一再 encore 的韓食店@小火焰韓式咖啡餐廳

07/06 上次試過好食所以今次同屋企人來食 ,

今次我哋有五個人應該可以試多幾款食物



上次唔記得影今次影番先得 ^^

其實後面都有一排平版電視 ,

這些電視除了播放韓國的 K-Pop MV ,

還有就是播放餐廳內的餐飲照片



" 檸檬藍柑梳打 "

有企屋人試咗好似話麻麻地



" 青蘋果奇異果梳打 "

唔想試新嘢所以飲番之前飲過的 ^^



" 韓風滷豬手 "

個豬手又腍又好味不消一會便給我們掃清了 ^^



" 瘋狂炸雞 Combo "

有炸手指魚 , 炸粗薯條同炸雞都 ok 好味嘅 !



" 拉絲芝士BB豬肋骨伴泡菜炒飯 "

雖然這個飯是上次吃過的 ,

但因為小妹妹話好食所以特別要再 encore



" 溶岩芝士韓醬牛肋麵包 "

屋企人在餐牌上見到這個已經立即話要食 ,

無骨的韓醬牛肋口感比較腍身 ,

至於載滿了韓醬同芝士溶的麵包就十分之好味 ,

可惜我哋實在食得太飽最終都無食晒個包 ,

今次做咗大嘥鬼添 ! >.<



" 韓式甜辣年糕炸雞 "

上次食過暫時覺得這店的炸雞是最好吃的 ,

所以今次再 order 比屋企人試 ,

可惜唔多夠熱所以感覺無上次咁好食 >.<



" 大韓年糕吐司 "

今次因為食得太飽但又想食這店的年糕吐司 ,

所以唯為有 order 了簡單的大韓年糕吐司給未試過的屋企人試 ,

個人還是覺得加點雪糕會吃得開心啲 ^^

其實今次的食物無上次咁熱所以芝士類的食物就比較差了一點 ,

但都還是值得推介的 ^^

觀塘工廈的人氣台灣食店@小時光 Schoool Cafe

03/06 無錯又是觀塘區因為我朋友的公司就在觀塘 ,

有時約她吃晚飯為了方便為了快都會揀這區 ,

其實都有好處大家都會好快返到屋企 ^^

早前已經在 openrice 睇中這間人氣 cafe 好想試 ,

所以今次就同朋友一齊去試了這間位於工廈的 cafe 店 ;

當晚我哋兩個找了很耐才找到此店 ,

由於 cafe 環境比較細小所以攞完號碼後就要在門外等候 ,

天氣這麼熱講真我真的有點受不了 >.<

其實這間 cafe 是以台灣舊式學校作為賣點 ,

店內的所有擺設都是一些古舊物品同玩具 ,

目的是想給人可以緬懷兒時的好時光



" 台式養生藥膳排骨湯飯 "

朋友由於要戒口所以全部油膩煎炸的食品都不會掂 ,

因此朋友當晚唯有揀這款藥膳排骨湯飯



" 台式三杯雞便當 "

朋友的老公試了這個三杯雞 ,

我試了一件可惜雞肉不夠嫩滑 ,

至於味道都已經不太記得清楚了



" 夜市香酥雞便當 "

我想穩陣啲所以就揀了香酥雞 ,

雖然不是特別好味但都 ok 嘅 !

不過件雞扒真係好大件好彩有幫手啫 ! ^^



" 焦糖拿鐵 "

我還試了他們的咖啡可惜味道比較偏淡不是我杯茶 ,

但在咁熱的環境下飲杯凍飲個人會覺得舒服啲



飲下飲下就會發現有隻長頸鹿喺杯裡面 ,

都幾得意嘅 !







但塊餅又甜又淋我就唔會覺得好食囉 !

其實總括而言這間 cafe 是他自己的特式 ,

不過全是自助式包括 : 買餐 , 自取食物 , 自取食具同調味料

還有用餐後要自行將用過的餐具交到回收處 ,

至於食物水準則比較一般不是太吸引 ;

而怕熱的我對住咁微弱嘅冷氣真的是投晒降 ,

如果當晚不是自備了風扇仔我諗我會邊食飯邊流汗 >.<

觀塘工廈的食店@Factory 99

23/05 早前因要同朋友交收所以就約了出來晚飯 ,

朋友建議了 " Factory 99 " ,

其實這間餐廳我在 openrice 都見咗好耐 ,

而且亦聽過有朋友講話好食 ,

可惜佢嘅賣相始終還是不能吸引我去試



但今次為了遷就朋友想早點食完晚飯早點回家休息 ,

所以就揀了這間餐廳而那裡的環境都算是舒適 ,

我特別鐘意佢哋樓底夠高 ^^



餐前的香草包質感都尚算是 ok 好吃



當晚我哋要了兩個 dinner set ,

一個餐揀了要是日餐湯而另一個就揀了 Starter ,

朋友就話聽到是 " 南瓜湯 " ,

但點解會飲到粟米味嘅 ? ? ?



" 吉列丹麥豬肉丸 "

這個新出的 Starter 都幾好味喎 !  ( 不過得兩粒有點不夠喉 ^^ )



" 松茸菌忌廉汁蝦天使麵 "

其實天使麵好難整得好食 ,

但這店卻煮得不錯很好吃只是略嫌忌廉汁多了點



" 廠家漢堡 "
(US 極級肉眼牛肉黑松露蘑菇巴馬火腿溶芝士 ) 配薯條

不知怎樣近期竟然愛上食漢堡 ,

嗱 ! 這個 Burger 的外型就十分之吸引我喇 !

