聞名不如見臉@咖啡弄

23/01/2014 朋友生日又一齊放假去玩 ,

所謂去玩就係去飲飲食食同朋友一直都好想去食 " 咖啡弄 "

但見食評至少都要等兩 , 三小時要咁等法真係咩興趣都無晒 ! >.<

咁今次諗住平日咪早少少去睇下咩野環境如果唔對路就走人



好彩當日不用等一小時便可入座 " 正 " ^^


( 相片借用於朋友 M )


( 相片借用於朋友 M )

我試咗 " 冰滴咖啡 " 都 ok 既 !


( 相片借用於朋友 M )

朋友的 " 鮮果茶 "

嘩 ! 真係超好飲如果再有機會來我一定要試 " 冰鮮果茶 " ^3^



" 北極蝦吐司佐茴香葉 "

見佢寫每日數量限定咁緊係要試啦 ! 

又幾好食喎 ! 可能是即整的緣故所以多士十分之脆口加埋北極蝦茴香葉 " 正 "

伴碟的薯角 ok 沙律菜都夠新鮮 good ! good ! good !



" 玉米里肌起士可頌 "

呢個見有人推介咁就試吓啦 ! 可惜個牛角包唔多點 >.<



" 草莓冰淇淋鬆餅 "

我哋都係為咗呢個鬆餅而來的又真係幾 " 正 " ,

厚厚的鬆餅加埋個脆面已經是無敵只是略嫌欠蛋香味 ^3^

伴埋雪糕一齊食有講不出的幸褔

Nova

18/01/2014 呢間店新開時已經想試再加埋朋友的極力推介更加想試 ,

只是一直沒有抽時間去試今次咁啱有朋友邀約所以就一口應承了 ^^






" 鹹牛肉車打芝士意式三文治配自家製薯餅 , 田園沙律 "

朋友想食薯餅所以我又要破戒  ( 食牛肉 )

個包超脆鹹牛肉都 ok 既 ! 朋友期待的薯餅就淋咗 d



" 煙三文魚黑松露炒蛋牛角包 "

第一眼就睇仲咗佢可惜用包墊底始終都無咁鬆脆 ,

估唔到呢個都有薯餅架 ! 早知食第二餐咁就唔駛破戒啦 !



餐飲我要了 " Jasmine Tea " 佢地既中文譯名係 " 一見鐘情 "

杯飲品裡邊整到好似有一朵花更用茶既熱力來令佢開花 ,

整到咁靚係人見到都會鐘意啦 ! ^^



見甜品櫃中比較靚仔的一款 , 原來是木糠布甸都幾好食喎 !

甜品俸客前又會為甜品整色整水扮靚靚 ,

唔怪得朋友一直推介這店是一間有誠意既食店 ^^

突然想潮食@成發潮州菜館

17/01/2014 放工後同朋友落咗九龍城買糕粉 ,

朋友買完要買既野後就去醫肚 ,

原先我諗住去試 " 南記飯店 " 既打冷可惜找極都找不到該店 ,

行到又累又肚餓於是唯有放棄去了另一間潮菜館 ,

呢間之前好似有朋友帶過我來食的 ,

而且佢隔離還有我想試的甜品舖 " 小方糖 " 好一於呢間啦 !



要咗 " 滷水三拼 - 滷水鵝片 , 墨魚 , 紅腸 " 好耐無食鵝片嗱 !

這店的鵝片都算 ok



食打冷又怎少得我鐘意的 " 蠔餅 " 可惜這款蠔餅不是我杯茶 >.<

但都唔算差既 !



係南記見到有 " 蝦棗 , 蟹棗 " 已經想試 , 剛好呢間都有咁即管試下啦 !

第一次食都 ok 既 !



