我記得曾經有朋友問過 : 現在通訊科技那麼發達人既闗究竟係近咗定遠咗 ?
這個答案其實是無從稽考的我覺得是視乎觀點與角度的問題 ,
例如當我不太想同某人溝通但又必要溝通時傳短訊就是一個最好的方法 ,
同時亦可在社交網站尋回失去聯絡已久的朋友 ,
今次就是一個好例子估唔到一個錯唔就找回一個失去聯絡的朋友 ;
趁著朋友從美國回來我們還相約出來飯聚
我記得朋友是食素的所以就揀了一間我想試好耐的 " 樂農 "
這是香港第一家社會企業素食餐廳 , 亦知餐廳騁用了不少聽障人士 ,
有聽障的員工會穿上綠色制服大家亦可用簡單的手語同員工溝通 ,
可惜我不懂手語所以 order 時只有向他們微笑 , 同時他們亦會報以微笑 ^.^
" 流沙餃湯餃 "
個餡應該是蕃茄加薯仔茸造出少少的流沙效果都幾特別 ,
鐘唔鐘意食就見仁見智 , 我自己就覺得 ok 嗱 !
" 糖醋素脆片 "
味道都 ok 既只是略嫌唔夠脆口
" 阿荗整餅 " 其實是荔茸餅亦是我食素的至愛加埋酸汁 " 好吃 "
" 原籠松草花淮山雜菌糙米飯 " 呢個飯真係健康有益 " 正 "
" 樂農紅豆糕 , 樂農芝麻糕 , 夠薑蕃薯糕 "
薑汁蕃薯糕都是第一次食感覺幾特別 ,
最正就是芝麻糕香濃的芝麻味充滿了整個口腔 ^3^
" 生磨合桃露 "
餐廳另一特色是標榜菜式以家庭素食為主 ,
堅持不加味精 , 也不會賣弄花巧 ,
所以大家想食得健康一點開心一點不妨到來一試 ,
如果有機會都想再來支持這間社企素食餐廳 ^^
星期六原本無約諗住放工後便回家 ,
但早餐時朋友話要出尖沙咀換野我第一時間又話要一齊去 ,
我地諗住去 Eric Kayser 買麵包所以順便喺隔離餐廳食番個 lunch 先 ,
當日 lunch 時間人流並不算多
先來一籃美味的麵包 " 黑橄欖包 + 蕃茄乾包 "
兩款包都好食橄欖包鹹鹹香香好吃 ,
蕃茄乾包成了我的至愛 yummy ! yummy ! ^^
" 尼斯沙律 "
喺餐牌見到呢款沙律有雞蛋我立即 order 了唔錯沙律菜夠新鮮
店員姐姐好好人見我哋清咗籃包立即問要唔要多一籃 ,
咁美味既麵包緊係要啦 ! Thx !
今次有 " 無花果包 + 法包 + 農夫包 " 還有一款唔係好知添 !
" 燒焗法國春雞配炒紅椰菜伴燒肉汁 "
嫩滑的春雞加埋醃製過的紅椰菜真係好好食又開胃 " 正 "
" Eric Kayser Tarts "
食飽飽當然要消化下啦 ! 於是就周圍逛嗱 !
咦 ! 檔車仔檔咁靚既唔買野都要拍下照啦 ! ^3^
路經 city'super 同朋友見到咁型仔既套裝 , 立即問店員可否拍照 ,
就算唔買都影番張相留下念吖 ! ^^
這樣無無聊聊就過了一個開心愉快的下午
我買了 " 香蔥白切雞味麵包 + 蕃茄乾麵包 " 成了我星期日的午餐 ,
香蔥白切雞包是為香港而設的我欣賞麵包師既心思無論點都要試一試 ^^
蕃茄乾包我超鐘意 , 但香蔥白切雞包試過便算 ;
差點忘記朋友給我試的 " 蕯爾瓦多咖啡 " , 一開袋咖啡的香氣立即飄滿屋 "好飲"
早前有朋友問我同另一朋友知唔知喺我地工作附近有新食店 ,
喔 ! 又真係唔係好知喎 !
因平日 lunch 時間太趕所以來來去去都是嗰兩 , 三間 ,
於是有一日朋友就約了我地去試新野 ,
這座大廈是新的連地面全部商店還在裝修中 ,
暫時只有食店開始營業第一次我地試了 " 喜記 "
" 南乳豬手 " 都算 ok 既 !
" 燒味雙拼 - 燒腩仔 + 叉燒 "
因有朋友進行緊食肉減肥法所以我地點了這個 ,
叉燒 ok 但燒腩仔一見個樣都知唔多掂—食就出事啦 !
差唔多要成舊水的燒味大家都覺得唔直 T-T
" 蝦籽撈麵 "
吃第一口時已經同朋友講好掛住 " 灑家 " ,
因價錢不是差好遠但食物質數就好好多 ,
可能店員路過時聽到我地批評啩 !
我地走人時店員就問我地對食物有咩意見 ,
既然你問得我地亦如實相告 ,
朋友都講得啱既食物質數確實與價錢不符 ,
但如果要計埋舖租在内就無話可説了 ;
在喜記對面還有一間 cafe 上次路過時朋友被那小露台吸引住 ,
但當時朋友要戒澱粉質所以無試到 ,
今天又與朋友 M 一齊 lunch 在大家都唔知食咩野的情況下 ,
我建議不如去試試 " Pink Coffee "
" 芝士火腿牛角包+是日咖啡 " , " 煙鴨胸蜜桃三文治+泡沫咖啡 "
其實經過上次—役後實在沒有抱太大的期望 ,
果然不出所料食物價錢拍得住 Starbucks 但食物質數就無人地咁好 ,
唯一在這裡還可以阿Q精神一點 " 用金錢來買空間 " 其實真的沒有講錯 ,
在這室外小露台用餐可暫時忘卻工作既煩惱又可令人心情輕鬆 d 開心 d ^.^
其實未有生日豬之前已經好想試呢個乳豬 ,
但可惜好難找咁多人一齊食所以唯有一直等 ,
終於有機會嗱 ! 近期這間酒家力推 "生日豬 " ,
媽媽見到廣告就立即話想試剛好屋企有人生日咁一於去試啦 !
期待而久的 " 蝦禾米乳香豬 " 由於屋企人唔想太誇張 ,
所以訂豬時無講明要 "生日豬 " , 乳豬都 ok 好食唔會好肥膩 ,
但個飯略嫌硬了點這不只是我一個人的意見屋企人都是這樣覺得 ,
其實之前有朋友食過好似都有同樣的問題 ,
但亦有同事同屋企人食過話個飯好食過隻豬 ,
我諗大家真係要碰碰運氣 ^^
" 豬肺頂蝴蝶腩燉菜膽湯 " 老實講真係無咩味 -.-
" 海蜇一刀扎 " 呢碟不消一會便清晒 !
" 香煎蓮藕餅 " 好食可能我鐘意食啩 ! 所以我一個人食了兩件 ^.^
" 四川鮮蝦仁 "
" 豉汁帶子蒸豆腐 " 雖然簡單但好吃 ^^
總括而言這酒家的菜式中規中矩價錢亦唔算好貴
" 日式梳乎厘芝士蛋糕 " 雖然大家都已經食到好飽飽 ,
但最終大人小朋友都可以食到一件正常 size 既蛋糕 ,
咁就証明佢有幾受歡迎啦 ! ( 有機會我還想試埋濃味那個 ^^ )
