暴風雨下的約會@Misocool

昨日的颱風來得快去得快 , 

原本真的好希望今日不用上班 ;

昨晚約了一班由追韓星而認識的朋友晚飯 ,

雖然明知是打緊風 , 但都沒有取消約會 ,

因今次的飯聚已經約了好耐 ,

而且都算較齊人 ,

最後因怕風雨所以只是改了晚飯的地點 ,

我地去了 K11 的 "Misocool" 日式餐廳



"Coolcolor Yogurt" 去到餐廳見尚未齊人 ,

所以就叫咗個 yogurt 食住等 ^.^



食完甜品都仲未齊人 , 我地就開始叫小食啦 !

呢碟 "蟹子露筍" 一來到時 , 即時引起嘩然 ,

因份量真的很細小



"野菜沙律"



"牛油果軟殼蟹卷" 呢個都幾好食



"香芒大蝦卷" 好食 ^.^



呢個應該係 "炸雞搥" 味道一般而且較油 >.<






"北海道帶子啜啜麵" 呢個我無食到



"辣地獄湯豬軟骨啜啜麵"

都唔辣既不過都唔差



"炸魚柳日式咖喱飯" 這個不是太好吃



"日式糖心蛋"  '正' 好味道 !

雖然是打緊風而且 2 小時後還會掛 8 號風球 ,

但我們依然轉場去食甜品 ,

最終揀了同場的 "Holly Brown"



這是朋友的 "Holly Starlet" 我見顏色幾靚 ,

所以就問她借來拍一拍照 ^-^



"黑武士" 由於飯前已經食了一杯 yogurt , 

所以呢杯雪糕就同朋友一齊分享 ,

我覺得好食 , 但朋友就略嫌雪糕有少少漏



另一朋友的 "牛奶味雪糕"

呢度既雪糕都幾好食 ,

佢地除了雪糕還有其他甜品 ,

下次有機會可再試別的 ,

食完雪糕已經十點幾 ,

我地便立即鬆人搭車返屋企 ,

在大家回家的途中已經掛上 8 號風球了





 

鼎泰豐

我有一個朋友快將要去美國一個月 ,

所以佢臨飛前就了我飯聚 ,

朋友話想食台灣菜 ,

我第一時間諗起 "鼎泰豐" ,

雖然這間餐廳並不是純正的台灣菜 ,

但當我推介給朋友時 ,

她表示好有興趣去試一吓 ,

於是昨晚放工後便先去攞位 ,

原來這店的規矩若然未齊人

入座便要計個半小時 ,

但齊人先入座就無時限 ,

咁我唯有先攞號碼等朋友來到再等補位 



等朋友時在門口拍的都幾可愛 !



"辣味小黃瓜" 呢個幾好食 ^.^



"紹興醉雞" 拍照時已經聞到陣陣的酒香 ,

但還是略嫌酒味不夠濃



"蝦肉紅油抄手" ok幾好食又野味 ,

但對於我來說唔算辣



"黑松露小籠包" 在網上見有人讚好食 ,

咁緊係要試吓啦 !



食這款小籠包店員會特別提醒食客不用點醋 ,

個黑松露餡又真係幾香濃 "正" 好食



"香干馬蘭頭" 這個一般 ,

我覺得 "霞飛點心拉麵" 做得較好食



"雞絲蝦仁春卷" 呢個都幾好食喎 !

希望朋友旅程愉快 !

等你回來再一齊出去飲飲食食

意大利月@Joia

朋友去旅行前已經约定返黎之後一齊飯聚 ,

從雜誌上得知 6 月份是 "意大利節" ,

而且還介紹了幾間意大利餐廳 ,

見到其中一間是在 Elements 頂層 - "Joia" ,

自從去完 "Grand Central Bar & Grill"

之後就極度愛上這個地方 ,

因那裡白天則比較寧靜休閒 ,


可以享受一個舒舒服服的下午 ,

晚上隨着夜幕的降臨而變得十分熱鬧 ,

好啦 ! 就推介給朋友一齊去試菜 go ! go ! go !


 
 先來一大籃麵包 , 最好味的是麵包脆條 ^.^



L'insalata di Pollanca marinata alle Erbe
fini con Guanciale caldo all' Aceto Balsamico
( Marinated Free Range Chicken salad with
Herbs and warm Bacon in Balsamic dressing )



Pizza alla Caprese con Prosciutto di Parma
( Prama Ham, Buffalo Mozzarella and
Cherry Tomatoes )

Pizza 夠熱又夠脆 yummy ! yummy !

Pizza 上的芝士是在我們面前刨的 ,

我是第一次見又幾特別喎 !



Gli Strozzapreti con Gamberi, Asparagi,
Carciofi e crema di Ricci di Mare
(Home made twist pasta with Shrimps,
Asparagus, Artichokes and Sea Urchins cream )

喺網上都見好多人都讚呢個意粉 ,

咁緊係要試吓啦 ! 又真係超好食喎 !

