心水之選@彩晶軒

昨晚放工後又約了朋友晚飯 , 原先我地係約左 24 號 ,

但我有某些原因而取消了 ,

所以要係今年完結前再約朋友晚飯 ,

因為仲有聖誕禮物未送 ^-^

不知為什麼近來身邊的朋友突然轉了喜愛吃中菜 ,

為了朋友今次揀了尖沙咀 "彩晶軒" ,

呢間食肆係聽電台 DJ 介紹的 , 

之前試過真的不錯 , 曾經有一段時間想食中菜都會諗起呢間酒樓



我地每人都要了一份 "豪皇原條遼參扣玉掌" 我覺得幾好味


 
"馳名欖角醬烤骨" 呢個小菜差唔多每次去我都會 order 的

朋友想食菜所以就 order 了 "大澳蝦醬唐生菜煲"


 

 最後加多個 "石頭窩三杯雞" 呢個窩好犀利上枱時已經冒晒煙 ,

晚飯尾段 D 雞都仲有少少暖



晚飯後酒樓附送了紅豆沙 , 不錯紅豆沙並不太甜而且仲有果皮既香味 

除了糖水還有生果呢 ! 


 
這裡的年糕好似都幾吸引喎 ! 好一於試吓佢既芋頭糕

 

遲來的 Boxing Day

由於 Boxing Day 玩得太夜 , 所以當晚回家後都沒有拆禮物 ;

昨晚放工回家第一時間就係拆禮物 ^-^



呢份禮物包得好靚呀 ! 有少少唔捨得拆添 !



靚靚的包裝下原來係一對好軟綿綿既襪子 , 咁聖誕襪裡會唔會仲有禮物呢 ?

呢份禮物係第一份收的 (11月中) , 盒子裡係雜錦朱古力 (今次實肥死)  ,

不過醉翁之意不在酒我鐘意既係個罐 , 所以朱古力一定會同朋友分享的 ^-^

朋友話送呢對杯俾我 , 係叫我飲多水而唔係用來飲酒 , 

對杯仲印有 "JamieOliver" 既名字 ,

用來飲水都變得有 taste 咗 ^^

呢 2 份都係分別由唔同既朋友送的 , 多謝大家所送贈的聖誕禮物 ,  

我好鐘意好開心呀 ! 

 

 

Boxing Day Party

聖誕節最開心既係同一班朋友聚埋一齊飲飲食食交換禮物 ,

26 號就去了朋友屋企開聖誕 Party , 下午一點到已經齊人開始整沙律 ;

原來 smartphone 的魔力真的很大 , 因不用預備食物的人就拿着自己的電話來玩 ,

朋友的老公又幫我 download 了防毒軟件及遊戲 , 真係唔該晒佢 ^-^

好啦搞吓搞吓已經三點幾終於可以食 lunch la ....................

每次既聚會下午都係食這類食物有薯仔沙律 , 芝士 , ham , 之前係食鴨肝醬的 ,

但有朋友要求今次想食鵝肝醬 , OK 無問題最緊要大家食得開心 , 

今次既鵝肝醬係 citysuper 的出品 ,  一般啦朋友的老公就覺得鴨肝醬較好食 ,

不過這一餐都已經好滿足食飽飽後大家又一人一機在手 , 這是現代的社會文化嗎 ?

又到晚餐既時候雖然食物不多 , 但我地 7 個人清晒所有食物之後都已經好飽
 

 

聖誕又怎能沒蛋糕呢 ! 我揀了東海堂既 "白之雪人" 夠應節嘛 !

不過都幾好味 , 雖然朋友都想我整豆腐 mousse cake , 

但屋企仲未整好無法啦 ! 有拖無欠記住數先

Party 尾聲就係抽奬既時候 , 這是我抽仲的禮物 ,  

今日雖然係 Boxing Day 但返到屋企已經好夜 , 而第二日又要返工 ,

所以仲未拆聖誕禮物 ^^ 

 

 

 

聖誕大餐

聖誕節係全年我最鐘意過的節日 ,

唔知幾時先可以同自己鐘意既人一齊過呢 >-<

我真的好怕要一個人過聖誕所以一個月前已經開始約朋友 ,

剛過去的星期日是聖誕正日約了朋友先睇戲後晚飯 ,

已經有 2 年的聖誕都沒有外出晚飯 ;

我地今次睇了 "神探福爾摩斯 - 詭影遊戲" 套戲都幾緊張既 ,
 
睇完戲六點半都唔夠就去餐廳攞位 ,

幸好餐廳並不多人所以店員都可以早點讓我們入座 ,

但落 order 就要等到六點半 , 無所謂啦唯有住睇餐牌先 ,

而我就第一時間問店員甜品有沒有 "榛子朱古力拿破崙" ,

因上次晚餐試過這款甜品覺得幾好味 ,

所以想預留一件啫 ^-^ 可惜店員問完廚房後的回覆是暫時沒有 ,

咁食完聖誕餐先算啦 !

