聖誕快樂!

全年我最喜歡的節日終於來臨了就係聖誕節啦 !

昨天早上已經預備了 2 個蛋糕 ,

因為今日相約了一班朋友搞了一個聖誕Party ,

基於我只對整甜品有興趣 ,

所以我一定會負責整蛋糕的 .

豆腐 mousse 蛋糕



日式芝士蛋糕



我整的 " 豆腐 mousse" 已成為朋友首選要食的蛋糕 , 多謝大家既欣賞 ,

至於另一款既 "日式芝士" 係第二次整 , 之前係整俾同事個女生日 ,

所以點都要整一次俾自己試下先得 , 今次個餅好似硬左少少 ,

餅既質地亦較散 , 但檸檬既清香味就好出 , 唔得我一定要再試整 .

今晚我們分享了一頓豐富既聖誕晚餐 , 有部份食物都係由我地自己整的 ,

但因大家都忙於品嚐美食而忘了拍照 , 朋友整既醉雞奕及酒釀上海年糕 ,

係我比較鐘意食 , 特別係酒釀上海年糕好清甜 ,

而上海年糕既質地又 D 似湯圓 , 總之就係正啦 !

晚飯後到了最開心既環節 , 就係交禮物 la !

今次佢地終於記得影相 , 由於我無帶相機 ,

所以就借用了朋友 Jackie 的照片 .



聖誕老人那份是我預備的禮物 , 聖誕杯裏載了美味既朱古力 ,

希望抽到既朋友會喜歡啦 ! 而我就抽中了一枝香水 ,

香水既味道比較清 I like it ! 今個聖誕節過得好開心呀 !

充實的 "平安夜"

今日係平安夜我亦過了既充實又開心的一天 ,

今早一起身便要整 2 個聖誕蛋糕 , 係留待明天開 Party 之用 .

其實係上個星期四已經開始整曲奇餅送給好友 ,

先是整了卡通既印模曲奇 , 因應承了朋友幫她女兒做的 ;

然後自己就做了紅莓曲奇 , 藍莓曲奇 ,

朱古力粒曲奇 & 咖啡曲奇共 4 款送給朋友 ,

我從未試過係幾日內整咁多曲奇 , 而每做完一款曲奇就要進行包裝程序 ,

當完成了整個人都感到很疲倦 , 由於忙着把曲奇送給朋友 ,

所以沒時間替曲奇進行大合照 . 雖然經過連日來辛勤的製作 ,

但今日仍然要開工仲係要趕工添 , 點解咁趕係因為今晚又約了朋友 ,

所以要預留時間扮靚 , 聖誕節係我最喜愛既節日 ,

所以我一定會約好朋友一起渡過的 ; 至於今日整了什麼款式既蛋糕 , 

暫時保持神秘留待明天才揭曉罷 .

呢份已經係第二份收到的聖誕朱古力禮物 ,

而第一份係好朋友自己 hand-made 架 !

Chocolate 的魔力

昨晚放工後出了尖沙咀幫人買朱古力榛子醬 ,

原先我係諗住一買完就回家 , 怎料臨時有朋友有興趣一齊逛街 ,

當然無問題啦有伴一齊逛下街食下野係件開心既事 ,

言歸正傳我昨晚去了 "Jean-Paul Hevin" 幫人買朱古力醬 ,

當然我都抵受唔住誘惑買了一樽 , 原來佢既朱古力榛子醬都分成3款 ,

第 1 款係原味既朱古力榛子醬裡面係無其他饀料 ,

第 2 款加入了果仁碎粒 , 第 3 款就加入了薄脆 ,

死啦多選擇點算好呢 ?

第 1 款我同朋友都食過 , 咁當然要試埋另外果 2 款 ,

一於一人試一款啦 ! 其實每次經過此店都會幫襯下佢 ,

暫時係香港我比較喜歡食佢既朱古力還有 Macaron ,

昨晚已買了2隻 Macaron 作為今天的早餐 ,

係咪真係儍儍地呢 ? 所以就有一位朋友取笑我係幫呢間店舖既老細打工 ,

其實我已經成為佢既小 fans 啦 ! Jean-Paul Hevin是來自巴黎的朱古力大師 ,

我覺得佢出品既朱古力係有一種魔力的 , 食了一口之後就好想繼續食 ,

所以咁食法真係同佢打工無咩分別 ; 另外我們還逛了另一間朱古力店 ,

不過朱古力款式不是太吸引所以沒有試買 .

最後我地去了 City'Super 既 cookedDeli 醫肚 ,

我地通常會去 "富久保" 食佢既手打烏冬 ,

不過係要大叔做既手打烏冬先至好味 , 唔知係咪我地心理作用呢 ?

因之前試過食唔係由大叔做既手打烏冬 , 又真係感覺無咁彈牙 ,

所以我地決定如果無大叔係度座鎮時 , 我地就會另作他選 ,

大叔咁就要辛苦你啦 !

