24/12 原先朋友想約我 22 或 24 號晚飯的 ,
可惜我 22 號要去睇演唱會所以唯有約 24 號啦 !
問題就來喇 ! 臨急臨忙又要是平安夜的日子都唔知 book 邊度好 ,
原先有一間餐廳想試於是便打去問一問仲有無位 ,
答案當然係 full 咗啦 ! 在這個時候突然想起了 TheOne 的 " FULL/half " ,
第一時間打去 book 位好彩仲有位啫 !
雖然呢間餐廳唔算特別好食但都 ok 嘅 ! ( 最好就係易 book 位 ^^ )
由於要等朋友放工所以揀了第二輪時間 8:30pm ,
當晚緊係要食聖誕餐啦 ! 我同朋友分別揀了兩個唔同嘅餐
" 三文魚配芝麻菜 . 香草沙拉醬 "
" 菊苣青蘋果 . 蘋果酒沙拉醬 "
" 松露蘑菇湯 "
我都幾鐘意飲呢度嘅蘑菇湯因為有好多蘑菇茸 yummy ! yummy !
" 南瓜忌廉湯 "
" 蜂蜜 "
唔舒服唔飲得凍飲只好要杯熱蜂蜜潤下喉嚨先 ^^
" 菠蘿汁 "
哈 ! 哈 ! 飲品背後的藍色三角就是我送給朋友的聖誕禮物
" 香煎澳洲羊排 . 薄荷薯蓉 "
我唔食牛所以朋友都陪我唔揀牛 ,
羊架我哋要咗五成熟都 ok 呀 !
" 香煎澳洲鱸魚 . 炒四季豆 . 紅花忌廉汁 "
至於個鱸魚可能我之前在別的地方吃過更好吃的 ,
所以這個鱸魚就給比下去了 ( 魚肉煮得有少少嚡口唔多夠滑 )
" 朱古力慕斯 . 朱古力碎 . 楓蜜合核雪糕 "
個甜品一般啦 !
雖然我唔多舒服無食個雪糕 , 但睇個樣就唔多似係楓蜜合桃雪榚
當晚除咗大人請食晚飯仲有禮物收緊開心啦 ! ^^
本應朋友任我二揀一但我驚食唔晒隻 Panettone 所以無揀 ,
原來朋友都唔多好於是我就提議搵人收留佢 ,
咁我當然知邊個一定會要啦 ! ^3^
19/12 之前朋友見我喺 Landmark 影嘅聖誕燈飾好似幾有興趣 ,
而我自己亦好想再去一次 , 於是就請一日假同朋友去吃喝玩樂喇 !
早前喺網上見到有人推介位於利舞壹廣場嘅翠亨村的茶市優好似好吸引 ,
$148.00任點任食點心如果是星期一至星期四去嘆茶仲抵 ,
優惠時間由11:00am - 3:00pm價錢已包茶芥及加一服務費 ,
但星期五優惠時段只得11:00am - 12:30pm仲要無得免茶芥及加一服務費 ,
既然已經約咗星期五就無所謂啦 !
茶樓一開門無耐我哋就到環境都算不錯好清靜 ( 可能時間尚早啩 ! )
當日早上的食客雖然不多但我都已經一早訂咗位 ^^
" 椒鹽豆腐粒 "
第一道小吃已經有驚喜 , 可口脆薄嘅外層包著嫩滑嘅豆腐 " 超正 "
" 沙薑雞腳 , 陳醋拍青瓜 , 尖椒螺肉 "
明明只點螺肉點解會多咗兩款嘢嘅 ?
原來我同朋友都唔多好沙薑雞腳為咗唔想浪費最終每人都食咗一隻 ,
拍青瓜同螺肉都好食唔錯
" 香荽魚翅餃 , 筍尖蝦餃 "
估唔到魚翅餃外皮嘅摺口位會有少少脆口 , 又幾得意喎 !