其實這裡都有散叫的食品 , 但聖誕餐都唔算好貴一於毎人 order 一個啦 !

聖誕節要食大餐嘛 ! 

 

我同朋友既前菜及餐湯都要了 "香煎法國鵝肝, 哈蜜瓜片" &

"北海道雪場蟹, 椰菜花香草湯" 好味呀嗰湯都有好多蟹肉 ,

鵝肝不過不失啦 ! 

 

主菜我要了 "烤波士頓龍蝦米多 . 海鮮天使麵" , 我知天使麵要整得好食並不容易 ,

但我又想食龍蝦米多於是決定一試 , 今次真的有驚喜天使麵整得好好食 ,

當然個龍蝦米多都好好食啦 !


 

朋友的主菜 "香煎西班牙黑毛豬火腿 . 拿鐵咖啡汁" , 朋友讚好食


 

餐飲大家都要了 "Strawberry Mojito" 店員話有少少酒精成份 ,

但真的很少甚至唔係好覺 , 不過都幾好飲 cheers ^^



朋友既聖誕甜品 "Blackbox" 係 darkcherry chocolate cake


 

最後我想要的甜品都係未有 , 所以便 order 了 "黑巧克力流心餡餅 . 雲呢拿雪糕"


 

嘩 ! 這個甜品算是今個聖誕的驚喜 "榛子朱古力拿破崙" 剛出焗正



原來食滿 $600.00 就會送一份禮物送

 

 

唔該再來一客................

轉眼又過了一個聖誕 , 上星期五仲同朋友高高興興為了

26 日既 gathering 而忙着選購食物 ,

每次既 gathering 都會食足 2 餐的 , 午餐會似 high tea 形式 ,

今次既晚餐我地決定 "烚吓烚吓" ; 係購物前先去晚餐再去食蛋包飯 ,

一星期內食 2 次好似誇左少少 , 係咪好食成咁呀 ? 

無法啦這間餐廳較近超市 , 而且食物又 OK 所以便推介給朋友一試



"niji 咖啡煙黑豚特長比薩" 個 pizza 都 ok 幾好味 , 食到餡料有煙燻味



今次再 order "脆炸大蝦配海鮮蛋包飯伴龍蝦汁" 其實今次沒有拍照 ,

照片是源用上次的 ^-^



朋友的熱朱古力好似幾好飲喎 !



飯後一甜品 "南瓜芝士蛋糕" 3人分享一件 cake 咁就無咁肥啦 !

不過件 cake 都幾好味又唔會好甜 , 食飽飽就繼續行情了.....................

又到聖誕!又到聖誕!

剛剛病左一個星期 , 幸好現在已經病好了 , 若不然就要病着過聖誕咁會好慘架 !

其實11月中後已經開始選購聖禮物 , 好似誇張左少少但是真的有必要要咁早 ,

因之前買唔夠所以12月再補多一次貨 , 但已經同第一次買的有所不同 ,

原本一份小小禮物都會送一個精美的聖誕袋 , 但再次選購時已經沒有了 T-T



用精美的罐子堆砌成一株小聖誕樹 , 還有靚靚的聖誕袋仔作陪襯

我已送了1罐聖誕老人及1罐薑餅人給朋友 , 薑餅人罐子裏原來是好好味的曲奇 ,

因朋友已經拆了禮物試食了 ; 我本想買多罐給自己但已經斷了貨 ,

幸好屋企還有2罐 , 1罐都是送給朋友的 , 而另一罐則是用來抽獎的 ,

Sorry ! 最終我決定買過一份禮物來抽獎 , 將那罐薑餅人留給自己慢慢享用


 

這是最後追補的聖誕禮物 , 有 agnes b "低糖雜果仁黑朱古力" ,

又有高砂屋既曲奇本應想買虎珀曲奇但又斷了貨 >.< 

雖然有少少行但都是一點心意 ; 我發覺要買啱心水既禮物

送給好朋友真的要早一個開始選購 , 可以係聖誕節收到禮物是很開心的事 ,

所以我都希望可以係呢個聖誕節收多D禮物架 ^-^

 

香滑美味的蛋包飯@Niji Bistro

昨晚放工後又約了朋友出尖沙咀逛街 , 可能下午我地食左個好豐富既燒味餐 ,

所以仲未有肚餓既感覺 , 於是先行街後晚飯我地逛了 Citysuper



呢款曲奇之前係 ikea 買過來試的 , 一試便有少少愛上它因為佢有香濃既咖啡味

又唔會好甜 , 但我又唔會專登走去 ikea 買 , 現在係 Citysuper 再度重遇咁就緊

係要入貨啦 ! 



