Sunday在家自制大碗拉麵

有時喺屋企想食碗似樣既拉麵點算好 ? ? ?



早前朋友就推介了這款拉麵給我試 , 麵質對於我而言都算不錯 ,

如果時間控制得好在家都可煮出爽口彈牙的拉麵 ^3^ 









早前喺網上見人 post 呢款 "鬆弛熊魚蛋" 好可愛呀 !

所以立即去吉之島帶咗佢返屋企 ,

雖然是日式魚蛋但唔算甜而且仲爽口彈牙 ok 架 !  ( 雖然有少少貴但我就勁愛 )



自家制的 " 大碗拉麵 " 誕生喇 !

星期日有時當然可以花心思整得豐富一點 ^^

平價版炸豬扒店@吉豚屋吉列豬扒專門店 Ca-Tu-Ya

今晚放工作後同朋友去書局打書釘兼逛超市 ,

出得街緊係要搵食啦 ! 之後我哋去咗我一直都好想試既炸豬扒店晚飯 ,

" 吉豚屋 " 這名字是從飲食雜誌上認識的是一間平價的吉列豬扒專門店 ,

之前都有朋友試過話 ok , 但就是找不到人陪我去試今晚終於有機會喇 ! ^^






" 雙層吉列豬扒定食 " 這個定食都不用一百元

不得不提的是 " 野菜豚肉湯 " 用料豐富又好飲 ,

如果用價錢來計都算又抵又好食 yummy ! yummy ! ^^



" 吉列炸蝦豬柳定食 "

我同朋友對於食都是比較貪心的常常都想食多款式 ,

所以就 order 了兩款唔同既定食來 share ^3^



清熱之選 " 菊花蜜特飲 "

食飽飽見食店的人流並不多所以再 order 杯飲品邊飲邊傾計 ;

總括而言價錢與食物質數都算合理 ,

如果有時想食件好啲既平價炸豬扒這店會是不二之選 ^3^

偶然的機會下遇上美味的意粉醬................

某次同朋友去 city'super 購物時在偶然的情況下與一位意大利人交談起來 ,

原來大家都好鐘意食嘢所以他就介紹了兩款美食給我們



" 法國鵝肉絲醬 "

之前 gathering 已經買來試過 , 本人同朋友們都覺得十分之美味



而另一款就係呢個意大利既意粉醬

第一次試時意粉醬一開蓋時已經香味撲鼻連屋企人都讚 ^^



昨晚就試咗呢個味都 ok 喎 ! 

個人感覺呢個醬真係超得是近期的大愛 ,

所以暫時都會揀呢個牌子作意粉的良伴 ^3^



Haha.................甚少下廚的我第一次煎雞扒效果都幾滿意  ( 起碼全部熟晒 ^^ )

連我媽咪都做唔到呀 !

另類燒烤@巴希雅海灣重慶燒烤

平時同屋企人好少有戶外活動通常都是去食肆食下飯,

19/04 今次係復活節期間就約了屋企人去 BBQ ,

燒烤場的地點是屋企人建議的開頭諗住試下啦 !

及後才知原來我舊年已經同朋友去過一次 ,

個人感覺好似玩串燒咁個爐太近又熱又辛苦所以不太喜歡 ,

始終都是鐘意用燒烤叉叉住來燒



其實食物種類都算多 , 雞腎同豬頸肉都幾好味 ,

但唔記得雞翼原來是無味的 >.<







煙肉 + 車厘茄一齊食原來都幾夾



有我喜歡的羊架而且味道都算不錯



最後燒蔬菜同生果類 , 原來燒茄子真係好好味架 !



燒香蕉聽朋友講就聽得多今次都是第一次試又幾好味喎 !

台式休閒餐廳人氣店@TeaWood

06/04 連續兩日假期都約了人睇戲 



其實平時多數鐘意睇西片多啲偶爾都會睇下港產片既 ,

但今次揀睇呢套港產片是因為有靚人靚景的吸引 ,

睇完套戲個人感覺輕鬆得嚟又有搞笑位都幾好睇吖 !

一早預好咗睇完就去試 TeaWood ,

可能是三個人的緣故等候時間相對比兩個人耐  ( 足足等了一小時 )



我的 " 綜合水果茶 "

餐廳的招牌飲品緊係要試啦 !

呢個水果茶都 ok 既佢特別之處是在飲品中加入話梅都幾得意 ,

但飲過 "咖啡弄" 的水果茶就會略嫌這個水果茶的生果不夠新鮮



友人的 " 香蕉巧克力冰淇淋 " 試飲咗一嗒都 ok 好飲喎 !



" TeaWood 香辣牛肉麵 "

係網上見人讚呢個牛肉麵不錯 ,

雖然我唔多食牛但都推介俾友人一試  ( 她們都覺得好吃 ^^ )



" 醬燒豬軟骨麵 " 我自己就試咗呢個豬軟骨麵 ,

美味既湯底 + 滑滑既台式麵條 + 又腍又入味既豬軟骨 " 正 "



" 金黃鹽酥雞 "

係網上見好多人讚所以一試但個人感覺一般



" 草莓香草蜜糖磚塊 "

