Charlis World: 2月 2012

2012年2月24日星期五

零食篇

昨晚放工就回家了 , 在回家途中媽媽來電話去逛超市 ok 啦 !

屋企樓下的商場舊年年尾增添了一間 "759阿信屋" ,

喜歡吃零食的我當然會去逛埋啦 !

呢款好似幾吸引喎 ! 而且店員亦極力推介話有客人

一次過掃了 8 大包 , 咁好啦我就要咗一包 ,

返到屋企已經第一時間試食 ,

果然係一款可以食到停唔到口既零食

湯卷都係好 "正" 架 ! 至於另一款蟹味既零食唔知味道如何呢 ?

以上 3 款食品都是在百佳買的 , 面對外來的沖擊連普通

大型連所店都增多了貨源 , 這款蝦片之前係百佳都無見過 ,

而 cookies 則是馬莎貨色都是我鐘意吃的 ,

所以又怎能不入貨呢 ? 一個商場有百佳又有大昌 ,

但買野可能要去晒 2 間先買齊想要的貨品 , 事原昨晚想買韓式餃子 ,

同一個牌子一間只買雞肉餡 , 而另一間就買豬肉餡 >-<

2012年2月23日星期四

午飯@魚味市場

某日午飯後係返回公司途中發現了一間 "魚味市場" ,

於是今日就同朋友一起去 lunch 了

我地 order 了 "什錦壽司飯" , 蟹籽沙律" ,

"帆立貝壽司" , "太卷" 及 "芥末魷魚壽司"

呢間既剌身材料都好新鮮不錯 , 以後 lunch 又多一個好去處 ,

但下一次就要減少少份量 , 因壽司飯真的很大碗 ,

所以我們今天吃得飽飽的

Buffet@K11 Cafe (Hyatt)

已經有好一段時間沒有食 Buffet 了 ,

之前見友人的 Facebook post 了 K11 Hyatt Buffet ,

最吸引我的是有好多不同款的甜品 ,

於是就約了朋友於昨晚去試一吓 ^-^

先來一碟豐富的海鮮餐 , 在 Buffet 中罕見的 "瀨尿蝦"

用餐途中酒店職員送上了一客 "香煎鵝肝" ,

原來係 2 月份惠顧自助餐送的

再來 "烤雞漢堡" , "烤羊扒" , "海鮮 Pizza"

燒烤類的食物不知是否想食客食得健康一點 ,

好似完全沒有加調味料 - (淡而無味) , Pizza 尚可以接受

好似係 "鼓汁龍蝦" 還有 "煎餃子"

朋友取的不知名中湯似乎鹹了點 >-<

三人份量的什錦剌身

原來最好味係天婦羅 , 可能全是即炸的原因 "炸軟殼蟹"

yummy ! yummy !

好食到停不了再來 "什錦天婦羅" 估唔到竟然有紫心蕃薯 "正"

我的正餐開始啦 ! "Tiramisu" , "白朱古力 Mousse 配白酒啫喱" ,

"士多啤梨批"

"Blackberry Tar" , "朱古力蛋糕" , "榛子蛋糕"

有着濃濃的榛子味 "正" , "綠茶紅豆卷" 及我的最愛 "粟子蛋糕"

好味的繼續來另加 "拿破崙" , 可能擺放時間較長所以

"拿破崙" 已經不再脆口了 >-<

"士多啤梨奶凍" 及 "芒果布甸" 整體甜品都不會太甜 OK 呀 !

而且款式都算多

餐飲要了 Coffee 味道不錯為這一頓晚餐劃上完美的句號 ^^

餐廳環境寬敞舒服室温又適中 , 甜品區有專人幫你取蛋糕的 ,

所以蛋糕仍可保持靚仔樣 , 而且甜品的份量都不會太多 ,

因此可以多嚐不同的款式

2012年2月21日星期二

新發現................

近日係荔枝角既某個角落出現了一個小賣檔 ,

擺放着林林總總的糕點 ; 其實係同事先發現的 ,

因那處正是同事返工的落車位 ,

某日同事買了缽仔糕及花生糯米糍給我品嚐 ,

不錯缽仔糕不會太甜而且仲有好多紅豆好耐無食過咁 "正" 的 ,

至於糯米糍則皮薄餡多都係一個 "正" 字 ;

昨日午飯時路經那小檔便第一時間買了 4 隻茶果 ,

因媽媽鐘意食所以便買給她試試 , 但返到公司給同事試了一隻 ,

最後只剩 3 隻帶回家 ^-^

3 款都是不同味的 ...........................

