剛過去的星期六三人行入元朗攞貨兼去飲飲食食 ,
放工後大家都有少少肚餓於是我同帶隊的朋友講不如入到去搵少少野食住先 ;
一落車朋友先帶我地去一間賣韓國食品的商舖 ,
女人是否真的是天生 " 購物狂 " 呢 ? ? ? ? ? ( 入到店舖大家都有收獲 ^^ )
之後我地仿佛好像走進了手信街大家先試了羗糖同花生糖 ,
咦 ! 又幾好食喎 ! 於是我同朋友二人又入了少少貨 >.<
買完糖再繼續行今次仲有蕃薯同花生試添 !
擺賣的阿姐拿著一篩烚好了的蕃薯同花生不停地叫路人試食 ,
她用紙巾包著一個蕃薯 + 一粒花生分給我們三人各一份 ,
朋友說笑本應我地諗住去食野現在邊行邊食都飽晒 !
試食完我地又幫阿姐買了 3 磅 3 個人分 ( 再咁買落下真係要拉車仔 ^3^ )
之後朋友帶了我地去試 " 串皇 " 既串燒
今次試咗雞同魷魚串燒是即叫即燒的所以要等 ,
聽到別的食客說賺到佢笑 ( 好以平均要成二十蚊一串 )
雖然係貴咗少少但人地對住個爐係咁燒都是辛苦錢黎既 ,
第一次試都算唔錯幾好食 ( 這裡不是我地既主餐所以只試了兩串 )
終於來到食午餐既地方
這食店不算大但有好多人幫襯 , 所以我地都要等咗一陣先有位 ,
一坐下當然由地膽發啦 !
" 香酥雞扒麵 "
麵未到先來雞扒一拍完照大家都急不及待的開餐了 ,
香酥雞扒我覺得 ok 既但個湯麵就不是我杯茶
" 肉澡茄子 "
本應應該係好食既但朋友食開就略嫌今次個茄子整得過咗火
朋友極力推介的 " 紅燒牛肉干拌麵 "
朋友都知我唔食牛但都猛叫我試一試個紅燒牛 ,
最終試咗一小嗒 ok 不錯 , 個人覺得拌麵好食過湯麵
" 過橋餃子 "
剛剛食完午餐朋友又帶咗我地去 " 茶.包 " 食脆豬
脆豬又是即叫即整的 , 所以等食期間飲番杯茶消下滯先 ( 我知唔得講笑啫 ! ^3^ )
" 奶油脆豬 " 得嗱 ! 果然係超脆脆豬 " 超正 "
再來我的最愛 " 奶醬脆豬 "
這店的脆豬真係唔講得笑好食過好多茶餐廳既脆豬 ,
食完午餐已經飽飽地但都食了 3 件 ^3^
短短一個下午就買咗咁多野嗱 !
蕃薯成了我同媽媽星期日的食糧之一 ,
一大清早我便來了個營養早餐 " 蕃薯 + 麥皮 "
試食完覺得好食見又唔係貴於是就買咗盒雜錦花生糖嗱 !
見朋友買得咁開心忍唔住入咗兩手 ^3^
上次朋友係元朗買的松露鹽試過之後極力推介 ,
咁緊係要入番一手試下啦 !
今次入元朗就係為咗攞呢 set 聖誕版既朱古力飲品 ,
在寒冷的冬天熱朱古力真是最佳的良伴 ( d 罐罐係咪好靚呢 ? )
還要多謝朋友自製的愛心梅汁 ^3^
同朋友在荔枝角區工作多年都知無咩食肆好食 ,
所以平日就算要出去 lunch 都只有幫襯連所式快餐店 ,
26/11 近日多咗位朋友過來找我地—齊 lunch 咁咪諗住試新野囉 !
點知仲伏指數直線上升新食力一間不如—間 >.<
由於時間關係我叫朋友先代為揾位同點菜
所以朋友便一早來到但見門囗張貼了這張告示已經有點不悅
開餐嗱 ! 先來 " 羅宋湯 " 我都覺得 ok 既 !
但朋友略嫌唔夠濃
朋友的 " 炭燒美國頂級西冷牛扒配黑椒汁 "
我又偷試一小件好失望完全無咩味連嚐牛的朋友都是這樣説 ,
牛扒的生熟程度雖然適中但依然較靭 ;
如朋友 L 咁講如果不是老板被騙就是我地被騙 T-T
我揀了 " 扒春雞配白菌汁昆布蘭腸 " 個黑松露意粉都 ok 既略嫌不熱 ,
至於春雞可能朋友不是試脾位肉質較 "鞋" 近但骨骹位還是生的 >.<
就算我食脾位都只是好少少亦講不上滑
朋友 M 的 " 香煎鱸魚配黑松露意粉 "
講真一向鐘意食西餐的我從來未試過魚扒又腥又唔滑 ,
連我同同事講佢都話西餐既魚扒好小會腥架！
餐茶我要了咖啡可能這咖啡不是我杯茶 ,
我飲了一啖便放棄了（但從未試過會這樣 >.<）
試完這頓咁貴既劣質餐後我真係好有興趣想睇埋篇報道點寫 ,
估唔到又真係比我地睇到喎 ! 睇完篇報道更加一肚火 `^'
講真一句門面得食物唔得又有何用呢 !
28/11 朋友話飲茶我就見議試點心店今次揀了 "照龍點心專門店"
黃金流沙包 , 蟹籽燒賣皇 , 鮮竹牛肉球 , 潮州蒸粉果 , 排骨蒸陳村粉 , 蒜香蝦春卷
整餐 lunch 最好味就係春卷嗱 !
其他點心睇還可以但食就試過一次便算 >.<
29/11 今次仲伏既係位於太子的 " 大自然素食 " ,
之前大家都有聽朋友講過這裡的素食不錯咁就一於去試下晚餐啦 !
" 豉椒味菜鱔絲煲 " 炸冬菇的炸粉有點硬 , 一食已感覺勁重味精同麻油味 >.<
" 靈芝菇紅燒鴛鴦豆腐 " 除咗材料唔同基本上同上面個煲係同一味道 >.<
" 瑤柱金菇扒西蘭花 " 有朋友食到西蘭花有問題所以我地退咗 ,
及後店員都好好人問我地想改其他菜式定係取消 ,
這店的素食味精什重我地已經無咩意欲再試其他菜式所以唯有取消
" 芋頭魚 " 其實這道菜是好受歡迎的 , 可惜完全無芋頭味而且芋茸又好鬆散 >.<
這是店舖送的綠豆糖水 , 點解糖水會似打咗茨既 ? ? ? ? ?
呢頓晚餐好差食得好唔開心 , 最終要過義順食番碗雙皮燉奶補數 ^.^