由細到大都不愛食果醬的 , 自從試左呢款法國果醬又覺得 OK 喎 !

可惜佢呢款味道是沒有大樽裝的 , 所以每次祇能買迷你裝 ,

都好既可以食完即棄 ^^



行完街街緊係要去醫肚啦 ! 之前見過飲食雜誌介紹這裡的蛋包飯 ,

今次終於可以如願以償試食了 , 我要了 "脆炸大蝦配海鮮蛋包飯伴龍蝦汁"

個蛋整得好滑配埋香濃既龍蝦汁超好味



朋友要的 "牛肉漢堡扒配什菌蛋包飯伴燒汁" , 原本朋友問我試唔試

漢堡扒但我拒絕了 , 朋友食到尾聲時說嗰漢堡扒果然真係有牛味 ,

雖然我唔多食牛都搶了一口來試真的不錯



我地兩個儍人滿懷歡喜咁 order 了兩個蛋包飯 , 雖然好好味但食到一半

已經有少少後悔 , 因蛋包飯的份量是好多的 , 所以就無食甜品最後只 order

了兩杯飲品 , 一邊飲野一邊傾計傾到人地差唔多收舖先肯走人

Luxury Breakfast - caffe HABITU the table

星期六下午約了朋友繼續出動搜羅聖誕節禮物 ,

不知為什麼禮物好似買極都唔夠的 >.<

當天的行程係先購物後醫肚 , 所以午餐就變成下午茶了 ,

但我地又唔係食下午茶而係食早餐食既野 ^o^

"全日豪華早餐" 呢個早餐又真係豐富過朝早份早餐好多 ,

樣樣都好好味除左茄汁焗豆 ,

因我同朋友都唔愛吃的 , 特別一提係個麵包多士外脆內軟超好食


 

"俄羅斯沙皇之選班尼廸蛋" 配燻三文魚及刁草 , 

伴魚子醬 , 呢個其實係我最鐘意食的食品 ,

但卻令我最失望因蛋是全熟而且全無味道可言 >.< 

食完一個咁唔好食既班尼廸蛋後 , 差少少連這杯 cappuccino 都忘了拍照 ,

但當我見到隔離枱杯咖啡有肉桂枝係碟旁時 ,

才發現唔多對路即時向身邊朋友問道點解我無既 ?

3人行@Full/half

昨晚放工後3人行來到 Full/half 晚餐兼交收 ,

我地都係星期四晚先決定來這裡飯聚的 ,

幸好仍然訂到位若不然就慘了 >.<



"鮮香草三文魚仔, 香橙莎莎" 有2片肥厚的三文魚好好味 ,

我真係愛死佢

朋友的 "地中海式雜菜沙律" 蔬菜望落都幾新鮮喎 !

"黑松露菌忌廉湯" 嗰湯好香內裏仲有好多菌 yummy ! yummy !

飲完個湯已經有少少飽點算呢 ?


 

朋友的好似係 "西蘭花忌廉湯" 試左一口好 creamy 呀 !

2位朋友的進食速度明顯比我快 , 我餐湯都未飲完 L 小姐已經提議開酒 ,

最後由 M 小姐決定 order 這枝紅酒 "Santa Helena Cabernet Sauvignon"


 

朋友 L 的 "烤澳洲雪花西冷, 芝麻菜薯蓉" 我都試左少少雖然牛味偏淡 ,

但塊西冷都好軟熟

朋友 M 的 "香煎三文魚柳保雲蘇" 三文魚柳整得好滑呀 !


 

我的 "芥末萍果慢煮西班牙黑毛豬面頰" 呢個都好好味架 !

飯後我地要了2個甜品 , 這款拿破崙是新出的一定要試 ,

我食到濃濃的榛子醬超愛 ^^



"Tiramisu" 這款甜品都有好多人讚當然要試啦 !

我都係第一次見樽裝的 Tiramisu 都幾有新意 ,

味道都 OK 唔會太甜 , 不過如果可以杰身少少就好了 (這是個人觀點)


 

朋友的餐茶 "冰青蘋果人參烏龍茶"

這是我的 "蜂蜜檸檬薑茶" 真係好夠薑感覺好 warm ^-^

這一頓晚飯真的很豐富 , 晚飯後我地還轉場去了 Pacific Coffee 繼續風花說月 ,

雖然好開心但最慘就係滿肚子都係水