限定期間 . 限定優惠@一風堂 " 德島拉麵 "

25/06 上次同朋友 M 食過 " 德島拉麵 " 今次朋友 K 又叫我陪佢去食



我當然無問題啦 ! 經過上次今次緊係識揀星期三的 " 限定優惠 " ^3^



不用多說一人一碗 " 德島拉麵 " yummy ! yummy ! ^^



" 車厘茄串燒 "

上次食過覺得 ok 所以再 encore



" 雞翼串燒 "

個人覺得這店的串燒雞翼皮脆肉嫩非常好味 ,

而朋友又鐘意食雞翼又豈能不叫呢 ? ^^

現在還剩一日的 " 限定優惠 " ( 02/07 星期三 ) 

超美味的炭燒黑毛豬柳@RUSTICO

21/6 又到星期六約了一位好耐無見既朋友食 lunch ,

朋友鐘意食好嘢所以特別向她推介我近期鐘的西班牙餐廳 ,

星期二訂位時還有店員還說 lunch set 去到 2:30pm ,

怎料當天沒有 lunch set 供應 ,

細問店員下才知道現在的星期六已經沒有 lunch set 了  ( 有點失望 >.< )

算啦無 set 都好既可以試下其他食物 ^3^



" 脆炸雞肉忌廉球 "

好好味我好鐘意個雞肉忌廉球本身已經好夠味可以不用點沙律醬 ^^



" 傳統西班牙馬鈴薯洋蔥奄列 "

料多蛋少又唔夠厚身好似用蛋皮包着薯仔同洋蔥感覺 " no good "



我都係鐘意食上次的厚度多啲 , 但唔知幾時先食得返 ?



" 炭燒黑毛豬柳伴 Pluma 烤時令蔬菜及西班牙蕃茄甜椒汁 "

炭燒黑毛豬柳 " 超正 " 豬柳略帶炭燒味肉質亦好嫩滑 ,

個人感覺就咁食個黑毛豬柳已經好夠味所以反而顯得個汁無咩味道 ,

呢個炭燒黑毛豬柳是必食推介 ^3^



飯後甜 " Tiramisu "RUSTICO" "

係 Tiramisu 面加上朱古力脆米好特別好好食  ( 暫時係出邊未食過 )

今次還多了一小瓶吉士醬醬裏好似加了 Sherry Wine 特別得嚟又好味 ^^

這店星期六雖然沒有了 lunch set 但就加了 Tea set ,

Tea set 都是一款甜品 + 一杯飲品  ( 明顯甜品比之前多 ) ,

同朋友傾計不知不覺就坐到四點幾先走人 ^^

心太軟邂逅芒果@Suzuki Cafe Co

20/6 之前朋友係網上見到 Suzuki Cafe 既 " 心太軟 " 好似幾吸引 ,

所以就諗住約埋我一齊去試喇 !  ( 我當然有應承佢啦 ! ^^ )

這日式西餐廳來香港開的第一間店就是在 APM ,

當時都有去試過雖然有點貴但環境同食物質數都算不錯 ,

但已經有好一段時間沒有再光顧了 ,

今次我哋去了 TheOne 的分店餐廳環境比較細小



" 黑松露菌滑子菇湯 "

朋友好想試呢個湯但這款湯只可散叫所以就 order 了一個來 share ,

呢個 " 黑松露菌子菇湯 " 同 "黑松露箘忌廉湯 " 原來是有點不同的 ,

個湯充滿着濃濃的菇味開頭有點不慣可能少了忌廉的味道 ,

飲下飲下又幾 ok 而且這湯的用料亦好充足直得一試



" 海胆珍珠帶子伴忌廉汁烏冬 "

又係朋友想試的但估唔到真係好好味鮮甜既海胆濃濃的忌廉汁 " 正 "



" 龍蝦汁海鮮焗飯鍋 "

既然要咗一個意粉另一個就要個飯啦 !  ( 看圖好吸引好想試咁就揀佢啦 ! )

海鮮料真係好多呀 ! 別看似是小小的一鍋但原來個飯都是好多的 ,

個焗飯唔係話唔好食但食完上邊個咁濃味既烏冬就變得比較淡味少少 ,

但我都 ok 既佢最少都係比日米我食吖 !



我的 " Cappuccino "

晚餐後邊嘆咖啡邊等甜品 , 這店的咖啡都算中規中矩啦 !