仲獲得朋友們一致的好評



Le Costolette d' Agnello con tortino di
Funghi Porcini, Ver salsa di Carote  e Senape
(Lamp chops with Porcini Mushrooms tartlet,
sauteed Vegetable Carrots and Mustard cream )

羊架都幾好味唔錯



Il Semifreddo al Cocco con Mango e
Frutto della Passione
(Coconut Parfait with Mango and Passion Fruit )

最敗筆就是個甜品 ,

我地一致都覺得唔好食 ,

而小碟曲奇就更加係難食 >.<

其實這間餐廳既環境同食物質數都是不錯的 ,

但甜品我就有所保留 ;

我欣賞佢地既上菜節奏 , 

可能店員知道我們是會 share 食物 ,

所以是一道菜完結了才上另一道菜 ,

每道菜之間亦會幫我們換一次碟同餐具 ,

我覺得對客人來說是一種貼心的服務 ,

至少這頓晚飯我們除了甜品一切都是很滿意的 ^^

朋友生日飯@Biergarten

昨日是我的 Best Friend 生日 ,

其實星期日已經約咗佢食飯 ,

但唔知佢食錯咩野搞到又痾又嘔 ,

所以就取消咗 >.<

咁昨天佢同老公就一齊放半日假慶祝生日 ,

原來佢地諗住夜晚去 "Biergarten" 試德國菜 ,

呢間餐廳原先係我地星期五 gathering 既選擇 ,

但當打電話去訂位時才知是沒有訂座的 ,

食客要自行 walkin  ,

所以我地就放棄了去試別的 ;

怎料朋友竟然 WhatsApp 問我去唔去 ,

我就回覆如果唔怕我阻住你地咪一齊囉 !

就係咁我就有幸試一試呢間餐廳啦 !

一去到門口就見到好多高枱已經坐滿

外籍男士係度 Happy Hour ^-^



Biergarten Platter

(Mixed Sausages, Cheese Cubes, Hamburger,
Kasseler and Pickles)



"Helles" 食德國菜緊係要飲埋

佢個德國啤酒啦 !



"Gegrillte Schweinshaxe mit Sauerkraut und Kartoffelbrei"

(Roast Pork Knuckie with Sauerkraut and Mashed Potatoes)

呢間餐既食物質數整體來說是 ok 的 , 

而價錢亦算合理 ^.^

Best Friend 我地星期五再去別的地方食過


 

有朋自他方來@Al Bistro Mediterranean Restaurant & Bar

呢位朋友是從工作上認識的 ,

近日她與朋友一起來香港暫住 ,

所以就找緊時間約佢出黎食吓飯吹吓水 ,

之前因天氣唔好而取消了一次約會 ,

怎料昨天放工時都係落咗少少雨 ,

早知這樣上次就不取消了 >.<

係尖沙咀暫時覺得比較坐得舒服都係呢間餐廳 ,

可能是星期一餐廳的食客不多 ,

今次我地叫了 set dinner



頭盤我要了 "蟹肉芝士疏乎喱" 都 ok 既 !  (啖啖蟹肉)



朋友要了 "紅花蛋黃醬焗鮮蠔" , 

嗰蠔 ok juicy 但紅花蛋黃醬就鹹了少少 >.<



"Hawaiian Spice" (Absolut Vanilla,
Butterscotch Schnapps, Pineapple Juice, Pepper)

第一啖有少少怪怪地 ,

但飲吓飲吓都 ok 既 !



餐湯應該是打熔咗的粟米湯



主菜我要了 "波士頓龍蝦羅勒葉扁意粉" 意粉夠硬身 ,

龍蝦又鮮甜 "正"



朋友的主菜 "開心果脆皮焗澳洲羊扒" ,

上次已經食過依然可保持水準好食 ,

唯獨羊奶芝士卷上次我覺得羶 , 

今次就覺得偏鹹 (真的有點怕怕 >.<)



餐甜品是 "雪糕伴藍苺芝士蛋糕" , 

這個芝士蛋糕不是我杯茶 , 而且仲要勁偏甜 ,

所以食了兩三口便放棄了 , 

因我已經無咩 quota 可以比佢浪費 ,

我好懷念 "朱古力蛋糕配朱古力雪糕"

個朱古力蛋糕真係好得

我地昨晚真係傾咗好多嘢 ,

到了差不多十一點先結帳走人  ^.^



這是朋友親手綉給我的禮物 , 

好靚 ! 好鐘意 ! 仲好感動添 !

我諗緊怎樣回禮 , 你等我 .........................








 

自製Sunday Brunch

星期日本應約了朋友去食生日飯 ,

但前一日就接到朋友的通知又胃痛又肚痾 ,

咁無法啦 ! 唯有等朋友好番先再補祝 ,

所以昨天就可以留在家中休息了 ^-^



見係屋企無咩搞作 ,

所以就動手自製 Sunday Brunch 啦 !

