為了搞這個小型的 X'mas Party 早在一個月前已經開始約人
,
而且還問朋友借出她的居所來搞這個 gathering ,
咁當然要特別多謝屋主除咗借屋 , 又要為我地準備晚餐 (真係辛苦晒 !
)
先來豐富的 brunch , yummy ! yummy ! (
屋主還一早為我地預備了好多包包 )
食飽飽後有的玩跳舞 ,
有的去遊車河 , 有的在聊天真的很開心 ....................
不經不覺又要開始預備晚餐了 , 這個責任全交給屋主
,
當然我地都會從旁協助啦 !
朋友整的 "檸檬雞翼" 又幾好味喎 ! (要向朋友偷師先得)
"虎蝦白汁蘑菇意粉" 呢個意粉都整得好好味 yummy ! yummy !
(有少少好食到唔停得口 )
" 白酒籃青口" 一個不留神就給另一朋友加了半枝白酒 ,
不知是酒加得多定係唔啱時候 , 好似欠了一點鮮味 ;
但當籃青口上枱時朋友們就立即圍攻 , 好快大家就清咗 1.4kg 嗱 !
屋主喜愛的 "鹹豬手"
由於屋主的大頭蝦所以今次晚餐有好多雜菌食呀 ! ( 剩焗雜菌都焗咗 4 盤 )
大家實在太開心差少少忘記呢 2 款剌身添
! 雖然大家都已經話好飽 ,
但三文魚不消一會又清晒啦
! 而八爪魚都只是剩番數片
(原來大家的食量都是好驚人的 ^.^)
輪到甜品時間啦
!
最後當然少不了抽獎時間啦 !
當日大家都盡興而歸真開心
朋友們多謝你們的參與 ,
還有屋主為我地預備了美味的晚餐 ^^
臨近開 Party 的星期六放工後便立即約朋友去買食物
,
原先諗住先落灣仔買整蛋糕的材料 ,
但去到那裡整間店舖都塞滿了顧客 ,
後來發現要買的材料沒有貨 ,
當然立即鬆人啦 !
在去銅鑼灣的途上不停張望有什麼食店可醫肚 ,
最終我地選擇了 "百伏棧台灣小吃"
"滷水雞翼肉燥飯"
"涼拌大豆" 下午茶餐另 $8.00
就有一款小食都幾好吖 ! ^.^
另一茶餐的小食 "七味豆腐丁"
"士林炸雞排" 都幾好味喎 !
可能我較喜愛香口的食物 ^^
這間食店的食物都算不過不失 ,
但平時會較少係灣仔逛街的 ,
所以唯有有緣再見啦 ! 食飽飽就開始作戰了 ,
在不知不覺中已經買咗好多野 ,
最終搞到要搭伸手牌走人 ,
先去朋友的屋企放下 25 號所需的部份 Party Food
還有其他 ham 沒有拍照 , 買完野整個人都已經有點累 ,
星期日還要開始預備整蛋糕
.....................
剛剛在12月頭進駐海港城的一間法國百年老店 "Laduree"
,
有朋友在開張當日已到訪過仲請了 2 隻 macaron 給我吃 (多謝你呀 ! ) ,
果然名不虛傳真係好好食 , 餡料做得相當出色每款的味道都恰到好處 ,
而且還食到微細的杏仁粒 ,
一間咁出色既甜品店又點可以唔去朝聖呢 ? ^.^
靚靚的窗廚真係好吸引呀 !
幸好當日的人龍並不算太長
朋友的屋企人多所以可以買大盒 ,
而我家只得兩個人又點可能買咁大盒呢 ?
所以只好問朋友借來拍拍照便算
這是香港店的 macaron 款式 ,
但竟然俾朋友發現日本的款式好似比較多一些
拍照時已經聞到好香 ^^
Coffee ,
Santo-Domingo Chocolate , Praline , Salted Caramel ,
Chocolate ,
Hazelnut Marsbmallow , Santo-Domingo Chocolate , Raspberry
遲些再試埋別的味道
^.^
星期六放工後又是同朋友去街街及搵食的時候 ,
先出尖沙咀朝聖然後便去 lunch
,
今次午餐的地點我揀了一直都好試既 "點一龍"
盡管食評只是一般都試一試佢啦 !
食店環境不錯 , 這店還有點心放題 ,
但我地只抱着嚐試的心態 ,
所以最終揀了散叫
"點一龍鮑魚雞粒酥"
這是我想試這食店的原因之一 ,
看圖片時真的好吸引好想食 , 但原來並非想像中咁好食只是一般 >.<
"晶瑩鮮蝦餃"
雖然有蝦味但嗰皮就有少少硬
"脆網皮海皇鮮腸粉" 呢碟腸粉十分之油
,
可能是腸粉皮下層的脆網 , 脆網有點似 "響鈴" 食落都既脆口 ,
但點解呢個腸粉既蝦粒是完全無味的
>.<
"雪影芋蓉飽" 呢個都 ok 既
,
食完呢度既點心突然好掛住 "彩晶軒" 既點心添 !
食飽飽就轉場去咗 Pacific Place 繼續逛街街
^.^
上次漏影今次補影 , 原來星期六既 Pacific
Place 都是好多人的
逛完街做完要做既野跟住就是晚飯時候 ,
左諗右諗最終去咗 Great Food
Court
"Linguine alla
Vongole" 意粉都算 ok !
"Margherita" 呢個真的不直一提 , 早知去飯堂好過
>.<