朋友好想食的 " 清心丸綠豆爽 "

其實我都好鐘意食清心丸但這店的糖水略嫌甜了點 ;

本應想試埋 " 小方糖 " 但一出門口就見到好大堆人係度等位 ,

朋友知我想試所以就問我想點但應該會有排等 ,

所以最後唯有決定下次先再試啦 ! T-T

下次仲要搵埋 " 南記飯店 " 一齊試 ^3^

一風堂/滿記甜品

04/01/2014 睇完戲同朋友係尖咀晚飯唔知食咩好 ,

朋友話想試 " 一風堂 " 咁就去啦 !  ( 我不用想了 ^^ )



今次試咗 " 雞湯豬骨拉麵 " 呢款拉麵都幾啱我口味 " 正 "



同朋友試咗 " 水牛城雞翼配乳酪汁 " 都 ok 既 !



第一次係一風堂食甜品試咗 " 抹茶杏仁豆腐布甸 "
-------------------------------------------------------------------------------------------------------------------------

09/01/2014 一個星期都唔夠又陪另一位朋友試一風堂 ^3^



朋友試咗 " 真髓魚介豚骨拉麵 "

這款麵之前試過一次但覺得味道不夠濃所以沒有 Encore !

朋友不但鐘意這個粗麵質而且仲覺得幾好味只是略嫌細了點 ,

真係咁好味 " 好 " 試一嗒先 ,

咦 ! 今次個湯底好似好過上次又幾 ok 喎 !



我當然繼續要 " 雞湯豬骨拉麵 " yummy ! yummy ! ^^



今次試咗 " 武士烤骨 "

嘩 ! 大大件的烤骨又香又美味 " 正 "  ( 其實有點似糖醋骨 )

食飽飽行咗一陣再去滿記食甜品已經有一段時間沒有去了



" 芒果 pancake " 大家都感覺無以前咁好食



朋友試新野 " 椰皇豆漿湯丸燉蛋白 "



我緊係試 " 椰皇栗子露燉蛋白 "

食完美味既栗子露燉蛋白仲有美味既椰子肉 ,

椰子肉整得十分淋身又易食可惜實在太飽只食了少許 ^^

老派變新派@南記春卷粉麵

04/01/2014 之前應承朋友同佢睇 " 風暴 " ,

但最終搞到套戲就落畫先約到在無咩院線可選擇下揀了 IFC ,

我哋睇三點幾緊係搵地方醫肚先 ,

其實今次我無咩頭緒好彩朋友話呢間既春卷幾好食 ,

既然你講得咁好食緊係要試下啦 !

我諗朋友真係有好一段時間沒有來過所以連門口都唔認得 ^^

又難怪朋友唔認得既因店舖是由舊式的粉麵店變身為新派的快餐店形式






我都幾鐘意這裡的裝修 , 驟眼睇真係唔似一間粉麵店



" 小窩春卷米線 + 牛肝菌餃子 "

他們湯底的酸辣度是有分大, 中, 小辣的 , 我當然要中辣啦 !

湯底好野味飲一嗒已經好鐘意酸辣既程度又好適中 " 正 "

朋友真係無介紹錯個春卷又幾好食喎 !

不得不提另加的牛肝菌餃子餃子包得像金元寶一樣又靚又飽滿 ,

吃的時候口腔都充滿了牛肝菌的香氣 yummy ! yummy !

這店的飲品都幾特別我要豆漿但原來豆漿是原味的 ,

如果想飲甜豆漿就要自行再加糖漿  ( 好似幾健康 ^.^ )



朋友的熱檸蜜亦是熱檸水一杯另附蜜糖一樽  ( 有趣 ! 有趣 ! ^^ )

我陪你睇戲,你陪我晚飯@釜山韓國餐廳

03/01/2014 朋友 L 係很早以前已經叫我同朋友 M 陪佢睇呢套戲 ,

算啦 ! 見你咁有誠意就陪下你睇啦 !

起初真係有點怕悶因為是韓片又沒有我想睇的人但睇落都唔錯喎 !

見到戲裡食韓國餐就想散場後去食韓國菜 ^3^



去睇戲前買點小吃填住肚先 , 我哋先去 Monsieur Chatte 買咗我好想試既 " Canele " ,

跟住又去咗 Le Salon De The de Joel Robuchon 買包包吃 ^^

睇完戲去醫肚我突然好想食韓國菜咁咪叫朋友陪番我囉 !