蝦餃皮就中規中矩好彩啲蝦夠大隻又夠爽口彈牙
" 爵士奶皇飽 "
雖然我都鐘意食奶皇飽 , 但其實原意是想點另外一款包飽 ,
好彩個奶皇飽都唔係好大隻 , 而且個奶皇餡都算香滑
" 陳皮牛肉腸粉 "
呢個點心優惠嘅另一好處就是可以逐件點 , 咁樣就唔會浪費食物啦 !
雖然我唔食牛但朋友都可以點一條陳皮牛肉腸來自己嘆 !
" 韭黃鮮蝦腸粉 "
蝦腸就緊係一人一條啦 !
腸粉皮略嫌有點厚好彩啲蝦夠爽又大隻咁就加番少少分啦 ! ^3^
" 薑蔥牛肉角 "
呢款有牛我無試 , 但朋友就讚呢個點心好得
" 安蝦鹹水角 "
個鹹水角真係幾好食又唔會話好油
" 高湯牛肉球 "
朋友好鐘意食牛肉球但佢對呢個高湯牛肉球就好似麻麻地
" 北菇蒸燒賣 "
" 沙律明蝦角 "
見網上啲朋友話呢度嘅炸物好得好有水準 ,
所以所有炸物我哋都試晒 ,
而每一件炸物都整得好好食呢個明蝦角更加唔例外
" 紫薯豬仔飽 "
嗱 ! 嗱 ! 嗱 ! 嚟呢度嘆茶嘅另一原因就係為咗試呢隻咁可愛嘅豬仔飽 ,
朋友就嫌佢無咩味 ( 可能個紫薯餡唔係好甜啩 ! )
我都食到淡淡嘅紫薯味我自己就覺得 ok 喇 !
" 生磨合桃露 , 生磨杏仁茶 "
這裡的生磨合桃露不是我杯因為佢嘅質感夠濃 ,
杏仁茶我無試所以唔知怎樣
" 滷水牛腱 "
呢個好明顯都是朋友點來試的
" 順德魚皮餃 "
" 錦鹵脆雲吞 "
哈 ! 哈 ! 哈 ! 又到了超水準嘅炸物出場喇 ! yummy ! yummy ! ^3^
" 馬豆糕 "
點解好似食緊大菜糕咁嘅 >.<
" 杏仁豆腐 " 呢個都係朋架 ! ( 我無試過 ^^ )
" 椒鹽雞中翼 "
好彩朋友最後有點呢個雞翼皮脆肉嫩又香口又好食
" 砵仔糕 , 椰茸糯米糍 " 呢兩款甜品都好硬
其實總括而言 : 點心 ok , 炸物水準高 , 甜品就完全唔得 ;
但如果仲有機會都想食多一次 ^^
食飽飽緊係過 Landmark 影燈飾啦 !
雖然是星期五的下午但都比星期六較少人 ,
所以可以影番上次影唔到的角度
咦 ! 朋友又帶埋佢嘅小可愛出來影相呀 !
今次終於影到架地鐵駛出來喇 !
朋友影到咁上下就話想坐低飲杯嘢咁我哋就去咗
" Le Salon De The de Joel Robuchon "
凍飲 " Sunrise "
( Freshly squeezed orange juice with homemade strawberry sorbet
and mixed berries )
影到熱熱哋即時整番杯凍飲先 ,
咦 ! 杯凍飲又幾好飲喎 !
" Croissant " 來這店朋友 L 是必食的 item
" Lemon Tart "
這店的檸檬撻當然好食啦 !
" Abricotine "
朋友揀的酸酸甜甜都唔錯喎 !
" Cappuccino Cake "
我至愛的咖啡類蛋糕緊係勁鐘意啦 ! yummy ! yummy ! ^^
從高處影下去原來是咁的
我食飽飽又獨自一人去拍照 ,
今次仲影到聖誕老人從鐘樓爬下來 ,
然後再爬番入鐘樓都幾得意吖 ! ^^
咁樣就玩咗一日喇 ! ( 不過開心嘅 ! ^3^ )