唔知係咪個 Sunday Brunch 太豐富 ,

足足飽咗我一日 >.<



星期六行 City'Super 時見到又大又紅既士多啤梨 ,

緊係即時帶咗佢返屋企啦 !

咁就成為昨日的晚餐了 ^.^

端午節@味吉拉麵館

端午正日居然有朋友同我一樣不用做節 ,

於是我地就相約去唱卡拉OK ,

好似好耐無去唱 K 啦 !

好彩新歌還能唱到幾隻 ,

當日 2 個人共唱了 3 小時 ,

店員還問我地加唔加 Dinner Buffet ,

咁緊係唔加啦 ! (現在對於 K Buffet 興趣不大 >.<)

之後我地就去行街街 ,

邊行街邊商量去邊度晚餐好 ,

朋友想食有湯既野 ,

咁啱又路經 The ONE 我就提議去食拉麵 ,

咁當然又係 "味吉拉麵館" ,

本應想同朋友去 "一風堂" 的 ,

但我驚朋友會嫌拉麵份量少 ,

所以最終我還是沒有提的



見到 meun 好似有新野 , 咁緊係要試吓啦 !






"黑墨豚骨湯底 - 吉列豬扒"

嗰湯底好似無咩味 ,

但豬扒就炸得好鬆化 "正" ^.^

可能下次我會食番凍烏冬 ,

因我覺得這的凍烏是最好食的 o 

外賣盤菜

上星期五提早一日去了弟弟屋企做節 ,

但今次所謂做節就簡單得多 ,

媽媽已經一早係 "得龍大飯店" 訂咗一個盤菜 ;

開飯前當然肚餓啦 !

唯有同小朋友一齊邊食零食邊等開飯 ,

終於等到九點鐘人齊可以開飯啦 !



今次個盤菜好似比過年時的用料多了又新鮮 ,

上次我係同媽媽 2 個人食一個盤 ,

但都好似無咩野食咁 ,

定係今次開飯前已經填了肚的關係 ^.^

當晚還有烚蝦啦 ! 炒菜啦 ! (但沒有拍照) ,

今次是有 6 個人用餐的 ,

最後盤菜還是剩了半盤 ,

點解 ? 點解 ? 點解呢 ?

快拍@雨後彩虹

昨天放工後不用去街 ,

所以就如常地搭巴士回家 ,

通常颱風過後會有暴風雨 ,

但今次則較異常竟然陽光普照 ;

忽然見到有水點打在車窗上 ,

吓 ! 咁好天都落雨 ,,

但雨點洒了一陣就沒有了 ,

那時心想會見到彩虹嗎 ?

不知不覺望出窗外竟然真的見到彩虹 ,

感覺 so lucky ! 記得在澳門時見過 ,

讀書時見過但已經好耐都無再見過啦 !

所以即時用手機拍下此情此景






今早聽電台廣播才得知昨日竟然出現了雙彩虹 ,

我都是第一次聽到的 , 真的有趣 !

唔知下次要等幾時先可以有機會見到彩虹呢 ?

迎新櫃後.............

星期三一早便約了家俬店送櫃 ,

時間係由十一點至一點 ,

於是我就討價還價問可否早少少 ,

因唔想浪費時間係度等 ,

但得到的回覆是十點先開車咁無法啦 !

幸好十一點櫃就送來了 ,

待家俬店的員工安裝過後便大功告成 !

跟着我便同媽媽一起入西貢飲茶 ,

但入到去才發覺我地揀錯時間 ,

原來平日的西貢都有咁多上班一族去食 lunch 既 ,

下次再有機會一定會等上班一族散晒之後先去 ,

至少會有一個寧靜的環境嘆茶 ,

當日真的很嘈雜搞到無心機影相 >.<

飲完茶後就去買我的另一最愛 "鮮奶撻" ,

跟住就陪媽媽的朋友去滿記買 "榴槤班戟" ,

但那時已經烏雲密佈將有大雨降臨之勢 ,

於是我就建議邊食甜品邊避雨啦 ! ^-^



"芒果糯米糍" 略帶微酸 , 芒果肉又少 >.<



"木瓜鮮奶" 明明飲完茶 , 點解仲想飲野既 ?



"湯丸配腐竹白果薏米糖水"

粒湯丸又幾好食喎 ! 係糖水甜咗少少啫 !



"焗荔茸西米布甸" 我都幾鐘意食呢個架 !



佢就係我既最愛 "鮮奶撻" yummy ! yummy !



喺餅店見到佢個芝士蛋糕好似幾吸引 ,

於是就買了一件來試 ,

但實太飽所以就成為昨晚的晚餐 ,

可惜芝士味唔夠濃不是我杯茶 ,

反而另一款喺山崎買的 "cookie cheese" 好食得多 ,  

暫時佢應該會成為我的新寵