家庭樂~~~~~~~

星期六同媽咪睇左近期最熱既 "作死不離3兄弟" 都幾好睇 ,

睇完戲後便去找地方嘆茶



今次去了龍皇因我同媽咪都未食過 , 所以大家都想試下



"蘿蔔千絲酥" 呢個我好鐘意食如果食店有就一定會 order 的



"鮑魚燒賣皇" 媽咪讚夠爽



"燒汁煎包" 我見有人 order 貪得意又 order 不過都幾好味


 
"沙巴海蝦餃" 呢個都算好食 , 不過我會較鐘意 "明閣" 既蝦餃



"南翔小籠包" 呢個係媽咪 order 都 OK 好食



"澳洲石蠔春卷" 個春卷炸得好脆呀! Yummy! Yummy!

 

"焦糖蓮蓉焗布甸" 蓮蓉好少不過應該加左蛋黃碎所以好香

飲完茶後已經好飽 , 所以晚餐只預備了沙律 , 因媽媽曾經投訴已經好耐無食過沙律啦 !



以往整沙律我會用好多罐頭來整的 , 但今次就用了很多新鮮生果, 蔬菜來整 ,

係樣樣都想加既情況下 , 終於就變成了咁大盤 , 我諗要食幾日先食得完 ,

母親大人你慢慢享用啦 !

提早Halloween?

今日係公司靚女同事 Angel 既生日 , 所以便送了個 "怪誕南瓜屋" 蛋糕給她 ,

祝佢心想事成 ! 年年都咁靚女 ! 個南瓜蛋糕真係好可愛呀 !

今年唔會整萬聖節曲奇 , 咁個蛋糕就順便當應節啦 ! 但出年一定要再整....................

韓式麵食

昨晚一個人獨自晚飯都唔知食咩好 !

有諗過食麥記但又無咩想食....................

最終回了家再作打算 , 打開麵櫃發現有兩款韓國公仔麵



好啦就決定食呢款泡菜麵 , 呢個牌子既麵質都唔錯架



熱辣辣既 "韓式泡菜雞肉蛋公仔麵" 再加多一枝冰凍日本濃茶

 yummy ! yummy !!!!!!!!!!!!

晚餐後再來一個 "哥倫比亞麒麟果" 味道甜了少少都 OK 既 ,

 

但價錢都算貴我係一田買六十幾蚊 ,

 

中秋前係九龍城既生果店見過都要五十幾六十蚊一個 ,

 

今個晚餐最貴就係生果啦 !  

 

 

 

魔鬼來電!!!!!!!!

昨日放工後本應是回家的 ,

但朋友一個電話心野的我又出了去 ,

大家都想不到去那裡怎算好呢 ?

本應是去睇戲的可惜七點幾的場數已經爆滿 ,

最終決定去又一城先食飯後逛街



EXP Platter (凍豆腐/蔗蝦/墨魚餅/牛, 雞串燒/軟殼蟹卷)

  

意式雜腸煙肉 pizza (有我喜愛既 salami )

本應想食甜品的但已經食不下 , 於是便起行逛街了 ,

雖然萬無目的咁行都行到十點幾先回家死未

 

星期天有什麼好做?

 

 

星期日一早起來沒什麼搞作 , 於是便想為自己自製簡單既 Sunday Brunch

無花果好鮮甜 , 雞肉腸都有好香既香草味好食 , 再加多一杯黑胡麻原來簡簡

單單的一餐都可以很滿足的 

 

新蒲點@MIKIKI

星期六放工後約了媽咪去新蒲崗 MIKIKI 晚飯 ,

今次帶了媽咪試了我喜愛的 "味吉拉麵館"



我試了 "天婦羅鮮蝦 , 什菜餅" 配凍烏冬 , 什菜餅裡是有洋蔥的是我不喜愛的食物 ,

但被某朋友話了多次後現在開始都會食少少 , 這個鮮蝦什菜餅連媽咪都讚好味 ,

個烏冬又好彈牙好食 o 晚飯過後當然要逛下新商場於是便去了一田


  
買了這款雞肉腸不知好食嗎?



