上星期五晚陪朋友去買蛋糕材料 ,
買完材料諗住食啲簡單嘢就返屋企 ,
但簡單得嚟又要有少少吸引其實都不容易 ,
今次我哋試 " 梅光軒 "一間位於希慎廣場 Jasons-Food & Living 內的拉麵店
牆上一大幅的是 Meun 又幾方便喎 !
揀完想食咩就可以去收銀處 order 付款跟住店員就會安排座位給食客 ,
又或者自行搵位再買嘢食都得 ,
食客落完 order 一坐低店員就會好有禮貌地奉上一杯茶
朋友的 " 鹽味拉麵 "
我試咗一嗒湯都真係幾淡味不是我杯茶
我要了 " 醬油拉麵 "
本應想加牛油粟米的 , 可惜朋友代購時店員只問佢加唔加蛋 ,
最後大家好高興咁加咗蛋但就唔記得幫我加牛油粟米 ,
而且得店員提點現在該 Food Court 做緊九折 " 正 " 又可以平啲 ^^
拉麵的樣子有點似公仔麵 , 拉麵質地個人感覺淋咗少少略欠硬度 ,
拉麵整體都算不錯如果個麵質可以硬番少少就 very good 喇 !
早排人人都因韓劇星星的熱潮而大愛 "炸雞+啤酒" ,
雖然不是韓式的炸雞 , 但日式炸雞都一樣咁好味皮脆肉滑可惜欠了啤酒 ^^
起初朋友還眼闊肚窄想埋煎餃子好彩給我阻止了 ,
因拉麵的份量都算幾大碗加埋炸雞已經超飽
昨晚相約朋友去荃灣買鞋原先諗住會在那裡食晚飯 ,
點知朋友突然 WhatsApp 問我有冇聽過 "牧羊少年" ,
依稀記得是在太子一間以旅遊為題的 Cafe ,
而且佢哋既窩夫仲好吸引我添 !
可惜當聽到多人去 , 要等位................等等 ,
就會令我想試的熱情有少少減退 ;
今次聽朋友講除咗太子店原來在長沙灣同葵芳都開了新分店 ,
於是我立即問朋友是不是想試 ?
可能朋友唔想我走來走去所以佢話下次去開先試 ,
我的心聲 : 下.......下.......下........下次 ? 但我好心急想試喎 !
我同朋友講唔介意走來走去於是最後決定去試 Yeah ! ^3^
在等食的期間我哋好無聊咁研究食店擺放的花是真還是假 (答案 : 是假的)
我的 " 百香果綠茶 " 開頭都幾好飲 , 但浸耐咗個茶會比較苦澀
" 法式奶油蘑菇闊條麵 "
喺網上睇時已經好想食闊條麵咁嗰 Meun 又只得這款所以就揀咗呢款喇 !
個意粉可能是即叫即整熱辣辣所以同朋友都覺得好好食 yummy ! yummy !
而且闊麵既份量都幾多食極都仲有 ^^
" 香蒜鮮蜆意大利粉 "
呢個就慘喇 ! 唔知係店員遲咗上菜定係個煮意粉既問題 ,
個意粉黎到既時候已經好以 "乾屍" 咁啲蜆又無咩味連朋友都覺得唔食 >.<
最終我哋要撈埋上邊個闊麵一齊食先感覺無咁乾 ,
好彩既就係呢碟意粉份量比較小如果唔係就慘上加慘 ! ^3^
" 香蕉巧克力佐窩夫 "
Wow.............個窩夫真係幾好味喎 ! 雖然不是超脆但有少少蛋香又夠熱 ,
對於我黎講都已經算是合格 , 還有朱古力雪糕球都是不錯的 ,
我食完第一塊時已經同朋友講想叫多一份 , 但朋友話唔信我會食得晒 ,
最後當然無再 order 唯有下次再約朋友食過啦 !
朋友還叫我呢篇一定要寫因為佢話未見過我未食完已經想翻叮 ^^
從照片中拾回這篇差少少遺忘了的外食 ^^
年三十晚只是返半日工放工後就無所事事 ,
於是就約下荃灣友一齊食 lunch ,
原先想去的那間原來年三十晚收爐所以無得食 ,
後來我就揀了朋友的另一心水飯堂
當日朋友叫了這個餐但過咗咁耐已經唔記得叫咩名
" 藏人松花堂弁當 "
第一格 - 雜錦天婦羅
第二格 - 刺身拼盤 : 三文魚 , 鱆紅魚 , 大甜蝦
第三格 - Tataki 牛柳配酸汁
第四格 - 燒鯖魚 , 鰻魚蛋卷
其實第一眼已經睇中呢個餐 , 但基於有些食物我是不吃的所以都猶豫咗一陣 ,
因為我唔食牛咁大份牛點算 ? 好彩得朋友出口相助問題得而解決 ,
其實呢我連大甜蝦都唔食架 ! 所以又要請朋友代勞 kaka...............
