會好啲啦 !
個醬汁完全合我口味可惜媽咪就唔多欣賞 ,
我發覺呢個蘋果汁用來伴沙律菜都是好子味的 yummy ! yummy !
甜品 : " Tofu Mousses Cake "
上次聖誕節整呢個蛋糕時失咗手有少少唔開心 ,
歸根究底都係少做少練習 , 今次既效果比上次好希望 ok 啦 !
由於我哋兩個人好勉強先可以清埋塊黑毛豬所以已經食唔落甜品喇 !
唯有留待明天吧 ^^
朋友有次話想抽番啲時間逛下超市留意下有咩物料賣 ,
咁昨晚就坐言起行未逛超市前先去醫肚 ,
為求爭取多啲時間逛街唯有揀速食 ,
最後都係決定去 " 梅光軒 " 食拉麵 ^^
現在期間限定 " 北海道味噌海鮮拉麵 "
這個拉麵當然吸引我啦 ! 於是同朋友一人一個 ^^
好多人都話這店的拉麵似公仔麵又真係幾 ,
先飲一嗒湯好濃厚既味噌蝦湯都幾好飲喎 !
用料豐富全是我喜愛的 yummy ! yummy !
但拉麵要盡快食因這款拉麵比較吸水好快就會變得腍身
上次試咗炸雞今次就諗住試下餃子 ,
可惜當餃子來到時發覺有點貨不對辦 ,
點...點...點解個圖咁金黃實物咁白既 ? ? ? ?
如果撇開外皮唔計內餡都算 ok 啲菜都幾甜 ,
不過我諗下次都係食炸雞好啲 ( 至少我有少少掛住佢 ^^ )
現在拉麵店還做緊 "印章募集" 買一碗拉麵就有一個印花 ,
儲夠 3 個印花就可以優惠價 $50.00 品嚐一碗 " 北海道味噌海鮮拉麵 "
推廣日期去到 5月31日止
食飽飽就開始逛超市行動
第一站我就發掘了新嘢俾朋友買 ,
呢枝熱帶水果醬有齊朋友喜歡的味道 ^^
之前朋友買過 " 淒麵 " 字既杯麵覺得好食 ,
但後來想補貨都無得補所以同佢逛超市時佢會特別留意啲大碗杯麵 ,
終於俾佢喺 city'super 重遇番可惜無之前食開果款咁唯有試其他啦 !
好 ! 你試我又試但大家要留意杯麵的日期比較短 ,
所以暫時只帶了兩款返屋企試 ( 朋友你給我的絕版杯麵我還試呀 ! ^^ )