開估嗱 ! 有白蘿蔔+小蝦米味 , 有紅豆味 , 還有花生味

我只試了蘿蔔同紅豆各有各的好味 ,

因花生味同之前食花生糯米糍既餡一樣 ,

所以今次就不再試了

靚靚既熊仔罐終於到手啦 ! 多謝 May 姐的幫忙 ^^

2012年2月18日星期六

睇戲兼晚飯@Thai Basil

昨晚放工後約了一位好耐沒有飯聚的朋友 ,

之前大家都相約了好幾次 ,

但好多時都因臨時有事而取消了約會 ,

今次終於約會成功好開心呀 !

星期三晚朋友來電話想睇 "魔球" ,

我話你買咗戲票先算啦 !

而我因為正在傾緊另一個電話 ,

所以好怱忙就收了線 ,

原來那時朋友已經在戲院裡 ;

到了星期四早上朋友傳來短訊已買了戲票 ,

嘩 ! 真的嚇我一跳原來朋友買了星期五 pm9:55 的戲票 ,

平日這個時候已經差不多係上床睡覺 ,

我真的有點擔心會否在睇戲途中打蓋睡呢 ?

睇戲前先去 "Thai Basil" 晚飯 , 但等位都等了半個鐘頭以上 ...................

"大蝦香米卷" 米卷內包裹着好多青瓜絲當然仲有大蝦啦 !

材料新鮮清清地都幾好 , 唯美中不足是米紙較厚身 >-<

"紅咖哩炸豆腐" 呢個係朋友揀的 , 原本我想食咖哩雞 ,

但朋友話太夜唔想食咁多肉 ,

於是就 order 了這個一個不起眼的菜式 ,

但竟然超 "正" 豆腐真的很嫩滑 ,

這個菜式真的令我很回味 ^-^

其實仲有一個 "泰式燒餅" 但我沒有拍照 ,

這個燒餅都好好食 ;

我以為還有蝦餅未到 , 但原來朋友祇是 order 了燒餅 ,

而沒有 order 蝦餅 >-<

這頓晚飯剛完結我已經想約別的朋友再去那裡 ,

豆腐 ............... 我真的有少少掛住你呀 !

2012年2月14日星期二

小禮物@Macaroon

昨日有朋友係公司附近整 Macaroon ,

諗住叫我同另一朋友放工後上去行吓 OK 無問題 ,

原來朋友讀的點心課程今日已經係最後一日上學 ,

所以她就做了小禮物送給同學 ;

一上到工作坊她便送了 2 代 Macaroon 俾我地當作情人節禮物 ,

哈! 哈! 朋友你的 Macaroon 真係一物多用 ,

不過還是要多謝你送贈漂亮的小甜品 ^-^

祝大家情人節快樂 !

2012年2月11日星期六

星級私房菜

之前睇 Blog 有人介紹過呢間私房菜好似都幾吸引 ,

所以一早已相約了 2 位朋友一齊去試菜 ,

這間食店經營得很低調只靠口碑 ;

近期鐘意試私房菜 , 雖然沒有高級餐廳般華麗 ,

但食物質數都是不錯的 , 因食材會較一般餐廳新鮮 ,

所以價錢較貴都是物有所直的 , 至少真係享受到真材實料 ^-^

我地昨晚優先食了情人餐 "一心一意"

本應只有 "自家製墨魚汁麵包" 但臨時加多了一個

有蕃茄味又有少辣既超脆麵包 , 後者我較鐘意

頭盤 "香煎亞拉斯加新鮮帶子配魚子醬及鮮蟹餅"

帶子嫩滑配埋個汁 "正" , 蟹餅除了 "WaterMark" 整得好食之外 ,

原來這店都做得不錯 , 好香脆又有蟹肉味 ,

沙律菜都好新鮮而且是爽脆的

"龍蝦濃湯及野菌湯" 這少杯裝的餐湯我最鐘意 ,

因如要飲一碗湯我已經飽了一半 ,

所以我較少會飲餐湯的 ; 淡淡的野菌味不錯 ,

這個龍蝦湯是我暫時飲到最好飲的

"黑松露菌醬扁麵及意大利火腿" 感覺這個扁麵較其他扁麵飽滿 ,

調味配合得剛好不會太濃味 Good !

"焗黑豚及大蝦" 我最鐘意個蝦因蝦味好香濃 ,

青蘋果汁配黑豚一齊食又幾好味喎 !

最精彩既係配菜都有 6 款並不是一般薯菜可比的

"朱古力餅配香橙濃汁及薑味法式燉蛋" 整份甜品都好好味好滿足呀 !

完美的句號 Coffee & Valrhona Chocolate

這間食店的燈光較昏暗我鐘意 , 在這種環境下進餐感覺好舒服 ,

但拍照既效果就會差少少 , 好在有一聰明友人提議用手機既電筒來打光 ,

唔該晒燈光師相片效果即時變靚了 ^-^

我地還開了一枝白餐酒 , 邊飲邊食邊傾好開心呀 !

而老板娘都好主動同客人傾談 , 感覺多了一份人情味