最後衝刺@望月月餅

昨日下午係 fb 見到望月有新的 "焦糖果仁月餅" 剛出爐 ,

而我前日買的已經清晒 , 所以急不及待想試新鮮出爐的月餅 ,

就係咁又飛咗去買啦 ! ^.^



昨晚回家後第一時間就同媽媽分享了半個 , 新鮮出爐的真的很不錯 ,

連橫切面都靚仔過人 , 味道更加不用講 "超正"



呢隻又係咩東東 ???



佢就係香噴噴的 "黑松露果仁月餅" 嗱 !

拍照時已經聞到好香的黑松露味 ,

當入口時的滿足感實在難以形容 ,

整個口腔都充滿了黑松露和果仁的香味 ,

我終於試齊4款月餅了 , 真的各有特色今年是最滿足的一年 ^.^



今日 lunch 我亦作了最後的衝刺 , 朋友見我買得咁開心 ,

而且佢又想新鮮出爐的月餅 , 所以終於忍不住買了一袋回家 ,

我仲要俾人話係魔鬼添 ! 朋友你發現得遲咗啦 !


 

一追再追@望月月餅

之前所 Post 的奶黃月餅都是新嚐試 ,

當我食了第一口 "望月" 的奶黃月餅後 ,

就立即有上網再訂購的衝動 , 可惜奶黃月餅已經售罄 >.<

但我死心不息過了幾日後又再上網睇下有沒有得訂購 ,

怎料他們番出了之前售罄的月餅

"黑露果仁月餅" 及 "松露黑毛豬火腿果仁月餅"

咦 ! 又幾特別喎 ! 於是又找朋友試新野 ^.^



"黑松露果仁" 及 "松露黑毛豬火腿果仁" (一盒四件)

我都係第一次食黑松露月餅咋 ! 大家無眼花 ,

我亦無打錯野 , 因我同朋友只各要了一款然後對分 ,

所以呢個只是其中的一個月餅盒



及後得悉該店每日都會加推少量 "月餅褔袋" ,

咁緊係唔可以錯過啦 ! 剩係奶黃我都買了 4 袋來送禮 ,

當然要留番一袋自己嘆啦 ! 差少少就無得試 "焦糖果仁月餅"

幸好得到店員姐姐的幫忙 , 多謝妳呀 !



就係咁今年可以一次過試齊呢間餅店既出品 ^.^

每款都各有特色我全部都好鐘意



"松露黑毛豬火腿果仁月餅" 食到淡淡的松露及黑毛豬火腿香味 ,

再加埋脆脆的果仁 "正"



"焦糖果仁月餅" 呢個焦糖不會太甜再加埋大大粒的香脆果仁 "正"

連我媽媽都好鐘意食 , 現在只剩 "黑松露果仁月餅" 未試 ,

希望今晚可以試埋佢啦 !

最後一輪奶黃月餅@朗廷

星期二放工後約了朋友去朗廷取奶黃月餅 ,

無錯又係奶黃月餅 , 其實今次訂朗廷都是因為朋友的緣故 ,

事原朋友是一心一意想訂 "嘉麟樓" 的 ,

但今年實在太誇張了我自問沒有那個本事可以幫他找到 ,

最後朋友因為要交差 , 所以我就幫佢 search 睇下邊間口碑好 ,

而且仲有券可買的地方 , 之後我就叫朋友試呢間 ,

我仲成功屈埋佢請我食添 ! 好嘢又可以試埋 yeah ! ^.^

Al Bistro Mediterranean Restaurant & Bar

昨晚相約朋友去取奶黃月餅之後便去晚餐了 ,

晚飯的地點通常都是由我決定 ,

首先我會問朋友想食什麼 ? 朋友就答不如食西餐吖 !

喺尖沙咀區我會首選呢間 , 因氣氛 , 環境 ,

食物質數以及價錢都是 OK 的 ^.^

昨晚我哋只 order 了 2 個 set dinner



"餐前麵包" 麵包條終於回復番我想要的質感 "正"



頭盤 "巴瑪火腿蕃茄水牛芝沙律"

原來呢個沙律加埋巴瑪火腿是咁好食的 "正"



另一頭盤 "意式火腿啤梨火箭菜沙律" 呢個菜沙律都不錯



無睇到餐湯係咩添 >.< 但就飲到好濃的粟米蓉



我揀了 "智利海鱸柳伴鮮蜆香橙汁" 我唔鐘意嗰汁 ,

但魚柳就煎到外脆內軟 , 我真係覺得 "超正"



朋友則 order 了 "波士頓龍蝦羅勒葉扁意粉" 呢個都幾好味 ^.^



餐甜品 "Banana Crumble" 呢個甜品我都係第一次食 , 都幾好食喎 !

