2012 Halloween cookies

已經有年幾時間沒有焗焙了 ,

今年的 Halloween 終於提起心肝去整曲奇 ^.^



開工啦 ! 開工啦 !






黑白雙殺 2012 年新款 , 亦是我今年較喜愛的一南瓜造型 ,

而小蝙蝠原來都很不錯 ^^



"2012 年限量版" 呢款真係手工曲奇要用較耐的時間先可以完成一塊 ,

所以只做了這 4 塊 ( 我自己就好鐘意  )












終於大功告成 ! 今年都好開心可以買到靚靚曲奇袋 (要多謝朋友 M ^.^) ,

由於已有一段時間無焗餅 , 所以生產力相對下降了少許 ,

因此數量較少出年要努力 d , 收唔到的朋友唔好意思 la !

美味的蟹粉拉麵@上上拉麵小籠包

今年應該會開工整 Halloween 小曲奇 ,

所以昨晚放工後便約朋友去材料 ,

本應想做玻璃窗曲奇可惜暫時都未買到糖 ,

好慘呀 ! 可能最後只能走進黑白世界了 >.< 

買完材料緊係晚飯時間啦 !

商量完一大輪後最終大家都決定了食上海菜 ,

我又可以食醉豬手了 ^.^



"蟹粉毛細麵"

呢個係我地睇緊餐牌時 , 突然有一位好好人的部長走過來推介了此款麵食 ,

見部長咁有誠意推介好一於試下佢 , 呢個麵我好鐘意好好味呀 !

如果不是 order 了小籠包我諗我想叫多一碗 ^^



"醉豬手" 來此店又怎能少得我的至愛 "正" "正" "正"

 

"上海小籠包" 我地都覺得好食過翡X拉麵 ,

後來先發覺佢地仲有 "鴛鴦蟹粉小籠包" ,

唔得要快快找時間再來食



"甜品拼盤" - 酒釀丸子 , 擂沙湯圓 , 手抓豆沙餅

喺未到食店前朋友已經嚷着要食酒釀丸子 , 所以飯後甜品又怎能不要它呢 ?

當我地再問好好人部長攞餐牌叫甜品時 , 部長又推介呢個甜品拼盤俾我地 ,

咦 ! 又幾好喎 ! 一個拼盤有三款甜品而且仲可以自由選擇 ,

呢間店真是捉到女士們的心態 (花款要多 , 但量要少 )

每一款甜品都不會太甜 , 其中較好食的有 "酒釀丸子" 及 "手抓豆沙餅" ,

而 "擂沙湯圓" 就失色在芝麻餡唔夠香

久聚@大戶屋

星期一晚 3 人行而其中一位朋友已經有一個月時間無見啦 !

耐唔耐就見仁見智 , 之前朋友話想試 "大戶屋" (其實我都想試好耐 ^.^) ,

好啦 ! 咁就一齊去試下最終選了尖沙咀那間 ,

有兩隻餓鬼係咁叫肚餓 , 於是就 order 了一桌的食物



"杏鮑菇串燒" 都幾好食 (只是略嫌不夠熱 )



再來 "雜錦串燒" 味道 ok (但一樣唔夠熱)



"小魚豆腐沙律" 呢款都好 "正"



"京燒銀雪魚定食" 呢個餐超 "正" 有我喜歡的銀雪魚 (好滑滑呀 ! )

仲有不得不題的 "茶婉蒸" 超滑我都是第一次食到咁滑的 ^^



好有罪惡感的 "燒五花腩" 不過真係好好食 ,

可能加上是即燒的原故 (又香又可口 )



"雞肉串燒拼盤盒子飯" 其實同雜錦燒的燒無咩分別 ,

只是見好多人都係網上讚好 , 咁咪試下囉 !

個飯舖滿了醬汁好食 , 但只有薄薄的一層唔夠喉添 !

當食飽飽時朋友 L 就建議轉場繼續傾計

 

本應想食 cake 但剛剛食到飽飽的 , 所以大家只要了飲品 ,

朋友 L 話想試朱古力 , 因為我咳咳所以只偷食了 2 舊 ,

買滿 $200.00 朱古力加送士多啤梨脆米 ; 

原來越夜越多人寧靜的環境突然變得嘈雜 ,

所以我地唯有走人下次再聚

進入廸士尼黑色世界(下)

經過一整的奇妙旅程人都已經有點疲倦 ,

在進入黑色世界之前先找間餐廳醫下肚 ^.^

為了應節大家都要了一個 "大街鬼魅套餐"



頭盤我要了 "魔域森林 - 芒果沙律配日本芥苿汁"

呢個幾好味唔錯



另一款頭盤 "蝙蝠魅影 - 煙鴨胸沙律配檸檬油醋汁"

這個無試唔知好唔好味呢 ?



主菜大部份人都要了 "牛魔王祭典 - 扒牛柳伴薯蓉雜菜配摩利菌汁"



唔食牛的我就要了 "蜘蛛墓塚 - 香煎三文魚芝士意大利飯"



綠色狼人 - 青蘋果梳打

本應我都想飲呢個 , 可惜帶病的我不敢再飲凍飲了 >.<


 
點解同餐廳的圖片有偏差既

大部份人都揀了 "赤火山 - 草苺朱古力特飲"

甜品無得選擇 "幽靈出洞 - 南瓜芒果慕絲配士多啤梨醬"



食飽飽步出餐廳門口已經見到大街兩旁都堆滿了人流 ,

他們都是等待着花車巡遊的開始 , 快 d 找個好位置先



萬衆期待的巡遊終於開始啦 !  (照片借用同行的友人)





(照片借用同行友人)


(照片借用同行友人)

(照片借用同行友人)

整體感覺巡遊時間短咗 , 不過間場時間會有僵屍同狼人通街走












影完僵屍同人狼 , 臨走前影下 d 靚靚廚窗先 ^.^















雖然有少少病又疲倦 , 但就玩得好開心 ^.^

 

進入廸士尼奇妙世界(上)

其實我是一個喜歡外國節日多於中國節日的人 ,

首選當然是聖誕節 , 其次就是萬聖節了 ,

由其近幾年除了會做一些萬聖節曲奇送給朋友外 ，

還會在臨近萬聖節的時候入廸士尼玩番一日 ,

藉以感受一下萬聖節的氣氛 , 但已經有兩年時間沒有去了 ,

況且樂園新加設施後又沒有去過 ,

好今年一於約埋大人小朋友一齊入去玩番一日先 ,

一早已經約好了於星期六同遊廸士尼 ^.^



一大清早入到廸士尼先來個熱身逛下商店 ,

嘩 ! 可愛的小貓咪呀 !



仲有招招積積既史廸仔



好行完商舖就開始去外邊影下街景同玩機動遊戲啦 !

當日好晒呀 ! >.<



喂 ! 影相呀 ! 小妹妹準備好未呀 ?



一見到有關萬聖節的佈置就忍不住手要拍照了



大家發現到嗎 ? 有南瓜史廸仔呀 !



找個靚靚公主影下相先



當然要搵埋胡廸同翠絲一齊影相啦 ! ^.^



骷髏頭寶座呀 !



每人要留低一個頭 ^^
 

一邊影下相一邊玩下機動遊戲 , 不知不覺就玩了一整日 ,

最後小朋友們嚷着要入鬼屋 , 但我同朋友真的有點怕怕 ,

所以我地就選擇去餐廳攞位 , 就由小朋友的媽媽陪她們好了 !