03/02/2017 某程度上我都幾鍾意來這裡吃生蠔 ,
因為又新鮮又一隻又有優惠 ,
至於其他食物的質數也不錯 ,
當日飯聚剛好朋友又在新蒲崗返工 ,
所以就揀了在這裡晚餐了 ( 我又可以食蠔喇 ! ^^ )
繼之前的澳洲生蠔 $10.00 一隻優惠後 ,
2月份時他們又轉了時令法國生蠔 Gillardeau $16.00 一隻 ,
而另一款法國生蠔 Schaller 則是 $12.00 一隻 ,
可惜後者無貨所以無得試咁唯有食 Gillardeau 啦 !
餐前麵包
" 波菜蜜桃果仁沙律 "
原來朋友唔食生蠔架 !
所以今次我只要了半打就算 ,
咦 ! 不過當晚的生蠔好似細隻咗啲喎 !
" 煙海膽配黃油菌芝士意大利雲吞 "
第一次咁樣食意大利雲吞都幾得意喎 ! ^^
" 南瓜忌廉湯 "
別的南瓜湯我很少會喝 ,
但這裡的味道都算不錯都幾啱我
" 慢煮雪魚 "
本應我哋已經睇好晒主菜食啲乜 ,
但到落 order 時店員又推介了兩款菜式是 Menu 沒有的 ,
有新菜式緊係要試下啦 !
件雪魚都好大件喎 !
" 龍蝦意大利飯 "
原條龍蝦肉拆了出來食起來時很方便 ,
這個意大利飯做得很不錯都幾好食
晚餐甜品有 " 炸芝士伴甘筍蛋糕 "
個甘筍蛋糕都幾好吃架 !
餐飲當然有我至愛的凍朱古力啦 ! ^^
------------------------------------------------------------------------------------------------------------
10/02/2017 在沒有相約的情況下朋友突然來電話來這裡食蠔
我同這位朋友都好瘋狂第 1 round 已經要了一打 ,
本應都想試埋 Schaller 但可惜又沒有得供應 ,
當晚的 Gillardeau 又大隻又新鮮真的十分之 "正" ,
其實一打生蠔又怎能滿足我哋兩個蠔怪呢 ?
所以到差不多食完我哋又再 order 多一打 ^^
" 波菜蜜核果仁沙律 "
第 2 round 的 Gillardeau 依然好大隻好鮮甜 yum ! yum !
所以一食蠔我就會諗起這裡了 ^^
" 南瓜忌廉湯 "
" 鮮蜆香辣蒜茸意粉 "
這個香辣蒜茸意粉味道適中很好吃 ,
搞到我都好想學煮添 ! ^^
" 美式燒排骨配薯條 "
我實在高估咗自己嘅食力 ,
食到呢個燒排骨我真的有點吃力 ;
但這個燒排骨的醬汁我之前都未在其他餐廳食過的 ,
不過都幾好食嘅 !
又到甜品時間件甘筍蛋糕好好味 ,
只是略嫌少了一點 ^^
13/03/2017 有好嘢所以又要優先寫喇 !
話說要請朋友食生日飯咁朋友又無乜 idea ,
咁我緊係又去 openrice search 下啦 !
咦 ! 見到呢間食店啲甜品好似好吸引喎 !
而且佢又有意粉、又有飯、又有 Pizza ,
好一於推介俾朋友一齊去試下先 ^^
現在有期間限定兼由日本空運來的博多甜王士多啤梨 ,
Cafe 用它們做了兩款限定甜品 ,
分別有 : "士多啤梨芭菲" 同 "士多啤梨班戟" ,
我自己就覺得芭菲那款甜品比較吸引啲 ^^
其實佢嘅法式西多賣相都好吸引 ,
但一次過真係試唔到咁多款式唯有等下次啦 !
