遲來的禮物

某日放工後約了朋友到德褔逛街 , 逛了一會我們便去食晚飯 ,

本想食壽司的但要等位 , 無法啦唯有取編號等候 ,

係等候其間我地又繼續逛街 , 逛下逛下便入了一間店鋪 ,

看到這款系列公仔都幾鐘意 , 於是引不住手就破財了



這 2 個是買給自己的



這些是買給朋友的生日禮物 (其實朋友係6月份生日的) ,

希望朋友會鐘意啦 !

認住呢隻豬

昨晚放工後約了朋友去睇戲 , 本應係上星期六在逛街途中想睇的 ,

但買唔到即日戲票 , 後來我地去了 UA iSQUARE IMAX 買了

星期一的戲票 , 而且只可買 VIP 即係比普通戲票貴少許 ,

因戲票價錢已包了炮谷, 汽水  ( 咁即係迫人要啫 ! )



我地就係睇呢套戲啦 ! 之前已經很想睇 ,

但找不到伴好彩最後都睇到睇戲前先去醫肚 ,

由於時間有限所以想食簡單一點 , 同朋友商量後選擇了這間



呢隻豬今年都開了好多間分店 , 真係發到豬頭 ^^



今次沒有要 "天婦羅烏冬" 我要了 "自家製厚切豚肉" 拉麵  (特濃豬骨湯底)

個湯真係幾濃幾好味 , 豚肉都 OK 不過肥了點



原來朋友都係要了 "自家製厚切豚肉" 拉麵  (好似係醬油味湯底)

她分了少許湯底給我試 , 嘩 ! 好咸呀 !  ( 另外朋友還加了一個筍 )



我們還 order 了 "自家製豚肉餃子" 都幾好味 , 今晚好似食全豬宴添 ! ^^

現在 TheOne 店還做緊優惠 , 我會帶媽媽試一次

 

鬆一鬆

無錯上星期六下午又到了 "Jean-Paul Hevin Chocolater Paris" high tea ,

Yeah ! 來這裡真係好開心 , 因每次都會好滿足咁離開 ,

原先想去 "petite Amanda" 逛一逛睇下有什麼蛋糕款式 ,

但不遠處已經見到店舖前有一堆人群 , 所以便轉身來了這裡 ,

今次約了朋友來 high tea 是想試試這裡的 cheese cake



JPH MAZALTOV
LIGHT CHEESE CAKE 

 ( 件 cake 好大件 , 不過有點失望不是我想要的口味 )



The Sur le Nil with mango puree
Quinola - Crunchy chocolate praline with chocolate mousse

至於 chocolate cake 就絶對得到我的歡心 ,

只吃了 2 件 cake 怎能滿足我們 , 所以再追加 order



Plain almond biscuits coated with chocolate, the almonds are from Spain and France,
have 2 flavors:
-    Craquant Milk chocolate 39% cocoa
-    Craquant Dark Chocolate 70% cocoa

我覺得 2 款都好味 ,  就算係 milk chocolate 都不是太甜 ,

但朋友較喜歡 dark chocolate 那款 , 遲些會試齊 5 款口味的



Safi   ( 呢款係有橙味好好味呀 ! )

來這裡可以品嚐到咁美味既朱古力蛋糕 ,

真係好幸福就算有什麼不開心都忘記了........................

忘了道謝

中秋節前約了朋友交收一枝酒最重要都係個吹氣酒桶 ,

朋友又自製了鮮肉酥同咖哩酥請我食 , 中午大家約了去飲茶 ,

中秋節前夕去飲茶真的很誇張 , 酒樓內的範圍全部都要點小菜 ,

想食點心就坐係酒樓門口 (即係加位) , 只有 2 個人就唔做你生意 ,

飲茶飲到咁真係有少許誇張 , 不想朋友走來走去所以沒有轉場 ,

在等候點心時我地就試食了朋友的鮮肉酥同咖哩酥 ,

先食鮮肉酥好味 , 再食咖哩酥 , 嘩 ! 超好味直情驚為天人 ,

我覺得咖哩的味道剛剛好又野味超愛 , 試食完仲有得攞走真係開心 ,

貪食的我多要了一件咖哩酥



多謝朋友的送贈 ,  媽媽食了一口已經問係邊度買 , 我對她說這是非買品 ,

朋友你會考慮做零售嗎 ?