係晚飯中途突然覺得好凍 , 本應想要求店員把空調較細少少 ,

但原來空調較得太細某些機位會滴水的 ,

幸好該店早已預備了披肩可供給客人借用 ^.^

中秋節晚飯

其實每一個的中國節日屋企為了齊人食飯都好少會正日食飯 ,

所以昨晚就提去了弟弟屋企一齊食中秋節晚飯啦 !



多謝屋企人準備了豐富的晚餐 , yummy ! yummy ! ^.^



雖然晚飯已經食得飽飽的 , 但為了應節大家都一齊食了少少月餅 ,

這個是 "鴻福堂" 今年月餅的新產品 - 楊枝甘露冰月盛宴 ,

朋友買了一盒 (4個) 分了 2 個給我 (多謝朋友的分享^.^) ,

昨晚試了一個感覺似食果凍






最後還焗了 2 個奶黃月餅一齊食 (前者是半島 , 後者是文華)






 

第二輪奶黃月餅@文華餅店

今次的奶黃月餅是朋友送贈的 , 在此再一次多謝朋友 ,

我未試過一年食 3 盒奶黃月餅 , 過完節之後真係要努力減肥 >.<

但亦都好開心一次過試到唔同品牌的奶黃月餅 ,

希望能夠從中揀到想要的奶黃月餅味道 ^.^

 

久違了的Cafe@Cafe Landmark

星期六中午放工後約了朋友去文華攞奶黃月餅 ,

咁攞完餅就緊係要去食 lunch 啦 !

之前都同朋友上網搜尋有咩好食 ,

找呀 ! 找呀 ! 本應我想去 "蛇竇" 因為新開之後都無去過 ,

以前喺中環返工 lunch 有時都會同同事去飲奶茶食菠蘿包 ,

這店的菠蘿包給我留下深刻的印象 ,

可惜朋友原來都有去過此餐廳 , 而且感覺不好所以今次就無去 ,

無所謂啦 ! 遲少少再找其他朋友去試 ,

朋友話想食意粉最後我地揀了 "Cafe Landmark" ,

之前同另一位朋友來過一次晚餐 , 但裝修後都是第一次 go ! go ! go !


 

先來一客香噴噴的餐前麵包 , 拍照時已經聞到好香但我沒有食到 ,

朋友則讚好食 ^.^

 

 

這 cafe 的招牌菜 "龍蝦意大利幼麵" 喺網上見好多人都讚 ,
 

咁緊係要試下啦 ! 又真係幾好食喎 ! yummy ! yummy !
 

 

飲品只簡簡單單的要了 House Blend

 

 

 

 

 

頭輪奶黃月餅@望月

由幾年前已經開始靜悄悄地愛上了奶黃月餅 ,

而近年不論是酒店 , 酒樓以及各大餅店都相繼推出 ,

今年某酒店的奶黃月餅訂購潮更加有點嚇人 ,

於是我唯有訂購其他口碑較好的品牌 ,

原本已經訂了 "唐閣" 的奶黃月餅 ,

及後從飲食雜誌上發現了此餅店 ,

喺心思思的情況下就一於試埋佢啦 !

新大廚@Grand Central Bar & Grill

昨晚放工後約了朋友食晚飯和睇戲 ,

現在睇戲和晚飯都較喜歡去 Elements ^.^

無錯我又推介飯堂俾朋友試 ,

從網上得知 8 月份來了一位新大廚 ,

而且睇過 Meun 好似有少少菜式轉咗 ,

咁就緊係要去試吓啦 !