又買了無花果 Yummy ! Yummy !

新寵兒.新玩具

昨晚放工後約了朋友 shopping 最終我地過了銅鑼灣 ,

係未行街前先去醫肚今次又係 "風月堂" 我實在太掛念佢既甜品



"牛油焗帶子" 帶子比較乾所以感覺一般


 
"一人御前定食" 好似好多野食 , 但只有銀雪魚最好味



呢個烏冬都唔彈牙又唔滑又無咩味 , 突然令我有少少掛住 "味吉" 既烏冬添

 
朋友今天身體狀況唔係咁好 , 所以唔想食凍野 ,

我係一隻魔鬼我一定要佢陪我一齊食甜品 ,

因為甜品要一齊食先會開心架 ! 我知佢都幾鐘意食紅豆的 ,

所以便要了一個 "紅豆抺茶窩夫" , 我獨享了抺茶雪糕 , 嘩 ! 超好味

其實呢杯抺茶係跟定食的 , 但食完個紅豆窩夫飲就剛剛好變成了最佳配搭



呢個係今日 shopping 既目的



呢個係意外收穫 , 不過我都係覺得日本個款靚 D



這個是朋友的每年我都會問佢借用 , 但今年應該會暫停一年了...................

再一次尋味@翠園

其實上次未在美心皇宮幫朋友慶祝生日時 ,

媽媽已經嚷着想試南番順既菜式 ,

因此昨晚便與她的朋友一齊來晚飯了 ,

眾人都沒意見下便由我來點菜



"佛山酒" 酒味較重我鐘意 ^^



本應我想試 "灶頭生碌鵝" 但今晚無得供應  ,

於是改了一個非南番順既菜式 "鮑魚銀絲煲"

都幾好味粉絲加了蝦籽一齊炒所以好香



番叮 "生啫金錢鯰" 呢個上次食過覺得好味 ,

所以一定要推介給媽咪試吓!



 今次加埋佢既孖寶 "金銀蒜蒸頭腩" 原來呢個都好好味 ,

搞到唔多食魚既我都讚好



呢個係我媽咪期待已久既 "生煲黃鱔飯" 原來真係期望越大失望越大 ,

飯就真係好大窩但鱔就寥寥可數等同食豉油飯無分別



 又係到了甜品既時間 "桂圓奶皮卷" 可能佢既味道較清 ,

所以我只食到一款唔係好甜既糕點 , 質地都幾軟滑可接受的



最後完成任務幫朋友們換了食譜 , 大家攞食譜啦 ! 

活學活用

秋風起三蛇肥 , 不過我唔愛蛇只愛栗子 ,

秋天一到就想食炒栗子 , 因為感覺又暖又好味 ,

之前係電視上睇到京都蘇GOOD介紹了日本人食栗子的方法 ,

覺得都幾好 , 於是今次可以活學活用了 , 方法真的簡單易學 ,

而且栗子又能完整一粒 , 真是一個好方法 GOOD! GOOD! GOOD! GOOD!


 

 

 

 

甜食@ 風月堂

原本在過去的的星期六約了2位朋友行街的 , 但其中1人因敏感症發作 ,

所以便不能出來了 , 那天我地先去了銅鑼灣風月堂午膳 ,

但醉翁之意不在酒 , 我既目的係想食這裡的甜品 , 於是只簡單 order 了2款小食

 

"蒜茸什菌什菜" 雖然係清清地但都好好味 

 

 

"鮮蝦煙三文魚米卷" 呢個都好好味

 

 

"粟子芒果窩夫" 拍照時已聞到窩夫既香味 ,

 

芒果汁係新鮮打的 , 這個甜品十分好味

 

 

朋友的 "芒果乳酪杯" 不知為何這張照片已拍了幾次 ,

但出來的效果都是這樣



"焦糖咖啡乳酪芭菲" 我最愛咖啡類既甜品 ,

個雪糕好似食日本既咖啡糖

今次我地兩個實肥死了一個下午食了咁多甜品 ,

但還有很多款甜品想試呢 !

