食友的開年飯@王子飯店

之前都有少少心動想試呢間米蓮年飯店 ,

剛好過年前見到該飯店在 YAHOO 做團購 ,

於是就約埋朋友一齊去試菜 ,

新一年新開始今餐就當是開年飯啦 !

" 四人富貴鴻盤晚宴 "



" 鴻運一品盤菜 " 熱辣辣的盤菜用料真係好豐富又好味 ,

有朋友說笑加個白飯就飽晒啦 !  ( 呢個盤菜我鐘意呀 ! )



" 花旗參燉竹絲雞 " 飲落口甘甘香香 OK 喎 !



" 碧綠蠔皇六頭鮮鮑魚扣柚皮 " 團購時介紹鮑魚是經過 8 小時燜煮的 ,

真係要好好品嚐一下



" 瑤柱靈芝扒時蔬 " 食中菜又怎能缺少蔬菜呢 ?



" 上湯鮮蝦雲吞 " 蝦肉很爽口 , 食完雲吞試下個上湯先 ,

估唔到又真係幾好飲



" 招牌生炒腊味糯米飯 " 不太好糯米飯的我都覺得呢個飯好好食 ,

但好可惜我已經實在太飽了 , 所以最後還是沒能力清晒佢 >.<

不過如果有機會我會帶媽媽來試 , 因她都很喜歡吃糯米飯的



" 王子美點 - 笑口棗 " 大家都覺得個心炸得唔夠透  ( 如果是合桃酥就好了 )



本應是紅豆沙的 , 但店員通知改了紫米露 , 嗰甜品唔算好甜都幾好味



同場加影 : 之前同朋友去朱古力展時買的 ,

今次咁開心飯聚所以就提議朋友不如帶出來一齊分享 ,

當零食都可以既但朱古力味就唔係好夠 >.<

餐廳的環境同食物的質數都算不錯 ,

朋友都好喜歡這裡因環境不算太嘈雜 ,

如果三五知己食下飯傾下計都是一個不錯的選擇 ^.^

尚膳潮州酒家

年初八是整個新年假的最後一天假期 ,

朋友為了派利是給我所以便相約一齊晚飯 ,

上次朋友提議過食呢間潮州酒家 ,

可惜他的老公是不喜歡食潮州菜的 ,

所以上次就去了別的食店 ,

今次只得我同朋友 2 人於是我就揀了這裡



我本身並不太喜好鹹酸菜 , 但呢碟鹹酸菜味道適中令我食到停唔到口添 !



" 鹵水三拼 - 鵝片 , 墨魚 , 大腸 " 墊底的還有鹵水豆腐呢個都算不錯幾好食



" 欖菜肉碎炒飯 " 雖然我不是潮州人 , 但我真係好鐘意欖菜的鹹香味



" 金銀蛋時菜煲 " 呢個清清地都好味呀 !



" 青欖嚮螺燉雞腳湯 " 呢個湯好清清甜 "正"

本應想試食甜品的但已經實在太飽了 ,

唯有下次有機會再試啦 !

繼續日本菜@Miso

年初五本應朋友約了睇戲及後又通知我已經落畫 ,

於是我就建議改為晚餐 , 朋友在中環那邊工作 ,

所以比較喜歡在那裡用膳 , 今次朋友揀了 " Miso "



朋友極力推介的 " 虹彩卷 " 嘩 ! 真係好靚又好食 ,

朋友話佢每次來這裡都是必吃的 , 壽司的色彩實在太奪目 ,

就連隔離位的食客都問我這是什麼 , 於是他們都 order 了一客 ^^



" 日式脆炸雞 " ok 不過不失啦 !



" 日式海鮮燉蛋 " 呢個好 "正" 呀 !



" 香滑奶凍 . 綠茶忌廉汁 + 芝麻雪糕 "   ( 本應是紅豆雪糕的可惜當天沒有 )

及後問侍應哥哥改邊款雪糕好 , 於是他就建議芝麻雪糕啦 !

顏色既陪襯都 ok 喎 ! 呢個甜品我好鐘意希望下次有紅豆雪糕啦 !





 

蛇年第一爐

今年好似好勤力竟然喺新年期間開爐 ,

事緣是之前應承咗教人整曲奇 ,

所以趁情人節前夕就開了今年的第一爐 ^^









朋友 M 你送的新模我已經用了 ^.^



一日焗唔晒所以唯有年初六繼續開爐 , 剛好夜晚約咗朋友晚飯 ,

所以順便作埋拌手禮之用 ^^





 

過年的第一餐晚餐@一杯鐵板燒居酒屋

平時比較喜歡睇外語片多一些 ,

但每到過年都有一個慣性就是會約某位朋友睇賀歲片 ,

因為可以笑下輕鬆一下個人都會開心 d  ;

但朋友年初一要入完西貢拜年先可同我會合 ,

朋友話去觀塘會比較方便些 ,

所以最終就去了 APM 未睇戲先去醫肚 ,

新年的第一餐晚餐當然想食好 d ,

竟然同朋友不謀而合地想食 "一杯" 咁就去啦 ! ^^



先來一客新鮮的 " 壽司盛合 - (六件) "



" 大蝦關西燒 "  都幾好味底部有雞蛋 , 中間包咗好多菜仲有大蝦添 ,

面層是粉漿



" 鐵板燒銀鱈魚 " 都算不錯



今年就揀了這套戲都幾好笑既