第一次來的 " 心太軟邂逅芒果 "

呢個心太軟好明顯係焗得比較熟連少少朱古漿都無 ,

我同朋友研究咗一陣都係決定同店員反映意見 ,

咁店員姐姐都好好人話幫我哋換過不過要等多十五分鐘  ( ok 既 ! )







十五分鐘後的 " 心太軟邂逅芒果 " 今次終於流心喇 !

香濃的朱古力又不會太甜好 " 正 " 呀 ! yummy ! yummy ! ^^



我通常好小會睇港產片但朋友話聽講呢套戲幾好睇 ,

所以食飽飽行咗一陣就去睇戲喇 !  ( 又真係幾好睇喎 ! ^3^ )

美味的 "德島拉麵" @一風堂

之前 " 一風堂 " 既期間限定曾經推出過 " 德島拉麵 " ,

我同朋友一試之後便深深愛上朋友鐘麵既硬度 ,

而我就愛佢既豬骨湯底 , 自家製香甜辣醬滷豬腩肉 ,

仲有滑溜既鮮玉子用來伴拉麵食一流 ,

所以一直都對呢款拉麵念念不忘



估唔到佢今次期間限定又再度推出緊係即刻約朋友去食啦 !

現在還推出限定優惠 : 6月18日, 6月25日及7月2日 (星期三)

只需以優惠價$68.00就可以享用原價$88.00的 " 德島拉麵 "



可以再次食到呢款拉麵真係好開心 yummy ! yummy ! ^^



" 串燒盛 (5點) "
(金菇煙肉卷 , 車厘茄 , 雞翼 , 銀杏 , 流心蛋豚肉卷)

每次來這裡除咗食拉麵之外還會試一款食品 ,

今次我比佢個 " 流心蛋豚肉卷 " 吸引咗加上我又鐘意多款式 ,

所以就 order 咗一個串燒盛來試下 ,

流心蛋豚肉卷果然好食 , 而雞翼既皮有少少脆口雞肉亦算嫩滑好食 ,

車厘茄我同朋友都好鐘意黃色那款因為好鮮甜  ( 再來一串也無妨 ^^ )



" LILAC "
(Blackcurrant puree with a delicate hint of pear, violet flower and
natural vanilla flavours in a chocolate ganache)

" SAO TOME "
(Dark chocolate ganache made exclusively with cocoa beans from
Grand Cru Sao Tome)

知道 " Jean-Paul Hevin " 既 Macaron 近期出了兩款新口味 ,

雖然已經食到好飽但都依然拉朋友去試食 ^^

兩種味我都鐘意朋友就比較鐘意佢既朱古力味 ,

咁 SAO TOME 既朱古力味又真係幾濃又唔會好甜 ,

我只試食了半件但整個口腔都充滿了香濃的朱古力味好滿足呀 !

但我還未試佢新出既水果軟糖要找機會試試先得 ^3^

新嚐試@盈暉海鮮酒家

Happy Friday 同朋友去食後補的生日晚飯 ,

今次去試咗一間從未食過的酒樓 ,

酒樓既環境都算舒適而枱與枱之間既距離亦不會太近



餐前小食 " 脆皮燒腩仔 "

脆脆的燒腩仔皮真係好好食



" 七味椒鹽鮮魷 "

雖然唔算特別好食但好在炸粉唔算厚 , 而炸物亦不算好油都 ok 既 !



" 錦江海鮮豆腐 "

見到隔離枱食緊呢個石窩好似好吸引所以便叫了一個 ,

原來嗰醬汁是甜甜地的不是我杯茶但都唔算差既 !



" 蒜茸粉絲蒸聖子皇 "

大大隻聖子真係好鮮甜而美中不足的是依然食到一兩粒小沙粒



飯後還有生果附送 ^^

同朋友食飯真開心談下往事講下現況唔經唔覺又一晚了 ^3^

Sunday在家的自煮樂

星期日係屋仲最好做咩 ? 個人覺得最好係整嘢食 ,

因平時放工回家已經無咩時間慢慢搞 ,

所以我鐘意係假期慢慢搞然後慢慢享受美食



早前係 759 買咗不同味既拉麵放假最好就係整大碗拉麵 ,

因為有時晏起身就早餐連午餐一齊食 ^3^

今次就試下 " 宮崎縣 - 鷄塩味 "



