20/11 同屋企人食生日晚飯天氣開始轉涼不是火鍋就是燒烤 ,
今次最終揀了荃灣的 " BBQ Military " 以軍事為主題的韓燒店
入口處亦佈置成軍事用地 ( 都算有少少特色啦 ! )
餐廳環境比較寬闊不似尖沙咀 " BBQ 7080 " 姊妹店咁迫
枱上的軍用水壺內是有茶的 , 當食客飲用完可以叫店員加水的
每人一份前菜 (凍豆腐 , 波菜 , 泡菜) + 配料 (生洋蔥 , 鹽同麻油)
而麵醬, 蒜片同辣椒則是二人供用一份
" 烤豬皮 "
第一次食烤豬皮加埋黃豆粉一齊吃有少少甜甜地都幾得意
當晚店方送的 " 烤魷魚 "
" 烤牛小腸 "
之前食過是爽口的覺得都唔錯所以今次再 order
" 烤牛脷 "
大大片的牛脷屋企人勁 like ( 我都偷食咗一塊 ok 呀 ! ^^ )
" 烤豬腸 "
" 烤醬辣五花腩 "
" 烤牛肋骨肉 "
個牛肋骨肉好似好碎 , 我無試唔知好唔好食呢 ?
" 烤辣豬腸 "
辣豬腸當然好食啦 ! ^^
可能環境無咁迫連油煙都相對無咁大 ,
店員換烤盤的次數亦好頻密
屋企人勁 like 牛脷所以再來多一 round
" 烤多春魚 " 我細佬的至愛
" 濟洲島黑毛豬面青 "
見係黑毛豬咪要一客來試下 , 但無咩特別感覺一般啦 !
" 煎泡菜餅 "
" 濟洲島黑毛豬頸肉 "
反而呢個黑毛豬頸肉有驚喜好食 ( 所以前後共 order 了兩客 )
而伴碟的二大片韓國菇原來用來烤一樣咁好食 yummy ! yummy ! ^^
" 韓式拉麵 "
其實無咩特別只是普通的辛辣麵 ,
只是店方用了軍用的水壺來盛載拉麵先顯得有少少特色
原先我無要飲品只是飲茶 , 但最後還是要啤一啤 ^^
食飽飽就轉場食甜品 , 今次揀了上次食唔到嘅 " Sugar Land "
" Mr. Black "
( 朱古力奶凍配石板街雪糕 )
這個是屋企人 order 的其中一款甜品 , 我無試但屋企人就話好食
" Creme Brulee " 好彩比想像中好食
" 藍莓窩夫伴雪糕 "
" 香蕉窩夫伴雪糕 "
窩夫雖然是即叫即整都算夠脆口 , 可惜比較薄身不是我杯茶
26/10 天氣確實轉涼了不少又是開爐的好時候 ,
除了早前的 Halloween cookies 今次還整了好耐無食嘅 Banana Bread ,
以前喺屋企附近的麵包店食過 , 但唔知由幾時開始就無咗 >.<
後來比我搵到呢個食譜做出來的成品味道同以前麵包店食到的一模一樣 ,
而我鐘意整的主要原因就是它易整得來又好味 ^3^
屋企得兩人如果要食香蕉的時候往往就會出現這種情況 ,
呢個時候就是用來做 Banana Bread 的最好時機
兩條香蕉話咁快就變咗四大隻 Banana Bread ,
Haha................可以同媽咪每人兩隻 ( 可以食到兩日早餐 ^^ )
---------------------------------------------------------------------------------------------------
16/11 食完不足一個月又想食喇 !
今次想與朋友分享所以就預多了一份香蕉 ,
香蕉一定要起梅花點整出來的 Banana Bread 先會夠香
又出爐喇 !
咦 ! 今次嘅成品好明顯無上次咁靚仔 ( 好彩依然咁好味 ^^ )
今次是即日整即晚就食了半個 , 原來整完即日食果面是脆口的 ;
幸好朋友都鐘意這個 Banana Bread 她同我一樣分了兩日做早餐 ,
她還抵死的 send WhatsApp 話我知第三天沒有得吃了 ,
我唯有同佢講下次啦 ! ( 朋友少食多滋味呀 ! ^3^ )
26/10 難得星期日同媽咪一齊放假所以就同佢去九龍灣食拉麵 ,
九龍灣店都開了好一段時間但今次還是第一次踏足此店 ,
但個人感覺還是鐘意尖沙咀店多啲 ^^
" 特製一風堂辣肉味噌 "
睇圖時好吸引所以就 order 來一試
呢款拉麵原來是好幼身的 , 至於麵既軟硬度我已經揀咗 " 硬 " ,
但當食第一啖時麵質比想像中腍身幸好味道不差
" 函館塩味 "
媽咪揀了這款唔知好唔好食呢 ?
" 一風堂 '炸蛋' "
( 豚肉半熟蛋伴水菜 , 他他醬 )
媽咪同我一樣都是好鐘意食半熟蛋 , 所以就 order 了這款小食
--------------------------------------------------------------------------------------------
15/11 如果不是朋友通知我都唔知 " 單身男女 2 " 已經上畫 ,
第一集我是同她睇的今次續集緊係一齊睇啦 !
通常對於續集嘅戲寄望不大 ,
雖然已估到個結局但估唔到今集依然咁好睇 ,
故事一樣咁令人感動 ( 我都有少少眼濕濕架 ! ^^ )
睇完戲唔知食咩好同朋友左揀右揀都係食 " 一風堂 "
" 海帶松葉蟹豆腐沙律 "
新產品賣相又靚緊係要試啦 !
有四件體積不算小的蟹肉加上不同的材料整體都配合得好好味 ,
又健康又美味所以極力推介呢個沙律直得一試 ( 只限尖沙咀店供應 )
另外店員亦都好好人問我哋是否食完沙律才上拉麵 ,
這個當然啦 ! 在此再一次多謝店員貼心的服務 ^^
通常我都會試期間限定的拉麵 , 今次當然都唔會例外啦 !
" 味噌赤丸拉麵 "
番睇一風堂網頁才得知這款拉麵喺日本是 No.1 最受歡迎嘅限定拉麵
原來呢款拉麵嘅最佳配搭是牛油粟米 ,
但牛油粟米要另加 $10.00 我當然照加啦 !
呢款拉麵湯底夠濃麵條又夠粗兼且又爽口彈牙 ( 我超鐘意呀 ! ^^ )
原來這個味噌赤丸拉麵嘅粗度有 2.15mm ,
而一般拉麵粗度就只有 1.5mm
(相片借用於朋友)
" 雞湯豬骨拉麵 "
朋友唔知食咩拉麵好而我之前又食過呢款拉麵覺得幾好 ,
於是咪推介比朋友囉 ! ( 點解今次個拉麵咁淡味嘅 ? ? ? >.< )