如果佢係羊肉 Burger 我更加會愛死佢 ^^

雖然我唔多食牛但都吃了四份之一 ,

不過都幾好吃加埋粗薯條就真的好滿足呀 !



" 香煎新西蘭鮮羊仔扒蒜蓉燒汁配薯條 "

這店的羊仔扒都算是 ok 啦 !

不過要就朋友所以今次要咗八成熟 ,

如果平時我自己會要五成熟 ^^



Upgrade Dessert to Movenpick Ice-Cream (+$10)

我哋當晚叫了兩個 set dinner 如果加十蚊就有雪糕 ,

最後我哋緊係有加雪糕啦 !



餐茶要了咖啡

其實觀塘區的工廈近年真的開了不少各色各樣的食肆 ,

當然水準會有參次但亦不乏有好吃的餐廳 ,

今次遇到的這間都算是不錯的 ,

唔知下次又會走進那間工廈覓食呢 ? ^^

 

方便之選@吉敏吉列豚

19/05 當日朋友做運動前就同我一齊去九龍灣取機殼 ,

攞機殼前又先去醫下肚 ,

原先諗住去食 " 一風堂 " 嘅拉麵



怎料路過 " 吉敏吉列豚 " 又改變了主意 ,

因為之前都已經好想試這間餐廳 ,

而且當晚又見到不用排隊緊係立即轉軚啦 !



調味架有 : 吉列醬汁 (原味) , 芝麻沙律汁 及 七味粉等



原來他們同 "丼吉日本吉列專門店餐廳" 一樣要自己磨芝麻架 !



不過他們的芝麻不是咁易磨得開的 ,

幸好得朋友出手相助 ^^



" 吉列日本黑豚豬扒大海老定食 "

估不到這店的吉列都做得非常之鬆脆 ,

至於黑豚豬同大海老的質感也不錯 ,

以後如果想食吉列炸物又唔想出到尖咀咁遠也是一個不錯的選擇



" 章魚燒 "

好耐無食章魚燒見這店有就叫來一試 ,

可惜這個比較一般不算很好吃



食飽飽就同朋友去攞靚靚的機殼 ^^

優質而美味的晚餐@Cova Ristorante & Caffe

17/05 同朋友慶祝生日原先 book 了別的餐廳 ,

可惜當天臨近放工的時間下起大雨來 ,

所以朋友就想轉移到地鐵上蓋的餐廳用餐 ,

最終朋友就揀了這間位於九龍塘的餐廳



" Lobster Bisque "

當晚大家同樣要了龍蝦餐 ,

其實他們的套餐還有意大利前菜的 buffer table 可以選擇 ,
 但我揀了龍蝦湯個湯嘅味道好濃郁好好飲



餐前麵包我要了三款但款款都好好吃



" Risotto Aragosta Alla Milanese "

這個龍蝦意大利飯是朋友的



" Linguine Aragosta A.O.P & Pancetta "

我就揀了這個龍蝦意粉 ,

意粉的味道略帶點香辣是我喜歡嘅味道 ,

起了肉的龍蝦又方便又好吃 yum ! yum ! ^^



這件應該是 " 香橙朱古力蛋糕 "

朋友生日點都要食蛋糕所以跟餐加了 $60.00 要了這件 cake ,

當晚可選擇的蛋糕款式並不多 ,

朋友就揀了這款蛋糕一試可惜不是我們的那杯茶 



最後以 " Cappucino " 為這頓美味的晚飯畫上了完美的句號

優質的 Afternoon Tea@La Saison By Jacques Barnachon

18/06 之前已經試過這間由米芝蓮推介的餐廳嘅晚餐 ,

這次的晚餐令我同朋友都感到十分之回味 ,

而且大家亦好想再有機會到這裡吃晚餐 ;

怎料近期比我發現他們做緊團購的下午茶餐 ,

我緊係第一時間問朋友去唔去啦 !



他們的下午茶餐分 :

高級法式下午茶 + 咖啡/茶

高級法式下午茶 + 香檳



無錯我哋今次試了有香檳的那個茶餐 ,

雖然未飲但已經嗅到香味 ,

入口略帶微酸的味道不過都 ok 好飲



五款精緻的鹹點



另外還有五款精緻的甜品



下午茶最不能少的鬆餅



" 煙燻鮭魚迷你鬆餅 "

好精緻好好味 ^^



" 特選牛肉迷你漢堡包 "

比我想像中好



" 鴨肝凍批配香橙果醬 "

未食前已經嗅到鴨肝的香酥味 ,

兩者的配搭簡直是完美 yum ! yum !  ( 好想再來一客 ^^ )



" 根地芝士泡芙 "

這個泡芙是餐廳名物當然好食啦 !



" 火腿卷配油浸番茄 "

這款整到好似春卷咁又脆又好味



" 濃情朱古力軟心香蕉馬卡龍 "

馬卡龍雖然整得夠脆口 ,

但未合乎外脆內軟的要求不過都 ok 至少佢唔會好甜 ^^



" 雜錦草莓白酒果凍 "

新鮮的生果加埋清香的白酒果凍當然美味啦 !



" 荔枝撻 "

這個撻味道清甜而且內裡還有荔枝果肉真的很好吃



" 英式提子鬆餅 "

除了四季酒店的鬆餅好吃之外 ,

原來這裡的鬆餅味道也是很不錯



" 法式紅桑梅歌劇院蛋糕 "



" 芒果慕斯蛋糕 "

這餐廳的環境寧靜舒適加上店員既優質又窩心的服務 ,

而且食物水準又高讓我同朋友都過了一個愉快的下午 ^^