我雖然唔食牛但朋友都叫我試一件 ,
咦 ! 牛柳不是全熟的而且又整得好好食 "唔錯" "唔錯"
天婦羅粉漿薄而脆口 "正" , 刺身呢都算 ok ,
燒魚皮脆肉滑平時唔食魚皮的我都清晒 ! 鰻魚蛋卷都整得不錯好味 ^^
當日真係好謝朋友陪我食咗個咁豐富又美味既午餐 ,
而且價錢相宜我諗暫時應該找不到別間 , 唔知朋友幾時再陪我食呢 ? ^3^
昨晚諗住入葵芳買東西然後再過荃灣晚飯 ,
可惜最終無收獲所以就去咗食飯喇 !
去荃灣晚飯緊係先問下住在那裡的同事有什麼好介紹先 ,
今次佢介紹了我食呢間印尼嘢仲推介了不少美食給我 ,
記憶之中我應該從未試過食印尼菜 ,
而該店舖是由印尼人開的加上同事又讚不錯 ,
咁一於就叫埋朋友一齊去試下啦 !
可能是平日的關係食客並不算多 , 咁我哋又可以坐得舒服一點 ^^
我的 " 青檸梳打 "
朋友的 " 咸檸檬雪碧 "
" 加多加多 (印尼沙律) " 我諗食印尼菜點都要試下呢個沙律 ,
第一次食感覺嗰醬汁調配得宜好好味 ,
連朋友之前食過別店的都話這店比較好食
" 燒魷魚 " 同事勁讚這個好食咁緊係要試下啦 !
老闆仲問我哋食唔食得辣然後便奉上一小碟印尼辣醬給我們 ,
原來印尼既辣醬都真係幾辣不過用來點魷魚都幾好食架 !
" 燒醬雞 (半隻) "
本應想試 " 椰汁雞 " 但朋友睇餐牌時見到這個話好想試 ,
咁今次就試這個燒雞下次先再試椰汁雞啦 !
燒醬雞要等約二十分鐘都無咩所謂既 (但最緊要好食 ^3^ )
碟雞上枱時已經香氣撲鼻 ,
吃第一口時有少少甜甜地我同朋友還以為佢哋加咗椰糖一齊煮 ,
細問之下原來個汁只是用咗特濃椰汁來煮的並沒有加椰糖 ,
隻雞燒得剛剛好每一個部位都好滑 " 超正 "
" 燒餅 " 亦是同事讚口不絕的
原先驚眼闊肚窄所以沒有 order , 但最後還是叫了來點燒雞汁 ,
燒餅又是即叫即整齋食燒餅已經好好味點汁食又是另一個不錯的選擇
這個不是餐牌之列只是想分享
之前我同朋友誤以為個燒雞是加咗椰糖一齊煮 ,
當燒餅送來時好客的老闆又奉上一小碟椰糖給我們試味 ,
一試之下不得了我深深愛上這個甜食的方法 ,
我有建議老闆不如加在餐牌上當甜品 ,
希望日後在餐牌上可以找到就好了 ^^
" 椰汁黑糯米 " 又是同事的好推介
果然幾好食黑糯米的甜度剛好又不會太甜可惜我哋既食法錯咗 ,
老闆教我哋應該一匙黑糯米再加少少椰汁一齊拌吃才夠香 ,
咁下次再來就試這個方法啦 !
我哋還有試 " 印尼千層糕 " 但忘了拍照添 !
這店的千層糕不會太甜加上我又鐘意呢款糕點所以覺得好食 ;
其實聽老闆講某些菜式都是心機菜要用好多工序先可整到出來 ,
真開心又比我遇到一間用心做菜的小店 ^^
今次食後感覺有如店名一樣回味無窮呀 !
昨晚同屋企人食生日飯有人話想食放題 ,
於是就諗住試呢間點知去到先發覺原來好耐之前曾經來過一次
呢個唔知叫咩野蝦 , 但做法似避風塘式都 ok 既 !
" 雞軟骨 " 這個都算不錯 ^^
" 火炙蟹棒 " + " 火炙和牛 "
蟹棒 ok 但我唔食牛所以唔知和牛是否都一樣 ok 呢 ?