他們還設了以下三款港式的芭菲 :
豆腐花 x 芒果芭菲 , 楊枝甘露芭菲 , 港式鴛鴦芭菲
係咪都好吸引呢 ? ^^
軟雪糕配牛角包都有5個款式任君選擇 ,
而芭菲亦有 113 款俾你揀 ,
嘩 ! 甜品的陣容真的十分之強勁 ^^
一坐下我第一時間就睇甜品 menu
嘩 ! 佢哋真係好誇張竟然有成過百款甜品咁多 ,
真係花多眼亂都唔知揀邊款好 ,
就連主角都睇到心大心細 ^^
他們還有兩款超級芭菲有成 30cm 高 ,
而且如果是生日及特別日子惠顧這兩超級芭菲
餐廳會免費提供朱古力牌寫字服務
" 厚切煙肉卡邦尼意粉 "
主角至愛的卡邦尼意粉又怎少得呢 ?
不過我就覺得這個意粉好鹹 ,
嗱 ! 不愧為主角的至愛她一點也不覺得鹹 ,
而另一位朋都話有少少鹹
" 水牛芝士蕃茄薄餅 "
至於 Pizza 我個人覺得唔係好得 >.<
" Ufufu風南蠻炸雞 "
反而這個南蠻炸雞又幾好食喎 !
個醬汁是甜的如果不喜吃太甜的朋友可以不用了
" 九州風炸雞翼 "
這款雞翼是我點的 ( 看圖時好似好吸引 )
但原來它淋了甜醬汁對於我來說並不太歡喜 ,
不過雞翼都算炸得皮脆肉滑
" UFUFU軟雪糕牛角包 "
返屋後從網上找到介紹這款甜的文章 ,
原來佢哋嘅牛角酥是新鮮烤製的而且外酥內軟 ,
加上自家香蕉味軟滑雪糕和特製的蜂蜜糖漿 ;
朋友話牛角包配雪糕好似幾特別所以就 order 來試下 ,
拍照時已經嗅到陣陣的雪糕香味 ,
我只試咗少少其實未係試得好清楚 ,
但軟雪糕真的好香滑不過就唔係好食到香蕉味 ,
而另一位朋友就話呢個甜品 ok ,
佢話雪糕配埋又暖又軟的牛角包內層都幾好食 ,
咁又係一冷一熱又幾有趣嘅有興趣的朋友不防一試 ^^
" 馬龍栗蓉塔梳乎厘班戟 "
一去到餐廳未 order 正餐我已經話其中的一款甜品一定要食 Pancake ,
原來朋友都好鍾意食栗子味嘅甜品 ,
我見佢雪糕芭菲無揀栗子味 ,
所以就俾佢 Pancake 揀番栗子味啦 ! ( 其實我都好鍾意栗子架 ! ^^ )
喜愛栗子的朋友們千萬別錯過這款甜品 ,
厚厚的 Pancake 它並不是 Souffle 的質感 ,
它的質感有點似蛋糕這就是我喜歡的質感了 ,
而最估不到的是栗子蓉下竟然又是栗子味的雪糕 ,
Wow..............真的很 "正" 呀 !
從味試過栗子味的雪糕美味真的很美味 yum ! yum ! ^^
" 焦糖摩卡咖啡芭菲 "
這款甜品杯之前在 "風月堂" 食過 ,
可惜實物通常都與圖片不符 ;
但終於俾我搵到一間實物同圖片都差唔多嘅餐廳喇 !
我本身好鍾意食咖啡味嘅雪糕 ,
所以第一時間就搵下有乜咖啡味嘅甜品 ,
搵到喇 ! 搵到喇 !
對於我來說這個 "焦糖摩卡咖啡芭菲" 好好吃呀 ! ^^
不得不提他們的士多啤梨一點酸味也沒有反而好香甜 ,
只是略嫌底部的啫喱有點苦
" 朱古力香蕉雪糕拼酥餅芭菲 "
朋友無揀到栗子味嘅芭菲最終就揀了這款芭菲 ;
要搵多啲機會去試埋其他款嘅甜品先得 ^^