新菜式 "Atlantic cod fillet" - ( Baked in spiced crumbs,
served with mango & raisin confit and wild rice )

嗰飯有少少似食海南雞飯既油飯咁又幾特別喎 ! (我覺得好食呀 !  )

鱈魚都 ok 好食



新菜式 "Sauteed field mushrooms" 呢個較之前嗰個好食 ,

但就鹹了少許最後唯有用 wild rice 伴着一齊吃 ^.^



舊菜式 "Three cheese macaroni" 喜歡芝士的朋友別錯過 ,

呢個 "勁" 好食



"GC Punch" 食完晚飯要去睇戲 , 所以唔想飲有酒精既飲品 ,

呢個就變了我的首選 , 不過好似同之前飲開有 d 唔同 ,

我覺得之前好飲 d



怎少得招牌甜品 "Legendary hot chocolate lava cake"



飯晚後就同朋友去睇了這套戲 , 但給開頭的喪屍場面嚇親 ,

套戲 ok 既只是個人不喜歡睇驚嚇場面啫 !

Niji Bistor, Noritake - Gifts

已經有一段時間沒有到此餐廳晚餐啦 !

昨晚放工後先同朋友去辦點事 ,

然後就去醫肚 (本應想去食蛋飯 ^.^)

但到了餐廳後發現有幾款 dinner set 好似幾吸引喎 !

於是我地就放棄了蛋包飯要了一個 "精選二人晚餐"





"田園沙律伴niji七色沙律醬" 沙律菜夠新鮮 ,

我都係第一次食沙律用咁多款醬 ,

但每一款沙律醬都好好味唔錯



"燒南瓜忌廉湯" 呢個湯我鐘意好好飲 ^.^



"燒美國牛肋扒, 燒美國黑豚柳, 燒雞扒, 火燙北海道帶子,
燒大蝦配照燒汁及青芥末忌廉醬"

呢個咁震撼既雜扒餐只有帶子同黑豚柳好食 ,

牛肋扒是無味的要加燒汁至 ok , 而其他的則較一般 ,

下次都係食番蛋包飯算



食飽飽嘆番杯咖啡先



"niji 甜品拼盤" 奶凍本應都 ok 既 ,

但佢底部有葡萄又有飯 (怪怪的 >.<)

所以我只食了面層 , 相對綠茶蛋糕好食得多 ^.^

朋友期侍已久的晚飯@大中華飯店

話說有一位朋友隔一段時間就會問

幾時會陪佢去食 "大中華飯店" ,

加上電視的飲食節目亦做過無數次 ,

每做一次佢都會提我一次 ^.^

搞到我有少少唔好意思添 !  好終於提起心肝約飯腳 ,

上星期六訂枱原先想訂今晚但已經 full 咗 !

明晚又係 full 咗 !

吓 ! 唔係咁呀 ! (內心說話^.^) 後來店員建議星期一 ,

於是我就立即致電給朋友 , 幸好她們都 ok 咁就星期一啦 !

雖然是星期一但原來都有好多食客 , 晚飯是分兩個時段的 ,

網上寫第一個時段 6:30pm - 8:30pm ,

但打電話訂位時店員說 "八點鐘要交枱" ,

咁我就問店員你地網上寫 8:30pm 架 ?

佢既解釋係執唔切枱 (算啦都 ok 既) ,

但到朋友攞枱時店員就要求 7:45pm 交枱  (吓 ! 越交越早 T-T)

我地準時 6:30pm 就到達 , 那時只得我地一枱人 ,

及後七點鐘已經坐滿了一室的食客



這店的招牌菜 "黑椒鐵板豬手" 我見差不多每枱都有一隻 ,

呢個真係好野味好好食連朋友都讚 "正"



朋友的 order "胡椒勝瓜浸魚鰾" 我只食勝瓜好味 ^.^



"酥炸大腸"



"椒鹽鮮魷"



"蠔餅" 呢個其實都係我既至愛 , 每次去潮州食店都會 order ,

開頭我唔明點解會食到有微酸 (不是食物變壞的酸味) ,

後來朋友話食到有果皮味 , 而果皮是會帶酸的 ,

哦 ! 終於明白咁呢款蠔餅就不是我杯茶 >.<

不知是我比較怕熱 , 定係這店的空調不足 ,

我只知整頓晚飯我同某一位朋友不停咁喺度冒汗 ,

所以食完晚飯我地已經急不及待的撤離 (不用 7:45pm >w<)

我諗天氣熱的時候都唔會再去 , 

朋友你想試別的食物要等天氣轉涼時先再陪你了