真喺好鐘意食韓國既前菜 , 食燒肉飲啤酒個人而言是一個不錯的配搭 ^3^



我哋要咗一個餐包括有 : 兩個五花腩 + 一個無骨牛肋骨肉

真係好朋友鐘意燒我就鐘意食 ^^



另外 order 了 " 韓國蔥餅 " 都幾好食吖 !






" 辣豆腐湯 "

就係為咗想要呢個湯搞到我哋諗咗好耐揀咩餐好 ,

撞鬼佢吖原來個湯可以轉架 ! ( 等我哋仲諗餐死 >.< )



" 石鍋什錦飯 "

食到呢個飯我已經是超飽

Le Salon Restaurant et Croissanterie

01/01/2014 新一年新開始之前同朋友都好想試呢間既法國菜 ,

好今次就試下佢既 lunch 先 ^.^






店舖不算大但環境都 ok 架 !



餐前麵包其實都 ok 既 ! ( 但好似鹹了點 )



頭盤我要了 " Crab Cake "

呢個 Crab Cake 都唔錯真材實料又好味 yummy ! yummy ! ^^



主菜我揀了 " Pan Fried Sea Bass "

平時唔多食魚皮的我今次都不能錯過因魚皮實在煎得十分香脆 ,

而魚肉都整得好滑加埋我喜愛的法國青豆 " 正 " ^3^

還有上枱時碟子仍是熱的這都能顯示出餐廳的水準是不錯的



甜品大家都揀了 " Chocolate Lingering Cake "

雖然不是話十分之好食但都 ok 既 !



最後我以咖啡作結

直得一讚的是咖啡奶是暖的用來載咖啡的器皿亦是暖的 ;

但至於服務方面基本上都算 ok 既只是某一位的男服務員態度比較差 ,

當初我以為只是個人的感覺而且原來連朋友都感覺到 ,

其實這店的另一賣點是不同口味的 Croissant 我還未試 ,

所以我應該會再來但朋友就因某服務員的態度而堅決不會再去 ,

希望下次不會有這樣不愉快的經歷吧 !

GASTROBOX

30/12/2013 自生日飯後都無約過呢位朋友出來飯聚 ,

咁見年尾就約佢出來食下飯傾下計 ,

今次晚飯揀來了尖沙咀的新餐廳 " GASTROBOX " ,

喺 openrice 見到裝修不錯但見食平話有待改進 ,

在沒有抱太大的期望下盡管一試 ;

原來這店的前身是 " Tomo Tomo "

年頭的元旦假期才約朋友在該店食過晚飯感覺不太好吃 >.<

希望新店會好小小啦 !



擺枱又真係幾靚既



藍色梳化椅靚但好睇唔好坐 >.<



盞水晶燈都好靚



雖然餐廳不算太大但裝修都算幾靚 ,

原來餐廳的傢俱部份是由英國進口的



飲品我同朋友都要了 " Long Island " 朋友讚呢杯 Cocktail 夠晒酒味 " 正 "



" 英式蘋果酒炸魚伴薯條 "

這是飲食雜誌推介的炸魚味道 ok 但不夠熱又唔夠脆口 ,

反而估唔到薯條都幾好食



主菜我地揀了 " 法式香草燒嫩羊仔鞍 "

個羊仔鞍夠厚身又整得剛剛好好食 yummy ! yummy ! ^3^



朋友的 Creme brulee

朋友佢話 ok 喎 ! 只是面的焦糖厚了點






我要了心太軟

個心太軟係整得好靚可惜好睇唔好食又唔流心嗰朱古力底更加唔得 T-T

我未試過食心太軟食了兩口就放棄了唯有食雪糕同伴碟的生果

講真一句既然放咗咁多心機落去裝修應該都想做好間餐廳架 !

試完今次真係感覺餐廳的食物一如網友咁講有待改進 ,

因為以價錢計水準應該會再好一點才對