06/04 今日約咗小妹妹睇戲 , 睇戲前帶咗佢去 " Paul Lafayet " 食甜品 ,
基本上我去這店大多都是為了食 Cream Brulee 由一開始試便愛上了 ,
而我又知小妹妹都一樣鐘意食 Cream Brulee 所以一定要帶她去試試
" Cream Brulee "
大家都咁鐘意食緊係要一人一個啦 yummy ! yummy ! ^3^
Haha.................小妹妹果然都 " 勁 " 鐘意呀 !
見到有新牛油蛋糕出咗所以就 order 了一件來試 ,
好失望蛋糕個質感有點硬又鬆散不夠軟孰味道只得一個 " 甜 " 字 ,
幸好咖啡還算不錯 ^^
剛巧當日是媽媽的正日生日 ,
所以睇完戲便同小妹妹過銅鑼灣接媽咪放工然後一齊食晚飯 ,
一直都被 " 樂天皇朝 " 嘅八色小籠包所吸引好想去試 ,
今次終於有機會喇 !
當晚真的好多人我哋等位等到八點幾九點先有得入座 ,
好彩門外有好多位可供等候的人坐住等
店內環境感覺好寬敞好舒適燈光又有點昏暗 ( 我鐘意呀 ! ^^ )
" 榴蓮小籠包 "
雖然我都鐘意食榴蓮但咁新穎嘅小籠包我都唔係幾敢試
" 成都口水雞 "
呢個口水雞辣度適中我同小妹妹都覺得好好味
" 四川抄手拌麵 "
這裡竟然有抄手拌麵愛辣的小妹妹同我又點會錯過呢 ?
都幾好味吖 !
" 原味小籠包 "
其實最主要是叫比小妹妹吃的 , 因為她話唔食八色小籠包 ,
試咗一隻點解感覺啲肉有啲嚡口嘅 ? ( 小籠包還是 "鼎泰豐" 比較好食 ^^ )
" 八色皇朝小籠包 "
中間的一個是原味小籠包 ,
其他的順時針方向 : 蒜香 , 麻辣 , 人參 , 鵝肝 , 黑松露 , 芝士 , 蟹粉
上網睇番原來佢賣點係 8 種口味 . 7個國家 ( 你能對號入座嗎 ? ^^ )
我只試了某幾款感覺味道不是太特出隠約都可以食得出每款嘅味道 ,
通常噱頭嘢都係咁試過便算 ^^
" 無錫鮮肉鍋貼 "
當晚的鍋貼唔夠熱又唔脆口我好難會話佢好食囉 !
" 香芒布丁 "
小朋友恩物所以小妹妹實鐘意
" 檸檬蘆薈桂花蜜 "
媽咪一試便讚口不絕勁鐘意 , 真的咁好食嗎 ? ( 有機會一定要一試 ^^ )
" 桂花酒釀丸子 "
我最愛吃這個甜品好彩這裡的酒釀丸子也不錯只是甜了點 ;
這店的小籠包雖然是麻麻地但都有好吃的東西 ,
而甜品的選揀亦比較多價錢比我想像中平
28/03 差不多放工時朋友 L 突然約食 lunch ,
反正無約所以就立即應承了朋友的繳請 ,
其實有少少想睇花展但我知朋友 L 應該興趣不大 ,
而我又唔想食完 lunch 就回家因此就建議入赤柱 ,
但朋友 L 話夜晚要同屋企人晚飯時間上未必趕得及 ,
咁唯有先解決食 lunch 嘅問題 ( 邊搭地鐵邊上網睇 )
最終我哋去咗金鐘嘅 " 東海薈 " 飲茶
" 東海薈 " 嘅前身係 " 海都酒家 "
朋友 L 之前試過好似都幾 ok 咁一於去試下啦 !
去到時已經臨近 last order 唯有快快剔點心 ^^
餐前小吃 " 炸銀魚花生 "
估唔到啲魚仔仲有少少熱同脆口地都幾好食吖 !
" 名牌蜜汁叉燒 "
朋友極力推介又真係 ok 喎 !
叉燒既厚切又夠腍身十分之美味 ^^ ( 但一定要趁熱吃 )
" 脆皮流沙包 "
" 金網蝦筒 "
" 晶瑩鮮蝦餃 "
" 鮮竹牛肉球 "
朋友 L 的至愛我又要破戒幫佢食一粒
" 泰式海苔墨魚餅 "
原來無咩特別比佢個名欺騙咗添 ! ( 有少少失望啦 ! >.< )
不知是否因為臨近收茶市所以除了叉燒外全部點心都不夠熱 ,
食飽飽就搭電車落銅鑼灣睇花展 lu ,
今年是我第一年睇花展之前因怕人多又沒有人陪所以一直都未睇過 ^^
百合花是我其中鐘意嘅花 , 一入場就見到一堆又大又靚嘅百合
" 一串紅 "
" 毛地黃 "
淺紫色嘅 " 毛地黃 " 都幾靚感覺好似風鈴我鐘意呀 !
" 夏威夷大紅花 " 現場睇又紅又靚
花蕊中心好似扎染咁好得意好靚呀 !
" 三色堇 "
" 情人菊 "
呢隻由花砌成嘅白鸚鵡感覺好神氣呀 !
" 蝴蝶蘭 " 是今年的主題花
感覺好似幅油畫一樣
由於時間嘅關係我哋無行晒成個花展就要走人喇 !
當日都有啲熱所以離開花展後就搵個地方飲番杯凍飲先 ,
最終入咗位於天后地鐵附近的 " Cafe Eos I "
行花展前見珍珍薯片在街頭做緊宣傳推廣只要 like 佢個專頁就有一個汽球 ,
朋友 L 見到就好開心咁 like 咗個專頁攞咗個汽球返嚟 !
在等飲品同食品時便借來拍下照以作留念之用 ^^
" 香蕉核桃蛋糕 "
蛋糕整體又濕又甜我仲食到有麵粉味添 ! Oh no...............>.<
" 鮮茄鹹魚仔芝士蒜蓉包 "
呢個多士好食得多原來我同朋友 L 都好鐘意食意大利鹹魚仔架喎 !
" Spanish Ice Coffee - (W/Ice Cream) "
咦 ! 第一次見到有西班牙凍咖啡緊係要試下啦 !
呢杯嘢肯定好肥但都 ok 幾好飲嘅 !