早前朋友俾咗兩隻温泉蛋我都未試今次一於加埋入拉麵度先



我好鐘意係拉麵面舖滿晒餸 ^^

鷄塩味既拉麵清得來都幾好味 , 而隻温泉蛋都算 ok 好味 ,

有時用來止下咳都幾好架 !  ( 這是懶人的最佳之選 ^3^ )

-------------------------------------------------------------------------------------------------------------------------




舊年喺 Grand Central 飲過呢款 Apple Cider 覺得好好飲好香蘋果味 ,

我亦試過推介比朋友飲朋友們都覺得 ok 不錯 ,

我又試過用佢嚟煮汁都係好 " 正 "

今年見佢出多一款 Pear Cider 貪得意又買來一試



早前係 Ocean Three 的開心星期三見加拿大翡翠螺做特價 $58.00 一份大約有20隻 ,

由於媽咪同我都好鐘意食所以諗都唔駛諗便買了一份 ,

但估唔到隻隻都好大隻好肥美我同媽咪食一份可分 3 次 ,  ( 現在還剩番一次 )

原來用醋來拌食都一樣好好味 , Haha...........真係可以一汁兩用 ^^



" 陳醋拌西班牙黑毛豬扒 "

上次整過蘋果芥末子汁但媽咪唔多鐘意 , 所以今次簡單啲用陳醋就算 ,

估唔到佢竟然鐘意呢個食法 ( 咁以後真係可以慳水慳力 ^^ )

黑毛豬的做法亦同上次有所不同雖然是好了點 ,

但仍是略嫌較熟睇嚟下次要再放膽一點  ( 我要見到粉紅色 )



試咗 Pear Cider 個人感覺都係 Apple Cider 好飲啲 ,

可能梨味比較清淡無蘋果味咁香啩 !

遲來的生日飯@caffe HABITU the table

朋友本應是5月生日的但因主角屋企有事所以推遲到現在 ,

俾咗幾間餐廳朋友揀最終還是揀了在這裡 lunch ;

之前美麗華店的 Habtiu 星期六下午並不多人通常放工過來都有位 ,

但今次聚會可能人數多所以足足等了一小時有多 T-T

我諗下次多人聚會一定要揀有得訂位的餐廳



" Beer-Battered Fish n' Chips " 來這店是必食之選

加上主角又勁鐘意食炸魚薯條啱晒 ! ^^



" Tartufo "
Wild mushrooms and black truffle

在這店食 pizza 大多數都會揀呢個 , 因為又清又香又好味



" Roasted Portobello Mushroom "

呢個焗菇整得好 juicy 好好味 , 而且仲有好多菜 yummy! yummy!



" Spaghetti Carbonara "

這是另一位朋友的至愛但對於我嚟講只屬一般 ,

不過這個意粉都做得不錯如鐘意這粉的人不妨一試



" Sticky Honey Chicken Wings " 雞翼都 ok 好味






" Everyone's Favourite Baby Back Ribs "

這店的 Ribs 都幾好食因為它不是烚到腍晒的那種



" Rose Latte "

來 HABITU 這款飲品會是我的首選 ^3^

久違了的粥麵店@灑家

星期二約了朋友在觀塘的 apm 睇戲 ,

咁順理成章都會在那裡晚餐 ,

早前朋友話好耐無去過 " 灑家 " ,

其實我都好耐無去嗱 ! 所以今次晚飯就揀了這裡 ^^



" 灑家鮮蝦雲吞麵 "

朋友一坐下第一時間就話要 order 雲吞麵 ,

不過這裡的雲吞麵又真係幾好食既 !  ( 我連湯都飲埋 ^^ )



" 皮蛋薑炸蝦筒 "

這款點心我只在這店食過感覺幾別幾好食 ,

所以差不多每次來都會 order 呢款點心 yummy ! yummy !



" 鮮蝦腐皮卷 "

這亦是我喜歡的點心之一  ( 整晚彷彿好像是全蝦宴 ^3^ )



" 奶皇千層糕 "

好似幾吸引便叫來一試可惜同我想像的有好大落差 ,

呢個千層糕又無蛋香味又唔夠軟熟真係有啲失望 T-T

其實 " 灑家 " 由開始只有粥麵同點心而演變到現在都有埋小菜喇 !