嘩! 好多炸彈呀?

到昨晚為止我已經知道出年會有 3 個朋友結婚 ,

星期一晚同朋友係餐廳用餐時鄰座的一雙情侶又係討論緊結婚既事宜 ,

雖然經濟環境唔好 , 但都見到好多情侶開開心心咁籌備婚禮都係一件好事 ,

真係好羡慕呀 ! 祝天下有情人終成眷屬啦 !

我自己好細個既時候都有呢個夢想 , 好想快D拍拖結婚 ,

不過現在還是.................算啦過得開心就是 .

現在正協助一位朋友籌備婚禮 , 不是經驗豐富而是將我所知的幫她 ,

我還建議自製回禮既小禮物 , 一對準新人聽到後都感興趣 ,

這是什麼小禮物暫時要保密 , 款式正在構思中 .

但現正尋找訂婚紗及晚裝的店舖 , 貪靚係我既本色 ,

所以我會抽時間一齊去睇架 !

"婷婷"生日快樂 !

今日係公司同事個女既生日 , 我一早已應承整蛋糕送給她的 ,

所以近日不斷睇蛋糕書 , 睇下有什麼蛋糕好整 ,

終於係朋友的建議下就整了個日式芝士蛋糕 ,

當然都要多謝那位朋友一聲 ,

因為蛋糕既圍邊同蛋糕既果醬都係由佢提供的 ;

個日式芝士蛋糕終於誕生啦 ! 呢款蛋糕我係第一次整 ,

所以味道係點唔知呀 ! 好唔好食唔知呀 !

我仲要等個同事今晚試食完先知 , 希望佢 D 屋企人會鐘意啦 !

喺度祝 "婷婷" 生日快樂 ! 快高長大 ! 學業進步 !

遲一些我會約埋其他朋友同你食飯架 la 妳等下啦 !  

 

 

 

 

Birthday to Leslie Cheung

九月十二日係哥哥 52 歲的冥壽 , 祝你生日快樂 !

回想起不知不覺都喜歡了哥哥好多年 , 

但就不太清楚自己是從何時起 ,

我只記得有一次從電視中聽到一首歌 ,

但那時我並不知歌名和歌星的名字 , 只知那隻歌係電視主題曲 ,

那把聲音好有磁性好好聽 , 後來才知道係哥哥唱的 .

直至 "為妳鐘情" 才買了哥哥的第一隻碟 , 

碟內每一隻歌我都覺得好聽 ,

當然除左會聽佢既歌更加會欣賞有佢參予演出的電視和電影啦 !

每次睇電影和演唱會都會睇一至二次 ,

要是睇演唱會就慘啦因為我會睇最貴的票價 ,

但好彩是讀書時係由媽媽付錢的 , 所以在此真係要多謝媽媽 ,

如果不是媽媽我就不可能係近距離欣賞哥哥精彩的表演了 ;

到了哥哥宣佈要引退時真的很不捨得 ,

幸好到了2000年哥哥終於復出了 , 對於我及喜歡他的歌迷都是一大驚喜 ,

又可以欣賞哥哥精彩的表演了 , 他是次的復出令我更欣賞佢做人處事的態度 , 

當然唔係人人都會認同的 , 但我做人有自己的一套比較我行我素 ,

從來都唔會理會其他人點睇 , 當然以唔傷害人為主 ;

在哥哥的作品中 "我" 的國語版係哥哥最鐘意的 ,

這亦是我最鐘意的 ; 現在我真係好想知 "你在何地" ,

其實係你生前好想歌迷唔會遺忘你 , 你終於做到了 ,

你離開至今已經 5 年了 ,

今年還有記念你的演唱會 "Miss You Much Leslie繼續寵愛音樂會" ,

4月1日已經係香港紅磡體育館開了第一場演唱會 ,

我當然有去睇感覺很好.............. 我諗我會繼續寵愛你 ,

不斷重溫你的作品 , 係我心目中仍然係 Superstar !  

食藥篇

我昨天先發覺自己原來係一個食藥白癡 ,

通常食藥係會分 3 或 4 次服用,

我竟然由早上 8:00 食過第一次藥後 ,

到了早上 11:00 再食需要服用 4 次的藥 ,
 
到了12:00 又再食每日需服用 3 次的藥 ,

如事者到了下午 2:00 我又再食要服 4 次的藥 ,

這個時候係身邊傳來了一把男同事的聲音 "又食藥"  ,

經男同事詳問之下先發覺原來自己跟錯時間食藥 ,

那位男同事真係好好人 ,

佢為免我再食錯時間所以就幫我寫了食藥的時間表 ,

等一等時間表讀書時就用過,

現在連食藥都要寫時間表好似有點跨張 ,

不過無法啦鬼叫我係一個食藥白癡咩 !

希望下次唔好再食錯時間啦!