所以我應該會再來的 , 而且餐廳環境不錯 ,

用來擺放食物的碟都好靚 ,尤其甜品同 menu 相係一模一樣的超靚 ,

就算有唔開心見到都立即開心晒 ^^

其實未食甜品時我地兩個已經覺得凍 , 食埋個雪糕仲凍 ,

所以便同店員要了 2 杯熱水



用來飲熱水的杯都好靚

之後我地去了 shopping 大家都有所獲 ,

就咁就過了一個悠閒既星期六

 

 

 

 

 

飯聚@Pumpernickel

昨晚約了朋友飯聚 , 去了公司附近間 "黑麥" ,

之前同其中一位朋友來過食午餐都 OK 既 ,

在荔枝角區沒什麼好食店 ; 但晚市的食店明顯較午市少了許多顧客 ,

所以昨晚有少少似包場 , 看了餐牌選擇不多我們選了以下 3 個晚餐

 

呢個餐前麵包都幾好食 , 有芝麻黑椒包 , 另一款是有橄欖的

 

吞拿魚 , 青瓜 , 車厘茄沙律 , 濃意大利香醋 ( 我鐘意嗰醋好味 )

南瓜湯好飲

 

檸檬芥末燒春雞(半隻) , 新薯雜菜 , 野菌燒汁
(呢道菜整體都失敗 , 我們已同店員反映了意見 , 希望有改善啦!)
 

鮮蝦 , 魷魚 , 香辣蕃茄醬幼扁麵

 

炸鳕魚柳 , 薯條 , 沙律 , 他他汁  (呢個最好味 , 但薯條有少少似"麥記")

飯後應該有餐茶的 , 但我掛住傾計忘卻了拍照 ,

這裡的咖啡都不錯的可以一試 , 臨走時還買了麵包做早餐
 

"藍芝士黑椒包" 拍照時已聞到陣陣的芝士香 , 不知好食嗎?

 

 

黑白配

昨晚約了朋友出佐敦交收 , 順便可以去買 Puff Biscuits ,

記得有一次 gathering 朋友請了這款馬來西亞小食給我們吃 ,

我與另一位要好的朋友一吃便愛上了它 , 於是便詢問了購買的地址 ,

幸好唔駛搭飛機去買係香港都買得到

2 個儍鬼初初唔以為黑色那款係朱古力味添 ,

食品包裝上已標明係馬來西亞 "怡保特產"

原來可作手信之用唔怪得咁好味啦 !

以後又多了一款茶點

 

繼續忙食@美心皇宮

星期四繼續為朋友慶祝生日 , 通常我好少會選中菜的 ,

但朋友揀到都會去 , 我這位朋友仍在放大假中 ,

如果可以的話都唔想去咁遠食 , 所以就入了葵芳新都會晚飯 (因佢家住這裡)

而且上網睇到這裡的美心皇宮食評都唔錯 , 所以便到來一試見到有新菜式 ,

咁就緊係試新菜式啦 !



餐前小食 - 牛耳



呢個係 "雞窩"  


 
"金榜子母蝦" (我鐘意食呢個)

"山藥鴿甫炒珠參" (個珠參我覺得硬左少少)

出晒煙既 " 生啫金錢鯰 " (平時我好少食魚的 )

   

由於點菜時朋友已對呢 3 隻小雞有興趣 , 所以甜品便要了 " 小鳳雞仔餅 "



生日喎又點可以無蛋糕呢 !

由於時間關係已經預備咗東海堂既 " 芒果流心蛋糕 "