" 安格斯西冷 "
雖然唔食牛但第一輪既安格斯都算幾靚仔 ,
可惜屋企人再叫第二輪時個牛是全熟的 ;
還有一款薄燒牛有屋企人讚勁好味但我忘了拍照 Sorry !
" 燒秋刀魚 "
媽咪既鐘意食魚所以要了這個 , 但她食完後話一般因魚肚位較苦
" 甜蛋壽司 " , " 煙鴨胸壽司 " , " 鰻魚壽司 "
原先大家都不是想叫壽司的可惜睇漏了眼 ^^
刺身 : 三文魚 , 希靈魚 , 鮑片 , 榮螺片
本應還有油甘魚的但來到時卻變了白色的不知名 ,
而且還多了甘蝦 ( 好彩有人食啫 ! ^3^ )
刺身都 ok 魚類夠厚身鮑片同螺都鮮甜爽口
" 軟殼蟹手卷 " 可惜佢不是我杯茶 >.<
招牌菜 " 羊扒串燒 "
不愧為招牌菜是全晚我覺得最好味的 " 超正 "
呢碟豬頸肉嗰醬勁辣 ( 如果怕辣的朋友別要試了 )
" 麻辣雞翼 " 又勁辣的一款
" 煎餃 " + " 芝麻雞翼 "
煎餃 ok 啦 ! 至於嗰雞翼見食評勁讚咁緊係要試下啦 !
又真係幾好食喎 !
" 魷魚鬚 " 都 ok 幾好味
" 燒冬菇 " 好味冬菇而且又不會被燒得乾乾的
多春魚是我細佬的至愛 ( 我只是借來拍拍照 ^3^ )
" 燒三文魚頭 " 媽咪話 ok 但再來的已不是這個樣子
" 煎餃子 " + " 炸腐皮鳳尾蝦 "
嗰腐皮鳳尾蝦我都幾鐘意 yummy ! yummy !
" 天婦羅蝦 " 都算不過不失
最後輪到雪糕放題喇 !
其實雪糕只得四款味道 : 芝麻雪糕 , 曲奇雪糕 , 朱古力雪糕 , 綠茶雪糕
原來這店的雪糕都幾好食個人較鐘意芝麻同曲奇味
食物種類選擇不多所以好吃的就只好叫多幾次 ,
論食物質數以價錢計是 ok 的
好多謝昨晚在 " 鼎泰豐 " 請食晚飯的人 ,
已經有一段時無去喇 !
這裡長年累月都有好多人排隊要搵食友陪都不是那麼容易 ,
今次仲要一行四人咁就可以試多 d 菜式啦 ! ^^
我的最愛 " 四喜烤夫 "
雖然之前食過袁伯伯做的烤夫後已經回不了過去 ,
但食上海菜的時候總是習慣了點這個
" 涼拌黑木耳 "
到食店用饍前我都會有一個習慣就係上網睇下食評有咩好介紹 ,
見到呢個涼拌好似幾好咁緊係要試下啦 !
這個涼拌都算不錯除了有爽口的黑木耳 ,
還有百合同杞子拌埋醋一齊吃又開胃又爽口 " 正 "
" 紹興醉雞 "
這個菜式亦是我喜愛之一 yummy ! yummy ! ^3^
" 雪菜毛豆百頁 "
這個我都愛味道都 ok 但點解咁少百頁既 T-T
" 絲瓜蝦仁小籠包 "
呢個係媽咪聽人講話好食所以就 order 來試 ,
雖然都算清甜不過個人還是覺得傳統的小籠包較好吃
" 排骨蛋炒飯 "
見食評不錯所以一試這個炒飯整體都 ok 既 ! ( 但一定要趁熱食 )
" 雞絲蝦仁春卷 "
呢個都係睇食評介紹而個人感覺超好食香脆的春卷皮包着豐富的餡料 ,
連其餘三人都讚口不絕 ^^ ( 真係 " 超正 " 架 ! )
" 香蔥拌麵 " 雖然簡單但都幾好味
" 什錦豆乾絲 "
" 菜肉包 "
我鐘意個包皮感覺薄而滑同酒樓食到的不同 ,
但如果下次再來我想試豆沙包
" 蝦肉煎餃 "
呢款又是不得不試的餃子底部煎得十分香脆 ,
蝦肉亦十分鮮甜而且每隻餃子裏都會有小小汁 ,
我雖然已經飽飽地但都食了兩隻 ^^