我愛 " 味吉 "

星期日沒有逛街只與朋友去 The One 睇了 "世紀戰疫" ,

睇完套戲之後令我回想起 2003 年 SARS , 那時真的好恐怖 ,
 
每日都會有人因此病而死去 , 所以最重要是保持健康的身體 O

晚飯都不知去那裡用膳好 , 逛完一輪最終又回到The One 既 "味吉拉麵館" ,

這間拉麵館之前只是在將軍澳才有的 , 但現在就開了好多分店 ,

呢間拉麵館我都幾鐘意 , 每次我都會要 "天婦羅烏冬"



因天婦羅會有好多件 , 食得好開心架 ! ^^



烏冬都好滑係我鐘意的口味 , 所以差唔多每次都食



仲有 "串燒併盤" , 我覺得 OK , 不過朋友就覺得比較乾及鹹了點

朋友 order 了拉麵但沒有影到 , 下次再來希望試下拉麵 ,
 
其實佢既拉麵都 OK 架 ! 不過唔知點解次次我都係獨沽一味

等了............又等!

終於到手啦 ! 為了這個吹氣酒桶出了尖沙咀 Market Place 共3次之多 ,

從雜誌上見到買這枝汽酒送一個吹氣酒桶 , 雖然都幾吸引 ,

不過沒有想買下來的衝動 , 後來因應承了朋友幫忙買這枝汽酒 ,

而朋友的目的都是為了這個吹氣酒桶 , 咁我就順理成章多要一枝吧 !

第一時間打去 Market Place 問還有貨嗎 ? 他們說有於是我訂了 2 枝 ,

到了第 2 日放工後便到尖沙咀取貨 , 怎料這店的職員說沒有預留 ,

而且這款汽酒前一晚已被其他顧客搶購一空 , 經過一輪理論後 ,

店員都好好人幫我留了電話待有貨時再通知 , 於是等了 3 天都沒有人

給我覆電話 , 我又不厭其煩叫朋友幫我打去問返了貨沒有 ?

聽電話的店員說已返了貨 , 但為什麼沒有人通知我呢 ??????

於是放工後又與朋友一齊出尖沙咀 , 原來第一次聽電話的店員是這裡

的當值經理 , 因在言談間他認得曾經接過我的來電 ,

而且他是有幫我預留汽酒的 , 但不知怎樣他的同事說不知道 ,

算啦追究都是沒意思的 , 反正可以買到就是了 , 怎料贈品是要星期六及

星期日擺展銷時才有的 , 但雜誌廣告又沒有寫明真的氣死人 ,

可能經理知道我為了此事走了 2 轉 , 所以他都盡量找那個吹氣酒桶給我 ,

可惜到了最後都係找不到 , 無法啦人地都盡了力 ,  於是上星期六便要多

走一趟 , 做完要做的事後 , 便與朋友一齊去食午餐 , 午餐後又去了
 
Haagen-dazs 食雪糕



我要了杯 "蒙地卡羅" 賣相與餐牌不符唔夠層次分明 ,

咖啡雪糕 + 碎杏仁 + 咖啡 , 咖啡雪糕是我的最愛 , 杏仁都好好味 ,

食完上層最底的咖啡變得好苦呀 !  (所以便放棄了 )



這是朋友的 "巴黎焦糖燉蛋" , 焦糖沒有燒焦已經唔合格啦 !

最底個層應該係燉蛋 , 但我地唔覺得佢似燉蛋 ,

最終我同朋友的結論就是來這都是食雪糕好 , 其他的不試比較好  

不一樣的月................

今天已是中秋節了 , 今年的中秋沒有日本生果 ,

沒有喜愛的奶皇月餅 , 幸好有另類補償 ,

這就是朱古力月餅 , 亦是我最喜愛的朱古力品牌所出的 ,

在此多謝朋友的送贈 , 昨天影相時已聞到陣陣的榛子味.................



今晚終於可以品嚐法國的月餅了 ^.^

試食 - 月餅

好慘呀 ! 今年買唔到 "嘉麟樓" 既奶皇月餅 ,

昨晚試了 "半島酒店" 奶皇月餅 ,

唔........都係 "嘉麟樓" 最好 ,

另外仲試了同事送的上海月餅 ; 上海粗炒 , 上海年糕就食得多 ,

上海月餅都係第一次食 , 原來同潮式禮餅差唔多 (我要了芋頭味)

豐收之夜

上星期五一班朋友為我和另一位8月之星既朋友係卡拉OK補足了生日 ,

當晚一入K房都未坐下已經收了幾份禮物 , 之後陸陸續續咁有禮物收 ,

收禮物當然開心啦 ! 但當晚亦玩得好開心 , 期待下次的聚會



嘩 ! 嘩 ! 嘩 ! 真係好多禮物呀 ! 有少少似過時過節係雜誌推銷商品廣告添 ,

琳瑯滿目有食得的 , 有護膚的 , 有扮靚的 , 又有吊飾等................

多謝各位朋友的心意 , 希望大家友誼永固 ^^