揀呢間餐廳既最終目的就是想試呢個甜品 ,

雖然好味但我都是較喜歡窩夫多啲 ^3^

BO-LO'GENE Cafe & Bar

05/04 同朋友睇戲前都唔知食咩晚餐好 ,

最後諗住食壽司但在等候期間朋友覺得隔離餐廳既大蘑菇好吸引 ,

於是兩間都有攞飛等位最後日式西餐廳先有位 ,

就係咁就試咗 BO-LO'GENE Cafe & Bar ,

其實這店的丹麥是好出名的 , 之前試過可惜不是我杯茶



呢個沙律菜都算新鮮幾好味



" 粟米濃湯 " 真係好濃好甜 I like it ! ^^



我同朋友都要咗呢個餐 " 焗雜菜芝士大蘑菇 "

炸薯條熱時還可以 , 雜菜芝士大蘑菇真係好好味又好 juicy " 正 "



朋友的餐配飯而我就配丹麥多士比朋友試下 ,

朋友食第一嗒時已經話好甜  ( 咁即係不是她杯茶啦 ! )

我第一次食又是覺得佢甜所以不是我杯茶 ,

雖然呢款丹麥包不是我哋杯茶 , 但佢仍然有好多 fans 的 ,

就如隔離枱試食完之後就立即同店員要了兩包賣走



餐飲加 $13.00 要咗 " 抹茶鮮奶 " 

抹茶味不足但鮮奶都算滑既 ! 這間餐廳對於我嚟講試過便算



食飽飽就同朋友入場睇戲喇 !

個人感覺美國隊長係呢集型仔咗好多 ^^

兩隻為食鬼又出動喇!@K-Town Korean Casual Dining/Lab Made分子雪糕專門店

04/04 有朋友到 K-Town Korean 晚飯然後 WhatsApp 圖片給我及另一位朋友 ,

跟住另一位朋友見圖後就立即話好想食韓國菜 ,

於是我就自動請纓話陪佢去食喇 !

其實這韓國餐廳之前都來過一次都 ok 既 !



落完 order 無耐就上菜先來六小碟

咦 ! 同上次有少少唔同喎 ! 但都一樣咁好味 ^^



" 海鮮香蔥餅 "

好彩有大, 小size之分我哋兩個人緊係要小size喇 !  (其實都幾大塊)

呢個韓式煎餅既粉漿好似厚咗少少 , 如果可以薄啲脆啲就更加好



" 石鍋雜錦拌飯 "  (有牛/豬/雞可供選擇)

我唔食牛所以揀咗豬 , 但只得四片之多反而菜就有好多 ,

好彩都有香脆既飯焦補償番 ( 這亦是鐘意食石鍋飯的原因之一 )



呢個唔知係咩嘢湯但都幾好飲  (相片借用朋友的)



我的 " 奶醬脆多 "

食完晚飯後逛了一會就同朋友去試我一直都好想試既分子雪糕 ,

其實分子雪糕已經興咗一段時間但佢之前係大坑又真係無咩幾何

以店前企滿了食雪糕的人感覺好熱鬧 ;

早前店主上過電視整過呢款奶醬脆多給評判試食好似幾吸引 ,

所以我揀了這款雪糕內有脆多加上淋面的奶醬又幾神似 yummy! yummy!



朋友的 " 奶椰糖不甩 "

朋友唔想兩杯都一樣所以佢揀咗呢款咁大家都可以試多一種味 ^^

椰奶雪糕面加上糖不甩的椰絲花生食落都有少少似



海港城的 " 櫻花祭 " 回家途中見無咩人影番張相先



去到碼頭見到 " 蜘蛛俠 " 又影多一張

再一次回味@銀座藏人

01/04 朋友溫書溫到悶悶地突然諗住找我去食晚飯 ,

之前同朋友講過話好掛住 " 銀座藏人 " 既定食 ,

朋友見愉景新城既店舖就嚟要裝修所以就提議去那裡 ,

這個當然好啦 ! 正合我心意又可以回味一下 ^3^



朋友的 " 山海烏冬鍋彩花魚生飯御膳 "  ( 借用朋友的圖片 )

朋友比較鐘意食魚生飯所以就揀了這個 , 朋友的這個也很豐富 ^^



我的 " 山海烏冬鍋壽司天婦羅御膳 "

在這食店食嘢個人感覺好超直價錢唔算貴但就好鬼豐富 ,

我比較喜歡食這店的天婦羅粉漿脆薄而不覺油膩 " 正 "

烏冬估計是自家製的因這店的烏冬比平時食到的粗好多 ,

壽司刺身用料新鮮壽司飯都算 ok 不錯不錯 ,

唔知喺佢裝修前我仲可以食到幾多次呢 ? ^3^  

Waffle 停不了@UCC Coffee Shop

29/3 這班朋友已經有好一段時間沒有一齊出來聚會了 ,

難得今次可以約埋一齊 lunch 聚一聚 ,

本應想試奧海城的 " 金滿庭 " 可惜只接受中午十二點幾的訂位 ,

咁唯有 walk-in 啦 ! 去到已經是下午二點但要三點交枱 ,

只得一小時又點夠我哋聚舊呢 ?

所以最後轉咗去無時限既 " UCC " ,

已經好耐無嚟呢間餐廳喇 ! 不過之前都係食晚飯但 lunch 都是第一次



久違了的沙律吧的沙律 , 朋友整得咁靚仔緊係要影番張相啦 !



My lunch " 香草鮮蝦意粉 " 估唔到個意粉超好味 yummy! yummy!



" 綠茶紅豆夾餅 "

食完主菜緊係食我近期既至愛啦 !

唔知點解近來好鐘意食 , 而且越食越想食好似癲咗咁收唔到制 ,

大家唔好見圖就以為我獨享 , 其實我哋已經食到好飽這個甜品是四個人分享的 ^^