下次一定要搵機會試下先得  ( 因我哋喺餐廳不停嗅到好香既醬油味 )



食飽飽就去睇 " 黑魔后 - 沉睡魔咒 "

原先大家都以為同 " 睡公主 " 既故事差唔多 ,

睇落先知同我哋熟識既故是有所不同的 ,

但卻帶出了深層次既意思直得令人思考 ,

有興趣的不妨入戲院感受一下 ^3^

一再encore的美味西班牙餐廳@RUSTICO

自 24/5 到過 " RUSTICO " lunch 後便有少少愛上呢間西班牙餐廳 ,

有好嘢緊係要介紹給朋友適逢朋友要出來同我哋攞書算你有食神 ,

一於星期六放工同你去試試呢間咁好味既西班牙餐廳啦 !



朋友真識食麵包一到就問店員要橄欖油同意大利醋 ,

可惜麵包唔及第一次好吃可能唔夠熱 ;

朋友 M 一睇餐牌就發覺佢哋好似有少少轉咗無所謂啦 !  (又可以試新嘢 )



頭盤 : " 些利酒洋蔥燴幼嫩小魷魚 "

上次食是脆炸幼嫩小魷魚感覺好可口 ,

而今次的燴魷魚就變得鮮甜同 juicy 相比我會鐘意呢個多啲 ^^

另外小魷魚旁的是北非小米這種米我之前食過一次感覺幾得意幾好味 ,

今次用北非米伴小魷魚一齊吃好食  ( 個人喜好如果走埋提子乾就更加好 )



頭盤 : " 特色鮮蝦沙律配香橙油醋汁 "

呢個沙律蔬菜夠新鮮 , 蝦又爽口彈牙 , 個沙律汁都 ok 好味



頭盤 : 是我最鐘意的 " 傳統西班牙馬鈴薯洋蔥奄列 "

今次個奄列又夠金黃色 , 又夠厚身又多薯仔 " 超愛 " ^3^

上次伴蕃茄多士 , 而今次則伴了 ham 都唔錯喎 !



主菜 : " 炭燒美國安格斯肉眼配野菌黑松露汁 "

雖然我唔多食牛但都會叫朋友試 ( 見個樣幾好我又試咗少少 )

塊牛扒完全夠味咩嘢醬汁都可以不用點 " 好食 " ,

所以食完一小件又再來一小件 yeah ! ^^



主菜 : " 廚師精選煎海魚配特製西班牙蕃茄甜椒汁及時令蔬菜 "

可能之前同朋友在另一餐廳都食過皮脆肉滑的煎魚 ,

所以這個相對變得較一般但都 ok 既 !



主菜 : 點少得我的至愛 " "RUSTICO" 招牌西班牙海鮮炒飯 "

這個炒飯對於我來說真係十分美味所以一定要再 encore ^3^

今次無上次咁鹹但依然十分好味 yummy ! yummy !

及後聽店員講是因為聽取了顧客的議見 ( 原來覺得鹹的不只我一人 )

然後再同大廚溝通而調節出啱顧客口味的美味食品 " 抵讚 "



" Tiramisu RUSTICO "

上次太飽所以無試甜品 , 今次終於可以試嗱 !

這個 Tiramisu 同平時食開的有點不同 ,

重點無加魚膠 ( 正統做法 ) , 底層的不是手指餅或蛋糕 ,

面層加上了朱古力脆脆整一齊食有講不出的美味 ,

試完一口真係好想再多來一杯 , 這個是必食推介 ^^



" Caramelized Catalan Cream "
( 嘉泰羅尼亞焦糖燉蛋 )

大家會聯想到係咩呢 ? 無錯大多數都會第一時諗起法式焦糖燉蛋 ,

當我哋試食了一口後感覺完全唔係果會事是有點失望的  ( 但不是唔好食 )

但多吃幾口又覺得廚師是在做另一樣東西 ,

於是朋友 L 第一時間找來店員問過清楚 ,

而朋友 M 就立即上網搵答案  ( 大家都好似好好學 ^^ )

原來這是一個西班牙的甜品 ,

甜品的材料有 : 蛋, 糖, 玉米粉, 肉桂, 檸檬皮同奶等

在網上搵到的資料同店員所講的差不多 ,

食落都幾特別可能我鐘意肉桂味所以都覺得呢個甜品 ok ,

所以大家記住食呢款甜品時千萬不要同法式焦糖燉蛋比較了 ,

因為佢哋根本係兩款唔同既甜品但都是直得欣賞的 ^^

餐廳雖是新開業但都不斷聽取顧客的議見而不停改進食品的質數 ,

一間咁有質數既餐廳是直得支持的  ( 是我近期最愛的食店 ^3^ )